У судзе Партызанскага раёну Менску судзьдзя Алена Ціцянкова разгледзела адміністрацыйныя пратаколы на затрыманых Леаніда Навіцкага, Алену Гладкую і Віталя Ціхановіча.
Першым судзілі Леаніда Навіцкага. Ён апавёў “Свабодзе”, што 21 верасьня да яго ў кватэру прыйшлі супрацоўнікі КДБ, якія адмовіліся назваць прозьвішчы. Пазьней туды прыехалі супрацоўнікі міліцыі й правялі ператрус.
Гаворыць Леанід Навіцкі:
“Забралі 96 сьцягоў Эўразьвязу з надпісам “Беларусь” у цэнтры. Майкі з надпісам “By” і зорачкамі вакол, дыскі, банданы сіняга колеру. Калі я папрасіў, каб мне далі копію пратакола, то яны адмовіліся гэта зрабіць, сказаўшы: “Не паложана”. Я маю намер падаць скаргу ў пракуратуру, бо міліцыянты ня маюць права забіраць маю маёмасьць”.
У міліцыі на Леаніда склалі два адміністрацыйныя пратаколы. Першы — нібыта за нецэнзурную лаянку, а другі — за падрыхтоўку несанкцыянаванай акцыі.
Судзьдзя Алена Ціцянкова арыштавала Леаніда Навіцкага на 10 сутак паводле першага пратаколу. Леанід не выключае, што адразу пасьля адбыцьця пакараньня яго прывязуць у суд і зноў арыштуюць.
“Гэты пратакол быў складзены дзеля таго, каб я не пасьпеў падаць скаргу. Другі – каб я не ўдзельнічаў у гэтым маршы”.
Віталя Ціхановіча таксама затрымалі 21 верасьня. Ён быў разам са сваёй сяброўкай Аленай Гладкай на прыпынку грамадзкага транспарту. Да іх падышлі міліцыянты. Віталь апавёў, што было далей:
“Да нас падышлі міліцыянты і сказалі, што ў горадзе пачасьціліся выпадкі распаўсюджваньня газэт і папрасілі нас паказаць, што ў заплечніках. У Аліны знайшлі газэты і міліцыянт папрасіў Аліну сесьці ў машыну. Я заступіўся за яе. Тады яны пачалі й мяне штурхаць. Паколькі я не паддаваўся, на мяне начапілі кайданкі”.
Віталя Ціхановіча арыштавалі на 15 сутак. Ён вучыцца ў лінгвістычным унівэрсытэце і лічыць, што ягоны арышт пацягне выключэньне з навучальнай установы.
Сяброўку Віталя Алену Гладкую судзьдзя арыштавала на 7 сутак. Алена апавяла ў судовай залі:
“На Акрэсьціна я была з алькагалічкамі. Яны былі брудныя і я таксама стала бруднай як зь імі пасядзела. Нас было дзесяць чалавек у камэры. Я на Акрэсьціна ўжо другі раз. Першы – перад “Чарнобыльскім шляхам”.
Тым часам у судзе Цэнтральнага раёну арыштавалі на 10 сутак актывіста Партыі БНФ Кастуся Грахава. Хлопец вучыцца на другім курсе дзённага аддзяленьня лінгвістычнага ўнівэрсытэту. Спэцназаўцы знайшлі ў ягоным заплечніку ўлёткі з заклікам удзельнічаць у “Эўрапейскім” і “Сацыяльным” маршах.
Сьведкі, байцы спэцназу міліцыі, казалі, што Кастусь нібыта на іх вачах клеіў налепкі на будынак рэстарацыі “Макдоналдз”, што ля Кастрычніцкай плошчы.
Кастусь заявіў, што насамрэч у яго праверылі ўсе рэчы ў заплечніку, як і ў дзясяткаў іншых маладзёнаў на менскіх вуліцах за апошнія трое сутак.
