Лінкі ўнівэрсальнага доступу

Ліквідаваная Беларуская экалягічная партыя зялёных


Вячаслаў Кулік, Менск Сёньня Вярхоўны суд Беларусі ліквідаваў Беларускую экалягічную партыю зялёных (БЭЗ). Гэтак задаволены пазоў Міністэрства юстыцыі. Паводле яго, партыя “не змагла ўпарадкаваць сваёй дзейнасьці ў адпаведнасьці са зьменамі і дапаўненьнямі ў закон “Аб палітычных партыях”, якія набылі сілу ў ліпені 2005 году”.

У час паседжаньня Вярхоўнага суду агучылі заяву старшыні БЭЗ Мікалая Карташа, у якой ён не пярэчыць супраць пазову Мін’юсту і просіць разглядаць справу без прадстаўнікоў партыі.

Раней Радыё Свабода паведаміла, што Міністэрства юстыцыі дала пісьмовыя папярэджаньні яшчэ некалькім партыям.

Юрыст Уладзімер Лабковіч называе папярэджаньні Мін’юсту палітычнымі, і вось як ён камэнтуе гэтыя намеры:

“Выглядае, што Міністэрству юстыцыі далі загад рыхтавацца да парлямэнцкіх выбараў. І гэтая падрыхтоўка заключаецца ў тым, што будзе максымальна зачышчацца палітычнае поле.

Цяпер дайшла чарга да прыпыненьня, як гэта адбылося ў адносінах да КПБ і пагражае іншым партыям, ці ліквідацыі. Што і здарылася з БЭЗ.

Фармальна гэтая партыя яна ўжо не існавала. А вось для іншых партыяў існуюць іншыя пагрозы. Яны вынікаюць з палітычных момантаў і, у меншай ступені, зь нейкай юрыдычнай недасканаласьці”.

Сярод партыяў, якім вынесьлі папярэджаньне – Беларуская сацыяльна-спартовая партыя, Сацыял-дэмакратычная партыя народнай згоды і Рэспубліканская партыя.

• Ліквідацыя пагражае яшчэ тром апазыцыйным партыям, 24.08.2007 • ПКБ ня мае права карыстацца сваімі рахункамі, 2.08.2007
XS
SM
MD
LG