Лінкі ўнівэрсальнага доступу

logo-print

Чым розьніцца беларускі КДБ ад аналягічных службаў краінаў Захаду?


Радыё Свабода Пра тое, чым розьніцца беларускі КДБ ад аналягічных спэцслужбаў заходніх краінаў, гаварылі сёньня мінакі на вуліцах Наваполацку.

Спадар: “Просты абываталь, просты чалавек у нашай краіне ня ведае, чым займаюцца нашыя спэцслужбы. Ня ведае, якая ў іх структура, якое іх прызначэньне і г. д. Таму нічога канкрэтнага сказаць не магу. Папросту мы ня ведаем, за што яны ядуць свой хлеб. Ну, выконваюць, відаць, нейкія заданьні”.

Юнак: “Я не арыентуюся ў гэтым пытаньні, і мне гэта не цікава”.

Спадар: “Іх задачы — выкананьне пэўных дзяржаўных функцыяў. І прынцыпова яны нічым ня розьняцца адно ад аднаго”.

Спадар: “У КДБ засталася старая назва. Гэта па-першае. А па-другое, як гэта была закрытая арганізацыя, так і засталася. Як раней не было, так і цяпер няма кантролю за яе дзейнасьцю”.

Спадар: “Я і пра свае спэцслужбы нічога ня ведаю, а тым больш пра замежныя”.

Спадар: “Беларускія спэцслужбы, у прыватнасьці, КДБ, так і засталіся савецкімі органамі палітычнага вышуку. А замежныя спэцслужбы знаходзяцца пад пільным грамадзкім кантролем і самі не дапускаюць, і ня могуць дапусьціць у прынцыпе, ніякіх інсынуацыяў супраць канкрэтнага чалавека”.

Спадар: “Цяжка ўявіць, каб прэзыдэнт Злучаных Штатаў, скажам, вылучэнец рэспубліканскай партыі, даў загад спэцслужбам пачаць перасьлед актывістаў дэмакратычнай партыі. Па-другое, у Кангрэсе ЗША ёсьць адмысловая камісія, якая жорстка кантралюе дзейнасьць спэцслужбаў”.

Спадар: “Сфэра гэтая закрытая, і мы нічога ня ведаем ні пра нашыя спэцслужбы, ні пра заходнія”.
XS
SM
MD
LG