Уладзімер Навіцкі
Віталь Ціхановіч і Алена Гладкая
Алена Гладкая
Менск: судзяць за ўлёткі, 24.09.2007
Першым судзілі Леаніда Навіцкага. Ён апавёў “Свабодзе”, што 21 верасьня да яго ў кватэру прыйшлі супрацоўнікі КДБ, якія адмовіліся назваць прозьвішчы. Пазьней туды прыехалі супрацоўнікі міліцыі й правялі ператрус.
Гаворыць Леанід Навіцкі:
“Забралі 96 сьцягоў Эўразьвязу з надпісам “Беларусь” у цэнтры. Майкі з надпісам “By” і зорачкамі вакол, дыскі, банданы сіняга колеру. Калі я папрасіў, каб мне далі копію пратакола, то яны адмовіліся гэта зрабіць, сказаўшы: “Не паложана”. Я маю намер падаць скаргу ў пракуратуру, бо міліцыянты ня маюць права забіраць маю маёмасьць”.
У міліцыі на Леаніда склалі два адміністрацыйныя пратаколы. Першы — нібыта за нецэнзурную лаянку, а другі — за падрыхтоўку несанкцыянаванай акцыі.
Судзьдзя Алена Ціцянкова арыштавала Леаніда Навіцкага на 10 сутак паводле першага пратаколу. Леанід не выключае, што адразу пасьля адбыцьця пакараньня яго прывязуць у суд і зноў арыштуюць.
“Гэты пратакол быў складзены дзеля таго, каб я не пасьпеў падаць скаргу. Другі – каб я не ўдзельнічаў у гэтым маршы”.
Віталя Ціхановіча таксама затрымалі 21 верасьня. Ён быў разам са сваёй сяброўкай Аленай Гладкай на прыпынку грамадзкага транспарту. Да іх падышлі міліцыянты. Віталь апавёў, што было далей:
“Да нас падышлі міліцыянты і сказалі, што ў горадзе пачасьціліся выпадкі распаўсюджваньня газэт і папрасілі нас паказаць, што ў заплечніках. У Аліны знайшлі газэты і міліцыянт папрасіў Аліну сесьці ў машыну. Я заступіўся за яе. Тады яны пачалі й мяне штурхаць. Паколькі я не паддаваўся, на мяне начапілі кайданкі”.
Віталя Ціхановіча арыштавалі на 15 сутак. Ён вучыцца ў лінгвістычным унівэрсытэце і лічыць, што ягоны арышт пацягне выключэньне з навучальнай установы.
Сяброўку Віталя Алену Гладкую судзьдзя арыштавала на 7 сутак. Алена апавяла ў судовай залі:
“На Акрэсьціна я была з алькагалічкамі. Яны былі брудныя і я таксама стала бруднай як зь імі пасядзела. Нас было дзесяць чалавек у камэры. Я на Акрэсьціна ўжо другі раз. Першы – перад “Чарнобыльскім шляхам”.
Тым часам у судзе Цэнтральнага раёну арыштавалі на 10 сутак актывіста Партыі БНФ Кастуся Грахава. Хлопец вучыцца на другім курсе дзённага аддзяленьня лінгвістычнага ўнівэрсытэту. Спэцназаўцы знайшлі ў ягоным заплечніку ўлёткі з заклікам удзельнічаць у “Эўрапейскім” і “Сацыяльным” маршах.
Сьведкі, байцы спэцназу міліцыі, казалі, што Кастусь нібыта на іх вачах клеіў налепкі на будынак рэстарацыі “Макдоналдз”, што ля Кастрычніцкай плошчы.
Кастусь заявіў, што насамрэч у яго праверылі ўсе рэчы ў заплечніку, як і ў дзясяткаў іншых маладзёнаў на менскіх вуліцах за апошнія трое сутак.
Уладзімер Навіцкі
Віталь Ціхановіч і Алена Гладкая
Алена Гладкая
Менск: судзяць за ўлёткі, 24.09.2007
