Лінкі ўнівэрсальнага доступу

Пракурор папрасіў пакараць Канстанціна Лукашова зьняволеньнем на 2 гады з адтэрміноўкай выкананьня пакараньня


Любоў Лунёва, Менск У судзе Ленінскага раёну Менску адбыліся спрэчкі ў крымінальнай справе Канстанціна Лукашова. Яго вінавацяць у супраціве і нападзе на міліцыянта летась 29 сакавіка.

Тады Канстанцін вывозіў на аўтамабілі свайго брата Вячаслава Сіўчыка з трэцяга клінічнага шпіталя. Паводле міліцыянта Анатоля Сушчэні, які ў той дзень быў у цывільным і спрабаваў затрымаць Сіўчыка, Канстанцін нібыта зьбіў яго на сваім аўтамабілі.

Летась 19 сьнежня яго арыштавалі і да суду трымалі ў сьледчым ізалятары. Канстанціна Лукашова пакаралі штрафам на карысьць міліцыянта і зьняволеньнем на два гады з адтэрміноўкай выкананьня пакараньня. Прысуд быў абскарджаны, і цяпер ідзе новы разгляд справы.

Заўтра, 11 ліпеня, будзе выступ Канстанціна Лукашова. Пасьля гэтага судзьдзя паведаміць, калі будзе агучаны прысуд
XS
SM
MD
LG