Лінкі ўнівэрсальнага доступу

А.Мілінкевіч стварае Раду эўрапейскай інтэграцыі


Радыё Свабода У Раду ўвойдуць грамадзкія дзеячы, палітыкі, экспэрты, якія дэкляруюць сваю прыхільнасьць ідэі эўрапейскага выбару Беларусі, гаворыцца ў паведамленьні прэсавай службы руху “За свабоду”.

Каардынатар руху "За свабоду" Юрась Губарэвіч паведаміў, што да ўдзелу ў Радзе запрошаныя 30 чалавек. Папярэдне пагадзіліся далучыцца Ігар Рынкевіч, Станіслаў Шушкевіч, Павал Севярынец, Алесь Міхалевіч, Віталь Сіліцкі, Андрэй Дынько, дадаў Ю.Губарэвіч.

"Рада эўрапейскай інтэграцыі павінна стаць аўтарытэтным грамадзкім цэнтрам, які аб’яднае патэнцыял розных палітычных і грамадзкіх сілаў, прыхільных ідэі эўрапейскага выбару Беларусі", – заявіў Аляксандар Мілінкевіч.

Галоўнымі задачамі рады будзе выпрацоўка бачаньня эўрапейскай інтэграцыі Беларусі, вызначэньне канкрэтных дзеяньняў, якія неабходныя, каб усталяваць эўрапейскія стандарты і падрыхтаваць Беларусь да сяброўства ў ЭЗ, зазначаецца ў паведамленьні прэсавай службы руху “За свабоду”.

• Рух “За Свабоду” не зарэгіструюць, 20.09.2007 • Вярхоўны суд разглядае скаргу заснавальнікаў Руху “За Свабоду”, 19.09.2007
XS
SM
MD
LG