На прэзэнтацыю кнігі пра свайго бацьку Вольга Казуліна прыехала пасьля наведваньня прадстаўніцтва ААН у Беларусі, празь якое перадала скаргу ў Камітэт ААН у правах чалавека.
“Мы кажам пра тое, што першапачаткова гэта было палітычна матываванае рашэньне, на падставе якога майго бацьку пасадзілі на пяць з паловай гадоў. Мы патрабуем, каб Камітэт ААН у правах чалавека ў пазачарговым парадку разгледзеў гэтую скаргу. Мы патрабуем, каб яго неадкладна вызвалілі. І трэцяе — мы патрабуем кампэнсаваць маральныя страты — на 2 мільёны эўра”, — паведаміла Вольга Казуліна.
Паводле Вольгі Казулінай, гэта яшчэ невялікая сума з улікам тых пакутаў, што давялося перанесьці яе бацьку, экс-кандыдату ў прэзыдэнты і проста грамадзяніну Беларусі.
Былы дэпутат Палаты прадстаўнікоў Сяргей Скрабец, які разам з Аляксандрам Казуліным пэўны час адбываў пакараньне ў калёніі “Віцьба-3”, гаворыць пра крытычны стан здароўя колішняга кандыдата ў прэзыдэнты.
“У мяне дакладная інфармацыя ёсьць ад яго. У яго праблемы з зубамі, адыходзіць эмаль, праблемы са страўнікам і кровазваротам галаўнога мозгу. Гэта ўсё наступствы 53-дзённай галадоўкі. Выйсьці з гэтага стану немагчыма. Я лічу, што яго там павольна забіваюць”.
У выдадзеную праваабаронцамі Алегам Воўчакам і Раісай Міхайлоўскай кнігу “Вязень прэзыдэнта” ўвайшлі матэрыялы грамадзкай камісіі “Свабоду Казуліну і ўсім палітвязьням Беларусі”.
У кнізе — выступы Казуліна падчас прэзыдэнцкай кампаніі 2006 году, матэрыялы папярэдняга расьсьледаваньня крымінальнай справы, тут жа хроніка суду над палітыкам.
Аўтары склалі сьпіс з 86 чалавек, якія наўпрост ці ўскосна зьвязаныя з крымінальнай справай супраць Аляксандра Казуліна. Сярод іх і міліцыянты, і спэцназаўцы, і судзьдзі, і пракуроры. Праўда, як адзначыла Вольга Казуліна, у сьпісе не хапае яшчэ аднаго чалавека, на чый загад Аляксандар Казулін і апынуўся за кратамі.
У сэрыі “Незалежнае расьсьледаваньне” ўжо выйшлі бюлетэні пра “Марш свабоды” 1999 году, пра трагедыю на Нямізе, пра зьніклых палітыкаў. На прэзэнтацыі былі жонкі зьніклых Віктара Ганчара, Зьмітра Завадзкага і Анатоля Красоўскага.
Ірына Красоўская ў інтэрвію “Свабодзе” гаворыць пра важнасьць выданьняў з сэрыі “Незалежнае расьсьледаваньне”.
“Я лічу, што гэта вельмі добрая і карысная справа, таму што людзі ў Беларусі ня маюць дастаткова інфармацыі пра тое, што адбываецца з тымі людзьмі, хто спрабуе супрацьстаяць гэтай уладзе”.
Праваабаронца і каардынатар камісіі “Свабоду Казуліну і ўсім палітвязьням Беларусі” Алег Воўчак лічыць, што пытаньне палітвязьняў і зьніклых у Беларусі дагэтуль застаецца надзвычай актуальным.
Былога кандыдата на прэзыдэнта Аляксандра Казуліна асудзілі на пяць з паловай гадоў зьняволеньня паводле абвінавачаньня ў хуліганстве і арганізацыі вулічных беспарадкаў. Палітыка трымаюць за кратамі з 25 сакавіка 2006 году. У калёніі Аляксандар Казулін трымаў 53-дзённую галадоўку, якая адбілася на ягоным здароўі. “Міжнародная амністыя” прызнала Казуліна вязьнем сумленьня.
