Ці мусяць бацькі адказваць за даўгі сыноў? У Мікалая Скрабца, былога дырэктара заводу ў Лідзе, хочуць адабраць маёмасьць, каб кампэнсаваць частку даўгоў сына.
Сын былога дырэктара, вядомы апазыцыянэр Сяргей Скрабец, ужо адседзеў у турме паўтара году паводле абвінавачаньня ў невяртаньні крэдыту. Палітык тлумачыць перасьлед палітычнымі прычынамі і не адмаўляецца вярнуць крэдыт,– у тым выпадку, калі будзе адноўлена дзейнасьць фірмы.
Мікалай Скрабец абураны
Ягоны бацька Мікалай Скрабец абураны тым, што і зь ім абышліся як са злодзеем:
“Дырэктар заводу цягам пятнаццаці гадоў! Разам працоўнага стажу пяцьдзясят гадоў! Вы мяне разумееце ці не?”
Пазоў “Беларусбанку” да Сяргея Скрабца пачалі 31 жніўня разглядаць у Першамайскім раённым судзе Менску.
Суду трэба вырашыць, ці сапраўды банк мае права разьлічваць на маёмасьць, якая знаходзілася ў хаце бацькоў Сяргея Скрабца. Банк спасылаецца на вопіс, які зрабілі сьледчыя яшчэ ў 2005 годзе, пасьля арышту палітыка. Маўляў, тады Сяргей Скрабец жыў у бацькоў, і таму ўсё ў кватэры належыць яму.
Мае спробы атрымаць ў судзе камэнтар да гэтай пазыцыі ў прадстаўніцы банку аказаліся няўдалымі. Яна адмовілася размаўляць і нават не назвала свайго прозьвішча.
Сьведка: рэчы былі набытыя, калі Сяргею Скрабцу не было і 10 гадоў
Дык каму сапраўды належаць крэслы, лядоўня “Менск”, стары насьценны гадзіньнік ды іншыя рэчы са сьпісу арыштаванай маёмасьці бацькоў Сяргея Скрабца?
Пытаюся ў сьведкі, сваячкі Скрабцоў Людмілы Астрэйкі. Жанчына згадала, як болей за трыццаць гадоў таму бацькі палітыка працавалі ў Іраку і дасылалі ў Менск гэтак званыя сэртыфікаты — заменьнікі валюты. На іх яна ў адмысловай краме “Бярозка” набыла для Скрабцоў дыван, які цяпер фігуруе ў сьпісе арыштаванай маёмасьці.
“Але Сяргею тады было менш за дзесяць гадоў Няўжо за трыццаць гадоў яны не маглі набыць сабе мэблі? У іх жа акрамя гэтай мэблі нічога няма. Ані аўтамабіля, ані лецішча. Нічога”,— абураецца жанчына.
Судзьдзя Вікторыя Макуха пачала вывучаць дакумэнты, якія прапанавалі бакі, а таксама паказаньні сьведак. На гэты момант рашэньне ў справе не прынятае.
Даўгі Сяргея Скрабца спаганяюць зь ягоных бацькоў, 31.08.2007 Сяргей Скрабец зоймецца рэабілітацыяй несправядліва асуджаных, 9.05.2007
Сын былога дырэктара, вядомы апазыцыянэр Сяргей Скрабец, ужо адседзеў у турме паўтара году паводле абвінавачаньня ў невяртаньні крэдыту. Палітык тлумачыць перасьлед палітычнымі прычынамі і не адмаўляецца вярнуць крэдыт,– у тым выпадку, калі будзе адноўлена дзейнасьць фірмы.
Мікалай Скрабец абураны
Ягоны бацька Мікалай Скрабец абураны тым, што і зь ім абышліся як са злодзеем:
“Дырэктар заводу цягам пятнаццаці гадоў! Разам працоўнага стажу пяцьдзясят гадоў! Вы мяне разумееце ці не?”
Пазоў “Беларусбанку” да Сяргея Скрабца пачалі 31 жніўня разглядаць у Першамайскім раённым судзе Менску.
Суду трэба вырашыць, ці сапраўды банк мае права разьлічваць на маёмасьць, якая знаходзілася ў хаце бацькоў Сяргея Скрабца. Банк спасылаецца на вопіс, які зрабілі сьледчыя яшчэ ў 2005 годзе, пасьля арышту палітыка. Маўляў, тады Сяргей Скрабец жыў у бацькоў, і таму ўсё ў кватэры належыць яму.
Мае спробы атрымаць ў судзе камэнтар да гэтай пазыцыі ў прадстаўніцы банку аказаліся няўдалымі. Яна адмовілася размаўляць і нават не назвала свайго прозьвішча.
Сьведка: рэчы былі набытыя, калі Сяргею Скрабцу не было і 10 гадоў
Дык каму сапраўды належаць крэслы, лядоўня “Менск”, стары насьценны гадзіньнік ды іншыя рэчы са сьпісу арыштаванай маёмасьці бацькоў Сяргея Скрабца?
Пытаюся ў сьведкі, сваячкі Скрабцоў Людмілы Астрэйкі. Жанчына згадала, як болей за трыццаць гадоў таму бацькі палітыка працавалі ў Іраку і дасылалі ў Менск гэтак званыя сэртыфікаты — заменьнікі валюты. На іх яна ў адмысловай краме “Бярозка” набыла для Скрабцоў дыван, які цяпер фігуруе ў сьпісе арыштаванай маёмасьці.
“Але Сяргею тады было менш за дзесяць гадоў Няўжо за трыццаць гадоў яны не маглі набыць сабе мэблі? У іх жа акрамя гэтай мэблі нічога няма. Ані аўтамабіля, ані лецішча. Нічога”,— абураецца жанчына.
Судзьдзя Вікторыя Макуха пачала вывучаць дакумэнты, якія прапанавалі бакі, а таксама паказаньні сьведак. На гэты момант рашэньне ў справе не прынятае.
Даўгі Сяргея Скрабца спаганяюць зь ягоных бацькоў, 31.08.2007 Сяргей Скрабец зоймецца рэабілітацыяй несправядліва асуджаных, 9.05.2007