Лінкі ўнівэрсальнага доступу

logo-print

У Горадні затрыманыя два актывісты АГП


Сяргей Астраўцоў, Горадня У Горадні 30 верасьня міліцыянты затрымалі шасьцёх актывістаў, што раздавалі газэту “Свабода Беларусі”.

Чатырох зь іх адпусьцілі, а кіраўніка абласной арганізацыі АГП Юрыя Істоміна пакінулі ў Кастрычніцкім РАУС, і намесьніка кіраўніка гарадзкой арганізацыі партыі Андрэя Янушкевіча — у Ленінскім РАУС. Яго заўтра раніцай павінны даставіць у суд. Абвінавачаньне адносна яго стандартнае — “нецэнзурна лаяўся”.

Раздача газэты адбвылася на рынках гораду — на “Кароне”, на Цэнтральным і ў Паўднёвым. На “Кароне” быў затрыманы Андрэй Янушкевіч, каля унівэрсам “Брэст” — Юры Істомін. Чатырох актывістаў затрымалі на “Паўднёвым”, у іх узялі тлумачэньні, завезьлі ў Кастрычніцкі райаддзел, дзе склалі пратакол аб канфіскацыі газэт, пасьля чаго адпусьцілі.
XS
SM
MD
LG