Здароўе Аляксандра Казуліна не палепшала, 9.10.2007 А.Мілінкевіч зьвярнуўся да Генпракурора ў абарону А.Казуліна, 20.09.2007 І. Рынкевіч: “Прысуд Казуліну застаецца незаконным”, 19.09.2007 Адзін дзень у сям’і палітвязьня Аляксандра Казуліна, 5.02.2007 Адзін дзень у сям’і палітвязьня (усе перадачы)
“Мы кажам пра тое, што першапачаткова гэта было палітычна матываванае рашэньне, на падставе якога майго бацьку пасадзілі на пяць з паловай гадоў. Мы патрабуем, каб Камітэт ААН у правах чалавека ў пазачарговым парадку разгледзеў гэтую скаргу. Мы патрабуем, каб яго неадкладна вызвалілі. І трэцяе — мы патрабуем кампэнсаваць маральныя страты — на 2 мільёны эўра”, — паведаміла Вольга Казуліна.
Паводле Вольгі Казулінай, гэта яшчэ невялікая сума з улікам тых пакутаў, што давялося перанесьці яе бацьку, экс-кандыдату ў прэзыдэнты і проста грамадзяніну Беларусі.
Былы дэпутат Палаты прадстаўнікоў Сяргей Скрабец, які разам з Аляксандрам Казуліным пэўны час адбываў пакараньне ў калёніі “Віцьба-3”, гаворыць пра крытычны стан здароўя колішняга кандыдата ў прэзыдэнты.
“У мяне дакладная інфармацыя ёсьць ад яго. У яго праблемы з зубамі, адыходзіць эмаль, праблемы са страўнікам і кровазваротам галаўнога мозгу. Гэта ўсё наступствы 53-дзённай галадоўкі. Выйсьці з гэтага стану немагчыма. Я лічу, што яго там павольна забіваюць”.
У выдадзеную праваабаронцамі Алегам Воўчакам і Раісай Міхайлоўскай кнігу “Вязень прэзыдэнта” ўвайшлі матэрыялы грамадзкай камісіі “Свабоду Казуліну і ўсім палітвязьням Беларусі”.
У кнізе — выступы Казуліна падчас прэзыдэнцкай кампаніі 2006 году, матэрыялы папярэдняга расьсьледаваньня крымінальнай справы, тут жа хроніка суду над палітыкам.
Аўтары склалі сьпіс з 86 чалавек, якія наўпрост ці ўскосна зьвязаныя з крымінальнай справай супраць Аляксандра Казуліна. Сярод іх і міліцыянты, і спэцназаўцы, і судзьдзі, і пракуроры. Праўда, як адзначыла Вольга Казуліна, у сьпісе не хапае яшчэ аднаго чалавека, на чый загад Аляксандар Казулін і апынуўся за кратамі.
У сэрыі “Незалежнае расьсьледаваньне” ўжо выйшлі бюлетэні пра “Марш свабоды” 1999 году, пра трагедыю на Нямізе, пра зьніклых палітыкаў. На прэзэнтацыі былі жонкі зьніклых Віктара Ганчара, Зьмітра Завадзкага і Анатоля Красоўскага.
Ірына Красоўская ў інтэрвію “Свабодзе” гаворыць пра важнасьць выданьняў з сэрыі “Незалежнае расьсьледаваньне”.
“Я лічу, што гэта вельмі добрая і карысная справа, таму што людзі ў Беларусі ня маюць дастаткова інфармацыі пра тое, што адбываецца з тымі людзьмі, хто спрабуе супрацьстаяць гэтай уладзе”.
Праваабаронца і каардынатар камісіі “Свабоду Казуліну і ўсім палітвязьням Беларусі” Алег Воўчак лічыць, што пытаньне палітвязьняў і зьніклых у Беларусі дагэтуль застаецца надзвычай актуальным.
Былога кандыдата на прэзыдэнта Аляксандра Казуліна асудзілі на пяць з паловай гадоў зьняволеньня паводле абвінавачаньня ў хуліганстве і арганізацыі вулічных беспарадкаў. Палітыка трымаюць за кратамі з 25 сакавіка 2006 году. У калёніі Аляксандар Казулін трымаў 53-дзённую галадоўку, якая адбілася на ягоным здароўі. “Міжнародная амністыя” прызнала Казуліна вязьнем сумленьня.
Здароўе Аляксандра Казуліна не палепшала, 9.10.2007 А.Мілінкевіч зьвярнуўся да Генпракурора ў абарону А.Казуліна, 20.09.2007 І. Рынкевіч: “Прысуд Казуліну застаецца незаконным”, 19.09.2007 Адзін дзень у сям’і палітвязьня Аляксандра Казуліна, 5.02.2007 Адзін дзень у сям’і палітвязьня (усе перадачы)
