Лінкі ўнівэрсальнага доступу

Югася Каляда: “Не дзялю літаратуру на “жаночую” і “мужчынскую”


Валер Каліноўскі, Прага У чэскім Брне працягваецца літаратурны фэстываль "Месяц аўтарскага чытаньня" --> http://www.autorskecteni.cz/by/Program.aspx . Штодня ганаровыя госьці – беларускія літаратары. Сёньня свае творы чытала Югася Каляда.

Каліноўскі: “Югася, вы выступалі перадапошняй на літаратурным фэстывалі ў Брно. Ці не адчулі Вы, што публіка крыху стамілася ад беларускай літаратуры?”

Каляда: “Я прыехала толькі нядаўна і ня ведаю, якая была публіка на папярэдніх выступах. Таму я не заўважыла.. Мне вельмі спадабалася публіка”. Каліноўскі: “Публіка паводзіла сябе актыўна. А якое пытаньне найбольш Вас уразіла?”

Каляда: “Натуральна, пра маю любоў да мараўскага народу. Гэтае пытаньне я чула на папярэдніх выступах, і яно мне вельмі спадабалася і запомнілася”.

Каліноўскі: “Вы чыталі апавяданьне пад інтрыгоўнай назвай "Што такое шчасьце?". Як думаеце, ці ўдалося Вам нейкім чынам адказаць на гэтае пытаньне чэскім слухачам?”

Каляда: “Я думаю, што на гэтае пытаньне, колькі на яго не адказвай, адказу усё адно ня будзе. Але я паспрабава выказацца. Мне здаецца, што хаця б трошкі ў мяне атрымалася”.

Каліноўскі: “Як Вы ставіцеся да азначэньня "жаночая" ці нават "дзявочая" проза, як анансавалі Вашую творчасьць на афіцыйным сайце фэстывалю?”

Каляда: “Я стаўлюся да гэтага азначэньня індыфэрэнтна. Я не дзялю літаратуру ні на жаночую, ні на дзявочую, ні на мужчынскую. Але мяне гэта не хвалюе і не злуе. Калі ласка. На тое яна і літаратура, і яна застанецца добрай ці дрэннай незалежна ад таго, хто яе напісаў”.

Югася Каляда (сапраўднае імя Яўгенія Парашчанка, нар. у 1981), ураджэнка Гомелю, здабыла прызнаньне два гады таму, калі стала адной зь пераможцаў конкурсу маладых літаратараў Беларускага ПЭН-Цэнтру. У 2005-м у яе выйшла дэбютная кніга "Галоўная памылка Афанасія". Проза Югасі Каляды атрымала прыкметны розгалас, асабліва сярод маладога ўрбаністычнага пакаленьня беларускіх творцаў і чытачоў, пра аўтарку гаварылі як пра галоўнае адкрыцьцё году ці нават дзесяцігодзьдзя (Ігар Бабкоў). Аднайменная аповесьць з дэбютнай кнігі ўжо выйшла ў перакладзе на польскую пад назваю "Traktor" (інфармацыя пра аўтарку – паводле сайту фэстывалю).


ЖЫВАЯ ТРАНСЬЛЯЦЫЯ ВЫСТУПАЎ – А 19-Й ГАДЗІНЕ НА САЙЦЕ ФЭСТЫВАЛЮ. Заўтра – Андрэй Хадановіч На літаратурным фэстывалі ў Брне “хуліганіў” Сяргей Прылуцкі,29.07.2007 М.Андрасюк: “З пэрспэктывы Брна мы бачым беларускія праблемы інакш...”, 28.07.2007 Міра Лукша: “Сёньня кожнае слова, напісанае па-беларуску – важнае”, 27.07.2007 Уладзімер Някляеў: "У Брне я ўпершыню займеў досьвед публічнага чытаньня прозы", 26.07.2007 Н.Бабіна: “Такі фэстываль немагчыма ўявіць цяпер у нашай краіне”, 25.07.2007 Ян Максімюк: “Беларускі народ – шматмоўны і шматкультурны”, 21.07.2007 Макс Шчур: “Фэстываль у Брне – гэта Вудстак беларускай літаратуры...”, 20.07.2007 Альгерд Бахарэвіч: “Пісьменьнік мае права на ўцёкі...”, 18.07.2007 Сяргей Абламейка: “Гэта вельмі моцная падтрымка беларускай культуры”, 18.07.2007 Ігар Бабкоў: "У чэхаў больш, чым у беларусаў, пачуцьця формы", 17.07.2007 Пятро Васючэнка: “Прыходзяць зацікаўленыя беларускай літаратурай людзі...”, 16.07.2007 Госьця літаратурнага фэстывалю ў Брне – Надзея Артымовіч, 15.07.2007 Ежы Плютовіч: “Адчуваецца вялікая цікавасьць чэхаў да Беларусі”, 14.07.2007 Барыс Пятровіч: "Досьвед чэхаў дае надзею на зьмены і адраджэньне ў Беларусі", 13.07.2007 Леанід Дранько-Майсюк: “Ад пяці гадоў я хацеў ажаніцца...”, 12.07.2007 Віктар Шалкевіч: "Брыдка, што чэхі і беларусы, два братнія славянскія народы, не разумеюць адзін аднаго", 10.07.2007 Вольга Гапеева: “Чэхі зьдзіўленыя тым, што ў Беларусі столькі талентаў”, 09.07.2007 Ільля Сін: “Я раблю гэта найперш для самога сябе, а не для публікі”, 08.07.2007 Зьміцер Вішнёў прэзэнтаваў у Брне ўрыўкі з новага раману "пра Бэрлін і Менск", 07.07.2007 Ева Вежнавец: “Тыпы гумару ў беларусаў і ў чэхаў збліжаныя”, 05.07.2007 Алесь Разанаў: “Лёс і воля – неразрыўныя”, 04.07.2007 Аляксандар Лукашук: “Сам Лукашэнка ня ведае, колькі людзей яго падтрымлівае” , 03.07.2007 Лявон Вольскі ў верасьні выдасьць сольны альбом, 2.07.2007 Уладзімер Арлоў: “Такія сустрэчы натхняюць”, 02.07.2007 Першы дзень літаратурнага фэстывалю ў Брне (фотарэпартаж), 02.07.2007 У ліпені Брно – сталіца беларускай літаратуры, 01.07.2007
XS
SM
MD
LG