Да 23-га дня кожнага месяца Беларусь павінна разьлічвацца за пастаўлены расейскі газ.
Прэсавы сакратар “Белтрансгазу” Ўладзімер Чэкаў сказаў:
Чэкаў: “Запазычанасьцяў у кантракце няма”.
Карэспандэнт: “А колькі пералічылі за жнівень, якую суму?”
Чэкаў: “Сума — гэта працоўныя моманты. Даўгоў няма”.
Ніякай іншай інфармацыі ў “Белтрансгазе” не падалі. Таксама у “Газпроме” не захацелі размаўляць на гэтую тэму.
Прадстаўнік прэс-службы “Газпрому”Андрэй Чарных таксама адмовіўся камэнтаваць выказваньні Аляксандра Лукашэнкі.
Кіраўнік жа Беларусі заявіў, што ў афіцыйнага Менску будзе жорсткая матывацыя на перамовах пра новы кантракт на будучы год.
Чаму беларускаму боку ўдалося так лёгка разьлічыцца з “Газпромам”?
Эканаміст Тацяна Манёнак сказала:
“Кошты прыроднага газу аплачвае ня ўрад, а прадпрыемствы. А летам спажываньне газу не такое вялікае, параўнальна зь зімовым пэрыядам. Таму яны акуратна гэта аплацілі, а многія прадпрыемствы ўзялі крэдыты на аплату энэрганосьбітаў”.
Паводле Тацяны Манёнак, беларускі бок таксама спадзяецца атрымаць расейскі крэдыт, таму і дэманструе, што эканоміка працуе эфэктыўна й Беларусь можа спраўна разьлічвацца за газ.
Эканаміст Леанід Заіка нагадвае, што Беларусь атрымала ад Расеі 625 мільёнаў даляраў за продаж першай траншы акцыяў “Белтрансгазу”:
“Насельніцтва плаціць за газ ужо прыкладна 120 даляраў. Насельніцтва плаціць на 20 працэнтаў даражэй, чым мы купляем гэты газ. Наагул, праблема чыста тэхнічная, і рабіць зь яе палітычныя спэктаклі — напэўна, гэты час ужо адышоў”.
Аляксандар Лукашэнка заявіў, што ў 2008 годзе “Газпром” плянуе павысіць цэны для Беларусі на 15—20%.
Леанід Заіка сказаў:
“Цэны на газ звычайна кангруэнтныя цэнам на нафту. Нафта паднялася да 80 даляраў. Таму можна меркаваць, што цэны на газ вырастуць да 125—145 даляраў. Я такі прагноз раблю. Усё яшчэ будзе залежаць ад супраціву краін-транзытэраў”.
Эканаміст Тацяна Манёнак сказала, што пра цэны на газ можна будзе казаць напрыканцы году:
“Ці гэта будзе 30 ці 40% — сказаць пакуль цяжка. Ня думаю, што расейскі бок будзе ў гэтай сытуацыі вельмі моцна ціснуць на Беларусь. Ня вельмі сур’ёзна будзе палітызавацца гэта пытаньне ў Расеі. А з боку Беларусі палітызацыя гэтага пытаньня ўжо адбываецца.
Ці вельмі моцным будзе ўзьдзеяньне гэтага фактару, пабачым. Але ж і беларускі бок разумее, што магчымасьцяў таргавацца стала меней, бо Беларусь пагадзілася на новыя ўмовы фармаваньня кошту”.
Адносна заявы Лукашэнкі, што “Газпром” мае такую ж прыбытковасьць ад продажу газу ў Беларусі як і ў Нямеччыне, спадар Заіка сказаў:
“Рэнтабэльнасьць продажу газу ў Нямеччыну і ў Беларусь не супадаюць. Бо ў Нямеччыне існуе першасны і другасны рынак газу, і цана на газ можа дасягаць 600—800 даляраў за тысячу кубічных мэтраў. Цьверджаньне беларускага прэзыдэнта, што прыбытковасьць зьдзелак зь Беларусьсю і Нямеччынай аднолькавая, эканамічна не пацьвярджаецца”.
