Лінкі ўнівэрсальнага доступу

Vox Populi: "Захапіць Беларусь хочуць расейскія прадпрымальнікі"


Альгерд Невяроўскі, Менск Аляксандар Лукашэнка лічыць, што Расея імкнецца прыватызаваць ня толькі беларускую прамысловасьць, але і ўсю краіну. Якія мэты Расеі ў гэтым газавым канфлікце?

Хлопец: “Расея заўсёды імкнулася быць вялікай дзяржавай. І цяпер імкнецца гэта зрабіць”.

Хлопец: “Я ня ведаю. Але лічу, што Расеі гэта не выгодна, ды ўсё ж яна ўзьняла цэны на газ. Я думаю, яны проста так “вытвараюцца”.

Ягоны сябра: “Я думаю, што захапіць Беларусь хоча не Расея, а ейныя прадпрымальнікі”.

Спадарыня: “Я ня бачу ніякіх агрэсіўных мэт. Мне здаецца, нашы народы заўсёды былі ў сяброўстве”.

Спадар: “Я думаю, што яны сапраўды ідуць рынкавым шляхам і вырашаюць свае эканамічныя праблемы”.

Спадарыня: “Расея сапраўды хоча забраць усю нашу прамысловасьць і ўплываць на нашу палітыку”. Дзяўчына: “Яна хоча прымусіць Беларусь рабіць усё, што хочацца расейскаму кіраўніцтву”.

Спадар: “Яны хочуць, каб наша дзяржава была марыянэткай”.

Спадар: “Так рабіць нельга. Беларусь павінна быць беларускай”.

Пэнсіянэрка: “Самі вы ведаеце, чаго яна хоча. Гэтыя браты нашы так любяць нас! І для нашага задаваленьня зрабілі нам такое…”

Спадар: “Паказаць сваё геапалітычнае становішча і вярнуць грошы”.

Спадарыня: “Я згодна з Лукашэнкам. Расея непрыгожа адносіцца да Беларусі”.

Спадар: “Я не лічу гэта канфліктам. Гэта нармальныя пытаньні, якія трэба вырашаць”.
XS
SM
MD
LG