Лінкі ўнівэрсальнага доступу

У Курапатах адбудзецца талака


Любоў Лунёва, Менск 21 ліпеня сябры Кансэрватыўна-хрысьціянскай партыі БНФ ладзяць талаку ў мэмарыяльным комплексе “Курапаты”.

Яны разьлічваюць, што на талаку прыйдуць моладзевыя актывісты, прадстаўнікі палітычных партый і грамадзкіх арганізацый.

Адзін з арганізатараў, Алесь Чахольскі, паведаміў “Свабодзе”, што ў Курапатах трэба тэрмінова ўсё прыбраць, бо з-за дажджлівага надвор’я парасла вялікая трава, у якой шмат сухога гальля, а часам нават і сьмецьця.

“Вельмі зараз патрэбна, каб людзі прыйшлі з рыштункам. Патрэбныя бэнзакосы, косы, усялякія рыдлёўкі, таму што пасьля дажджоў там высока паднялася трава. Трэба і пакасіць, і прыбраць хмызьняк. Мы спадзяемся, што людзі прымуць удзел у гэтай талацэ і ўшануюць памяць нявінных ахвяраў”.

Талака пачнецца а 10-й раніцы 21 ліпеня.
XS
SM
MD
LG