Як паведаміў Радыё Свабода сустаршыня Палітрады аб’яднаных дэмакратычных сілаў Сяргей Калякін, дакумэнт прадставіў сябра рабочай групы ў справах Беларусі, парлямэнтар з Даніі Крыстыян Піль Лёрэнстан.
Кіраўнік афіцыйнай беларускай дэлегацыі віцэ-сьпікер Палаты прадстаўнікоў Сяргей Забалоцец прапанаваў зьняць гэты дакумэнт з разгляду. Ён казаў, што становішча ў Беларусі адпавядае дэмакратычным стандартам. Аднак сябры камітэту з гэтым падыходам не пагадзіліся.
Паводле Сяргея Калякіна, сёньня ў спрэчках выступілі 12 парлямэнтароў з розных краінаў. Натальля Андрэйчык з Савету Рэспублікі выклала пазыцыю афіцыйнага беларускага боку. Нэўтральную пазыцыю заняў дэпутат з Казахстану.
Усе іншыя выступоўцы – з Італіі, Францыі, Чэхіі ды іншых краінаў выступілі з крытыкай на адрас беларускіх уладаў.
Пасьля дыскусіі было вырашана працягнуць абмеркаваньне праекту рэзалюцыі заўтра, 7 ліпеня. У суботу адбудзецца таксама круглы стол па Беларусі, які традыцыйна ладзіць дэпутатка нямецкага Бундэстагу Ўта Цапф.
Кіраўнік афіцыйнай беларускай дэлегацыі віцэ-сьпікер Палаты прадстаўнікоў Сяргей Забалоцец прапанаваў зьняць гэты дакумэнт з разгляду. Ён казаў, што становішча ў Беларусі адпавядае дэмакратычным стандартам. Аднак сябры камітэту з гэтым падыходам не пагадзіліся.
Паводле Сяргея Калякіна, сёньня ў спрэчках выступілі 12 парлямэнтароў з розных краінаў. Натальля Андрэйчык з Савету Рэспублікі выклала пазыцыю афіцыйнага беларускага боку. Нэўтральную пазыцыю заняў дэпутат з Казахстану.
Усе іншыя выступоўцы – з Італіі, Францыі, Чэхіі ды іншых краінаў выступілі з крытыкай на адрас беларускіх уладаў.
Пасьля дыскусіі было вырашана працягнуць абмеркаваньне праекту рэзалюцыі заўтра, 7 ліпеня. У суботу адбудзецца таксама круглы стол па Беларусі, які традыцыйна ладзіць дэпутатка нямецкага Бундэстагу Ўта Цапф.