Лінкі ўнівэрсальнага доступу

Актывісты “Бунту” правялі ў Менску акцыю “Лукашызм. Ураджай-2007”


Радыё Свабода 14 верасьня актывісты руху “Бунт” правялі перад будынкам Міністэрства эканомікі ў Менску акцыю з назвай “Лукашызм. Ураджай-2007”, прымеркаваную да штогадовага сьвята ўраджаю “Дажынкі”. Паводле прэсавай службы арганізацыі, мэтай акцыі было “нагадаць менчукам, што акрамя “квітнеючай” Беларусі, пра якую гаворыць БТ, існуе яшчэ і рэальная, дзе існуюць ня толькі посьпехі”.

Ля ўваходу ў Міністэрства эканомікі актывісты расклалі ўзоры ўраджаю гэтага году: побач з бульбаю, моркваю, кабачкамі і буракамі можна было пабачыць ільготны талончык, перавязаны чорнай стужкаю, які сымбалізаваў сабой адмененыя ільготы, жыроўку за камунальныя паслугі з пазначэньнем новай цаны на газ, а таксама кайданкі, якія ўвасаблялі рэпрэсіі ў дачыненьні да актывістаў апазіцыі.

Акцыя праводзілася напрыканцы працоўнага дня і была заўважаная супрацоўнікамі міністэрства, якія ішлі дахаты. Некаторыя зь іх нават рабілі фатаздымкі на месцы правядзеньня акцыі мабільнымі тэлефонамі. Пад канец акцыі адбыўся невялікі эксцэс з удзелам ахоўнікаў будынку, але ніхто затрыманы ня быў.

Акцыя руху “Бунт” перад будынкам Міністэрства эканомікі, Менск, 14 верасьня 2007 г.

Акцыя руху “Бунт” перад будынкам Міністэрства эканомікі, Менск, 14 верасьня 2007 г.

Акцыя руху “Бунт” перад будынкам Міністэрства эканомікі, Менск, 14 верасьня 2007 г.

(Фота: www.buntby.com)
XS
SM
MD
LG