Лінкі ўнівэрсальнага доступу

logo-print

У інстытуце гісторыі АН сьвяткавалі юбілей Георгія Штыхава


Алесь Дашчынскі, Менск Сёньня ў інстытуце гісторыі Акадэміі навук з 80-годзьдзем павіншавалі выдатнага археоляга, доктара гістарычных навук, прафэсара, ляўрэата дзяржаўнай прэміі БССР Георгія Штыхава.

Навукоўцы называлі спадара Штыхава клясыкам і патрыярхам беларускай археалёгіі. Амаль за 48 гадоў навуковай дзейнасьці Георгі Штыхаў апублікаваў звыш 400 навуковых прац, сярод якіх 9 манаграфій. Ім падрыхтавана каля 20 падручнікаў для сярэдняй школы.

Георгі Штыхаў раскапаў 300 курганаў у 29 населеных пунктах Беларусі, праводзіў дасьледаваньні ў васьмі беларускіх гарадах. Ён даказаў, што Полацкая зямля, Полацкае княства сфармавалася ў 9-12 стагодзьдзях як асобная дзяржава.

У інтэрвію “Свабодзе” Георгі Штыхаў сказаў:

“Я кажу, што дзяржаўнасьць, зараз ёсьць для гэтага ўсе падставы гаварыць, бярэ свой выток менавіта з Полацкай зямлі і з тых палачанаў, пра якіх ёсьць у летапісе і якіх я знайшоў у курганах. Нашай дзяржаўнасьці больш за тысячу гадоў. Я з задавальненьнем хачу адзначыць, што наша выснова пра старажытную дзяржаўнасьць беларускую ёсьць у прэамбуле нашай канстытуцыі.

Ну і, канечне, каб больш увагі было паходжаньню беларускай мовы. Гэта ж дзяржаўная мова была ў Вялікім княстве Літоўскім. Гэта ж наш гонар. А неяк у нас яшчэ беларускай мове не прыдаецца ўвагі. Няма разуменьня важнасьці”.

Сьвяткаваньне 80-годзьдзя археоляга Георгія Штыхава
Георгі Штыхаў атрымаў ганаровую грамату Прэзыдыюму Акадэміі навук

Сьвяткаваньне 80-годзьдзя археоляга Георгія Штыхава
Дачка навукоўца Жана падарыла бацьку памятную манэту Нацыянальнага банку “Глеб Менскі”

Сьвяткаваньне 80-годзьдзя археоляга Георгія Штыхава
Георгі Штыхаў марыць выдаць асобнай кнігай свае дасьледаваньні на рацэ Менка і па Лукомлі. Ён кажа, што Полацку не саступаюць у старажытнасьці Віцебск і Лукомль.
XS
SM
MD
LG