Лінкі ўнівэрсальнага доступу

Гомель: ад кампутараў у офісе АГП засталіся толькі маніторы


Уладзімер Глод, Менск Пасьля завяршэньня ператрусу, які сёньня правялі ў прыватным доме па вуліцы Палескай ў Гомелі супрацоўнікі КДБ, у абласной і гарадзкой філіях Аб''яднанай грамадзянскай партыі засталіся толькі маніторы ад кампутараў.

Пра гэта нашаму Радыё толькі што распавёў па тэлефоне кіраўнік гарадзкой партыйнай філіі Андрэй Толчын:

«У нас адабраны сыстэмныя блёкі, а таксама ксэраксы. Забралі блёкі і ад прыватных кампутараў, і нават паламаныя.

Я запытаўся ў супрацоўнікаў КДБ, чаму яны не апячаталі інфармацыйныя ўваходы ды выхады з гэтых блёкаў, бо можна ўнесьці туды якую захочаш інфармацыю. А яны адказалі: мы апячаталі кампутары».

У прыватным доме знаходзіцца офіс гарадзкой філіі АГП. Ён зьяўляецца юрыдычным адрасам і абласной філіі.

Як мы паведамлялі раней, прадстаўнікі КДБ прад’явілі ордэр на ператрус, які падпісаў пракурор вобласьці спадар Палавінка. Яны сказалі, што праверка ідзе ў рамках справы, якая заведзеная супраць гомельскай арганізацыі “Маладога фронту”.

• Гомель: Ператрус зьвязаны з справай “Маладога Фронту”, 05.10.2007
XS
SM
MD
LG