Перамовы пачаліся яшчэ на мінулым тыдні. Беларускі бок просіць у “Газпрому” адтэрміноўкі аплаты за газ, які паступаў у Беларусь у першым паўгодзьдзі.
Запазычанасьць дасягнула амаль 500 мільёнаў даляраў. Яна ўзьнікла з прычыны таго, што ў першыя 6 месяцаў за кожную тысячу кубамэтраў газу беларускі бок пераводзіў на рахункі “Газпрому” ня 100 даляраў (кошт адной тысячы кубамэтраў), а толькі 55. Расейскі канцэрн пагадзіўся на такую разьліковую форму, але папярэдзіў, што запазычанасьць трэба будзе ліквідаваць не пазьней за 23 ліпеня.
Выплачваючы “Газпрому” толькі 55% кошту, “Белтрансгаз” атрымліваў з беларускіх спажыўцоў поўную цану. У гэтым зьвязку былы кіраўнік Нацыянальнага банку Беларусі Станіслаў Багданкевіч адзначае, што грошы для аплаты запазычанасьці існуюць. “Трэба зьвярнуцца на валютны рынак, прадаць там рублі, а атрыманыя даляры перавесьці “Газпрому” -- тлумачыць С.Багданкевіч. – Да таго ж, у рэзэрвах Нацбанку мёртвым грузам ляжаць 625 мільёнаў даляраў, якія “Газпром” сёлета выплаціў за частку акцыяў “Белтрансгазу”.
Паводле прафэсара Багданкевіча, афіцыйны Менск наўмысна зацягвае вяртаньне доўгу. Паколькі Беларусь просіць у Расеі беспрацэнтную пазыку ў памеры 2 мільярдаў даляраў, дык ёй выгадна паказаць, што ў дзяржавы няма грошай, каб разьлічыцца за атрыманы газ.
Пакуль генэральны дырэктар “Белтрансгазу” Дзьмітры Казакоў вёў перамовы ў Маскве, Аляксандар Лукашэнка 23 ліпеня даў згоду на прызначэньне на ягонае месца Ўладзімера Маёрава – намесьніка старшыні Гомельскага аблвыканкаму.
Учора да перамоваў у Маскве далучыўся і міністар энэргетыкі Беларусі Аляксандар Азярэц. Ён накіраваны ў Маскву адмысловай пастановай ураду.
“Газпром”: спадзяемся, што вынікі перамоваў зь “Белтрансгазам” будуць заўтра , 23.07.2007
Запазычанасьць дасягнула амаль 500 мільёнаў даляраў. Яна ўзьнікла з прычыны таго, што ў першыя 6 месяцаў за кожную тысячу кубамэтраў газу беларускі бок пераводзіў на рахункі “Газпрому” ня 100 даляраў (кошт адной тысячы кубамэтраў), а толькі 55. Расейскі канцэрн пагадзіўся на такую разьліковую форму, але папярэдзіў, што запазычанасьць трэба будзе ліквідаваць не пазьней за 23 ліпеня.
Выплачваючы “Газпрому” толькі 55% кошту, “Белтрансгаз” атрымліваў з беларускіх спажыўцоў поўную цану. У гэтым зьвязку былы кіраўнік Нацыянальнага банку Беларусі Станіслаў Багданкевіч адзначае, што грошы для аплаты запазычанасьці існуюць. “Трэба зьвярнуцца на валютны рынак, прадаць там рублі, а атрыманыя даляры перавесьці “Газпрому” -- тлумачыць С.Багданкевіч. – Да таго ж, у рэзэрвах Нацбанку мёртвым грузам ляжаць 625 мільёнаў даляраў, якія “Газпром” сёлета выплаціў за частку акцыяў “Белтрансгазу”.
Паводле прафэсара Багданкевіча, афіцыйны Менск наўмысна зацягвае вяртаньне доўгу. Паколькі Беларусь просіць у Расеі беспрацэнтную пазыку ў памеры 2 мільярдаў даляраў, дык ёй выгадна паказаць, што ў дзяржавы няма грошай, каб разьлічыцца за атрыманы газ.
Пакуль генэральны дырэктар “Белтрансгазу” Дзьмітры Казакоў вёў перамовы ў Маскве, Аляксандар Лукашэнка 23 ліпеня даў згоду на прызначэньне на ягонае месца Ўладзімера Маёрава – намесьніка старшыні Гомельскага аблвыканкаму.
Учора да перамоваў у Маскве далучыўся і міністар энэргетыкі Беларусі Аляксандар Азярэц. Ён накіраваны ў Маскву адмысловай пастановай ураду.
“Газпром”: спадзяемся, што вынікі перамоваў зь “Белтрансгазам” будуць заўтра , 23.07.2007
