Пастар менскай эвангельскай царквы "Ян Прадвесьнік" Яраслаў Лукасік быў вымушаны пакінуць Беларусь 6 чэрвеня. Улады абвінавацілі яго ва ўдзеле ў арганізацыі сходаў радыкальна настроенай моладзі і ў шкодзе нацыянальнай бясьпецы Беларусі ў сфэры рэлігійных стасункаў.
Выслалі Яраслава нягледзячы на пратэсты жонкі й траіх дзяцей, якія ёсьць грамадзянамі Беларусі. Натальля Лукасік ад імя мужа падала скаргу ў Мядзельскі раённы суд. Але суд скаргі не задаволіў.
Жонка пастара Натальля Лукасік перакананая:
“Я думаю, што рашэньне было прынятае раней. А сёньня гэта было ўсё паказное”.
Натальля Лукасік прыехала ў Беларусь толькі на некалькі дзён. Пасьля высылкі мужа яна разам зь дзецьмі Янам, Марцінам і Мірай выехала за ім у Польшчу.
Спадарыня Натальля зьбіраецца абскарджваць рашэньне аб высылцы мужа ў судах вышэйшых інстанцыяў. Хаця яна ня надта спадзяецца, што беларуская ўлада зьменіць сваё рашэньне. Тым ня менш парываць зь Беларусьсю сям’я Лукасікаў не зьбіраецца, кажа Натальля Лукасік:
“Тое, што мы будзем па-за межамі Беларусі, не аддзяляе нас ад яе. Тое, што мы рабілі тут, мы будзем працягваць рабіць за мяжой. Будзем сустракацца, і далей падтрымліваць кантакты з нашымі сябрамі. Будзем рабіць розныя праекты, каб падтрымліваць культурна-асьветніцкую дзейнасьць, якой займаўся мой муж у Беларусі”.
Узмацняецца ціск на сьвятароў і вернікаў, 18.05.2007 Польскаму пастару забаранілі ўезд у Беларусь на 5 гадоў, 30.05.2007 Я.Лукасік: пакуль гэтая ўлада ня зьменіцца, Беларусь для мяне закрытая, 31.05.2007
Выслалі Яраслава нягледзячы на пратэсты жонкі й траіх дзяцей, якія ёсьць грамадзянамі Беларусі. Натальля Лукасік ад імя мужа падала скаргу ў Мядзельскі раённы суд. Але суд скаргі не задаволіў.
Жонка пастара Натальля Лукасік перакананая:
“Я думаю, што рашэньне было прынятае раней. А сёньня гэта было ўсё паказное”.
Натальля Лукасік прыехала ў Беларусь толькі на некалькі дзён. Пасьля высылкі мужа яна разам зь дзецьмі Янам, Марцінам і Мірай выехала за ім у Польшчу.
Спадарыня Натальля зьбіраецца абскарджваць рашэньне аб высылцы мужа ў судах вышэйшых інстанцыяў. Хаця яна ня надта спадзяецца, што беларуская ўлада зьменіць сваё рашэньне. Тым ня менш парываць зь Беларусьсю сям’я Лукасікаў не зьбіраецца, кажа Натальля Лукасік:
“Тое, што мы будзем па-за межамі Беларусі, не аддзяляе нас ад яе. Тое, што мы рабілі тут, мы будзем працягваць рабіць за мяжой. Будзем сустракацца, і далей падтрымліваць кантакты з нашымі сябрамі. Будзем рабіць розныя праекты, каб падтрымліваць культурна-асьветніцкую дзейнасьць, якой займаўся мой муж у Беларусі”.
Узмацняецца ціск на сьвятароў і вернікаў, 18.05.2007 Польскаму пастару забаранілі ўезд у Беларусь на 5 гадоў, 30.05.2007 Я.Лукасік: пакуль гэтая ўлада ня зьменіцца, Беларусь для мяне закрытая, 31.05.2007