Лінкі ўнівэрсальнага доступу

Расейская кампанія выплаціць кампэнсацыю за аварыю на Віцебшчыне


Радыё Свабода, Віцебская вобласьць

Паводле судовага рашэньня расейская кампанія “ЗападТранснефтепродукт” мусіць выплаціць амаль 15 мільярдаў рублёў за наступствы аварыі на прадуктаправодзе Унеча-Вэнтспiлс, якая адбылася 23 сакавіка ў Бешанковіцкім раёне Віцебскай вобласьці.

У выніку аварыі нафтапрадукты, у прыватнасьці, дызельнае паліва, трапіла ў рэчкі Вула і Заходняя Дзьвіна. У гэтыя вадаёмы трапіла 234 тоны нафтапрадуктаў, і Міністэрства прыродных рэсурсаў і аховы навакольнага асяродзьдзя ацаніла спрычыненую шкоду на 13 мільярдаў 206 мільёнаў рублёў.

Расейскае прадпрыемства добраахвотна выплаціла толькі паўтара мільярда рублёў, а таксама кампэнсавала 100 мільёнаў за працу беларускіх выратавальнікаў са службы МНС. Каб спагнаць астатнюю суму, Міністэрства прыродных рэсурсаў і аховы навакольнага асяродзьдзя зьвярнулася ў суд. Зыск быў задаволены, і “ЗападТранснефтепродукт” распачаў выплаты паводле судовага рашэньня: каля 15 мільярдаў расейскае прадпрыемства сплаціць беларускаму боку цягам гэтага году.

• Латвія запатрабуе ад Беларусі кампэнсацыю, 4.04.2007 • Віцебшчына: аварыя на нафтаправодзе "Унеча – Вэнтспілс", 26.03.2007
XS
SM
MD
LG