Ці дасьць Расея крэдыт афіцыйнаму Менску?, 17.09.2007 “Газпром” вызначыць цану газу для Беларусі без дадатковых перамоваў, 30.08.2007 Хто выйграў у чарговай “газавай” вайне?, 03.08.2007
Прэсавы сакратар “Белтрансгазу” Ўладзімер Чэкаў сказаў:
Чэкаў: “Запазычанасьцяў у кантракце няма”.
Карэспандэнт: “А колькі пералічылі за жнівень, якую суму?”
Чэкаў: “Сума — гэта працоўныя моманты. Даўгоў няма”.
Ніякай іншай інфармацыі ў “Белтрансгазе” не падалі. Таксама у “Газпроме” не захацелі размаўляць на гэтую тэму.
Прадстаўнік прэс-службы “Газпрому”Андрэй Чарных таксама адмовіўся камэнтаваць выказваньні Аляксандра Лукашэнкі.
Кіраўнік жа Беларусі заявіў, што ў афіцыйнага Менску будзе жорсткая матывацыя на перамовах пра новы кантракт на будучы год.
Чаму беларускаму боку ўдалося так лёгка разьлічыцца з “Газпромам”?
Эканаміст Тацяна Манёнак сказала:
“Кошты прыроднага газу аплачвае ня ўрад, а прадпрыемствы. А летам спажываньне газу не такое вялікае, параўнальна зь зімовым пэрыядам. Таму яны акуратна гэта аплацілі, а многія прадпрыемствы ўзялі крэдыты на аплату энэрганосьбітаў”.
Паводле Тацяны Манёнак, беларускі бок таксама спадзяецца атрымаць расейскі крэдыт, таму і дэманструе, што эканоміка працуе эфэктыўна й Беларусь можа спраўна разьлічвацца за газ.
Эканаміст Леанід Заіка нагадвае, што Беларусь атрымала ад Расеі 625 мільёнаў даляраў за продаж першай траншы акцыяў “Белтрансгазу”:
“Насельніцтва плаціць за газ ужо прыкладна 120 даляраў. Насельніцтва плаціць на 20 працэнтаў даражэй, чым мы купляем гэты газ. Наагул, праблема чыста тэхнічная, і рабіць зь яе палітычныя спэктаклі — напэўна, гэты час ужо адышоў”.
Аляксандар Лукашэнка заявіў, што ў 2008 годзе “Газпром” плянуе павысіць цэны для Беларусі на 15—20%.
Леанід Заіка сказаў:
“Цэны на газ звычайна кангруэнтныя цэнам на нафту. Нафта паднялася да 80 даляраў. Таму можна меркаваць, што цэны на газ вырастуць да 125—145 даляраў. Я такі прагноз раблю. Усё яшчэ будзе залежаць ад супраціву краін-транзытэраў”.
Эканаміст Тацяна Манёнак сказала, што пра цэны на газ можна будзе казаць напрыканцы году:
“Ці гэта будзе 30 ці 40% — сказаць пакуль цяжка. Ня думаю, што расейскі бок будзе ў гэтай сытуацыі вельмі моцна ціснуць на Беларусь. Ня вельмі сур’ёзна будзе палітызавацца гэта пытаньне ў Расеі. А з боку Беларусі палітызацыя гэтага пытаньня ўжо адбываецца.
Ці вельмі моцным будзе ўзьдзеяньне гэтага фактару, пабачым. Але ж і беларускі бок разумее, што магчымасьцяў таргавацца стала меней, бо Беларусь пагадзілася на новыя ўмовы фармаваньня кошту”.
Адносна заявы Лукашэнкі, што “Газпром” мае такую ж прыбытковасьць ад продажу газу ў Беларусі як і ў Нямеччыне, спадар Заіка сказаў:
“Рэнтабэльнасьць продажу газу ў Нямеччыну і ў Беларусь не супадаюць. Бо ў Нямеччыне існуе першасны і другасны рынак газу, і цана на газ можа дасягаць 600—800 даляраў за тысячу кубічных мэтраў. Цьверджаньне беларускага прэзыдэнта, што прыбытковасьць зьдзелак зь Беларусьсю і Нямеччынай аднолькавая, эканамічна не пацьвярджаецца”.
Ці дасьць Расея крэдыт афіцыйнаму Менску?, 17.09.2007 “Газпром” вызначыць цану газу для Беларусі без дадатковых перамоваў, 30.08.2007 Хто выйграў у чарговай “газавай” вайне?, 03.08.2007