Лінкі ўнівэрсальнага доступу

Марыніч: У Лукашэнкі было 12 гадоў, каб адаптаваць эканоміку да рынку


Уладзімер Глод, Менск Былы міністар замежнаэканамічных сувязяў Беларусі Міхаіл Марыніч лічыць, што Аляксандар Лукашэнка гадамі гуляў у папулізм, атрымліваючы з Расеі танныя энэрганосьбіты. Ён ня мог не разумець, што так бясконца ня будзе, кажа Марыніч.

І таму сёньняшнія Лукашэнкавы скаргі расейскім журналістам на тое, што Расея выстаўляе розныя кошты для сваіх і беларускіх суб’ектаў гаспадараньня выглядаюць крывадушнымі, мяркуе Міхаіл Марыніч:

“Нават сёньня для Беларусі кошты застаюцца самымі нізкімі, калі параўнаць зь іншымі краінамі. За дванаццаць гадоў можна было перайсьці на рынкавую эканоміку і не прыніжаць ні сябе, ні беларускі народ, ні беларускую дзяржаву.

Гэта поўнае ўтрыманства. Усё канючым, выпрошваем. Гэта проста зьняважліва для нашай нацыі. Дванаццаці гадоў было цалкам дастаткова, каб спакойна адаптаваць эканоміку да рынку. І жыць, як усе цывілізаваныя краіны. Прынамсі, як нашы суседзі”.

• А.Лукашэнка выступае перад расейскімі журналістамі, 12.10.2007
XS
SM
MD
LG