Сёньня старшыня Берасьцейскай гарадзкой арганізацыі Беларускай сацыял-дэмакратычнай партыі (Грамада) Ганна Канюс паведаміла Радыё Свабода пра перасьлед з боку міліцыі. Суразмоўца даводзіць, што яе, а таксама актывістаў партыі Валянціна Лазарэнку і Андрэя Воўчака вінавацяць у зробленым, нібыта, імі надпісе ля будынку суду Маскоўскага раёну. Ганна Канюс расказвае:
“Можа так стацца, што гэта не закончыцца нашым тлумачэньнем у міліцыі. Магчыма, нас будуць выклікаць. Бо гэта іх вельмі хвалюе – надпіс “Ганьба” з прозьвішчам судзьдзі Паўла Севярынца. Міліцыянты здымалі на відэа, фатаграфавалі. Вельмі яны зацікаўленыя”.
Берасьцейскі праваабаронца Ўладзімер Вялічкін кансультуе сябраў апазыцыі, якіх выклікаюць у суд:
“У большасьці гэта маладыя людзі – студэнты вышэйшых навучальных устаноў і сярэдніх школ. Усіх іх вінавацяць у парушэньні артыкулу 23.34 частка 1 Адміністрацыйнага кодэксу. У пратаколах гэта дакладна прапісана: “удзел у сходзе, на які не было дазволу выканаўчай улады”. Там прадугледжаныя розныя ступені пакараньня: папярэджаньне, штраф, адміністрацыйны арышт”.
Судзіць моладзь будзе суд Маскоўскага раёну Берасьця, дзе напярэдадні на 15 сутак арышту пакаралі Паўла Севярынца. Меркаваньне Ўладзімера Вялічкіна:
“Суду былі пададзеныя доказы, што Севярынец не зьяўляўся арганізатарам. Аднак судзьдзя выканала загад і абвінаваціла Севярынца. Аўтаматычна гэта цягне наступствы, маўляў, усе прысутныя – таксама ўдзельнікі несанкцыянаванага сходу. Я мяркую так, што й пакараньне Паўла Севярынца зьдзейсьнілі дзеля таго, каб падвесьці іншых пад адміністрацыйную адказнасьць”.
Сёньня сябры наведалі асуджанага Паўла Севярынца ў камэры ізалятару часовага ўтрыманьня Маскоўскага аддзелу міліцыі Берасьця. Каб перадаць вязьню вопратку і сродкі асабістай гігіены, наведнікі заплацілі больш за 45 тысяч рублёў – па тры тысячы за кожныя суткі ўтрыманьня Паўла Севярынца.
У найбліжэйшы час Берасьце наведае палітык Аляксандар Мілінкевіч. Яго камэнтар да сытуацыі:
“Улада ў стадыі агоніі. Сытуацыя дэманструе яе бясьсільле. Яна ня толькі ня ўмее весьці дыялёг з грамадзтвам, але дзейнічае мэтадамі, якія ніколі не дадуць выніку. Вельмі прыкра, што судзьдзяў, пракурораў і міліцыянтаў прымушаюць жорстка парушаць законнасьць. Усё гэта фіксуем. Будзем накіроўваць ім лісты-папярэджаньні пра парушэньні імі закону. Будзем вывешваць іхныя прозьвішчы ў інтэрнэце”.
У судзе Маскоўскага раёну Берасьця тлумачэньні дае міліцыянт Тарасевіч – адзін з тых, хто затрымліваў Паўла Севярынца і ягоных сяброў
Судзьдзя Вольга Сьмірнова (у цэнтры) будзе судзіць і паплечнікаў Паўла Севярынца
Суд Маскоўскага раёну Берасьця прысудзіў Паўлу Севярынцу 15 сутак арышту, 22.08.2007 Берасьце: падрабязнасьці затрыманьня ўдзельнікаў сустрэчы з П.Севярынцам, 20.08.2007
“Можа так стацца, што гэта не закончыцца нашым тлумачэньнем у міліцыі. Магчыма, нас будуць выклікаць. Бо гэта іх вельмі хвалюе – надпіс “Ганьба” з прозьвішчам судзьдзі Паўла Севярынца. Міліцыянты здымалі на відэа, фатаграфавалі. Вельмі яны зацікаўленыя”.
Берасьцейскі праваабаронца Ўладзімер Вялічкін кансультуе сябраў апазыцыі, якіх выклікаюць у суд:
“У большасьці гэта маладыя людзі – студэнты вышэйшых навучальных устаноў і сярэдніх школ. Усіх іх вінавацяць у парушэньні артыкулу 23.34 частка 1 Адміністрацыйнага кодэксу. У пратаколах гэта дакладна прапісана: “удзел у сходзе, на які не было дазволу выканаўчай улады”. Там прадугледжаныя розныя ступені пакараньня: папярэджаньне, штраф, адміністрацыйны арышт”.
Судзіць моладзь будзе суд Маскоўскага раёну Берасьця, дзе напярэдадні на 15 сутак арышту пакаралі Паўла Севярынца. Меркаваньне Ўладзімера Вялічкіна:
“Суду былі пададзеныя доказы, што Севярынец не зьяўляўся арганізатарам. Аднак судзьдзя выканала загад і абвінаваціла Севярынца. Аўтаматычна гэта цягне наступствы, маўляў, усе прысутныя – таксама ўдзельнікі несанкцыянаванага сходу. Я мяркую так, што й пакараньне Паўла Севярынца зьдзейсьнілі дзеля таго, каб падвесьці іншых пад адміністрацыйную адказнасьць”.
Сёньня сябры наведалі асуджанага Паўла Севярынца ў камэры ізалятару часовага ўтрыманьня Маскоўскага аддзелу міліцыі Берасьця. Каб перадаць вязьню вопратку і сродкі асабістай гігіены, наведнікі заплацілі больш за 45 тысяч рублёў – па тры тысячы за кожныя суткі ўтрыманьня Паўла Севярынца.
У найбліжэйшы час Берасьце наведае палітык Аляксандар Мілінкевіч. Яго камэнтар да сытуацыі:
“Улада ў стадыі агоніі. Сытуацыя дэманструе яе бясьсільле. Яна ня толькі ня ўмее весьці дыялёг з грамадзтвам, але дзейнічае мэтадамі, якія ніколі не дадуць выніку. Вельмі прыкра, што судзьдзяў, пракурораў і міліцыянтаў прымушаюць жорстка парушаць законнасьць. Усё гэта фіксуем. Будзем накіроўваць ім лісты-папярэджаньні пра парушэньні імі закону. Будзем вывешваць іхныя прозьвішчы ў інтэрнэце”.
У судзе Маскоўскага раёну Берасьця тлумачэньні дае міліцыянт Тарасевіч – адзін з тых, хто затрымліваў Паўла Севярынца і ягоных сяброў
Судзьдзя Вольга Сьмірнова (у цэнтры) будзе судзіць і паплечнікаў Паўла Севярынца Суд Маскоўскага раёну Берасьця прысудзіў Паўлу Севярынцу 15 сутак арышту, 22.08.2007 Берасьце: падрабязнасьці затрыманьня ўдзельнікаў сустрэчы з П.Севярынцам, 20.08.2007
