Лінкі ўнівэрсальнага доступу

У Бабруйску патрабуюць вярнуць беларускія назвы слодычам


Радыё Свабода Бабруйскія сябры Таварыства беларускай мовы зьвярнуліся да кіраўніцтва кандытарскай фабрыкі “Чырвоны харчавік”. Яны патрабуюць вярнуць беларускую мову ў афармленьне прадукцыі прадпрыемства. Пад зваротам падпісаліся больш за пяцьдзясят бабруйцаў.

Кіраўнік суполкі ТБМ Віктар Маліноўскі паведаміў “Свабодзе”, што суполкаўцы спадзяюцца сваім лістом выправіць моўную недарэчнасьць. Ім вельмі крыўдна і сорамна, што салодкая “візытоўка” Бабруйску, зэфір, ня мае беларускай аздобы ні на адным са шматлікіх відаў.

Між тым, горад (як, зрэшты, і ўся Беларусь) завалены ўкраінскай кандытарскай ды іншай прадукцыяй, якая аформленая па-ўкраінску.

Раней кандытарскія вырабы прадпрыемства мелі беларускія назвы й пасьпяхова прадаваліся. Спажыўцы прадукцыі памятаюць такія назвы, як “Насалода”, “Бабруйскі лепшы традыцыйны”, “Стоены скарб”, “Зорнае срэбра”, “Бабруйская таямніца”, “Беларускі гасьцінец”.
XS
SM
MD
LG