Адзінай стратай стане ліквідацыя вуліцы Свабоды на тэрыторыі вайсковай часткі ў мікрараёне Ўручча. Паведамляецца, што з ініцыятывы БРСМ вуліца, на якой няма жылых забудоваў, будзе перайменаваная ў імя курсанта Дзьмітрыя Гвішыяні, які некалькі гадоў таму загінуў падчас тушэньня пажару ў цягніку. Адзін з аргумэнтаў дэпутатаў — для Менску хопіць і плошчы Свабоды.
Бальшыня вуліцаў, названых у гонар славутых беларускіх пісьменьнікаў, мастакоў, грамадзкіх дзеячоў, зьявяцца ў новых мікрараёнах Менску.
Напалеон Орда паўстане ў Брылевічах
Згодна з рашэньнем дэпутатаў Менскага гарсавету, вуліцы ў раёне праспэкту Дзяржынскага будуць насіць імёны Напалеона Орды, Яна Чачота, Ежы Гедройця. Адна вуліца будзе называцца Каралінскай.
Сам жылы комплекс атрымае гістарычную назву Брылевічы — паводле аднайменнага фальварку, што месьціўся тут яшчэ ў XVI стагодзьдзі.
Старшыня Таварыства беларускай мовы імя Францішка Скарыны Алег Трусаў кажа, што ліставаньне з гарадзкімі ўладамі аб ушанаваньні нацыянальных герояў Беларусі вядзецца даўно.
Першай перамогай, паводле спадара Трусава, стала беларусізацыя мікрараёну Лошыца, дзе зьявіліся Ігуменскі тракт, вуліцы Лучыны, Драздовіча, Сыракомлі, Каганца, Манюшкі:
“Мы пісалі пра Орду, і ў сёлета нам абяцалі яго ўшанаваць. Наконт Гаруна ня раз пісалі, і гэтак далей. То бо практычна ўсе, пра каго мы пісалі, яны ўвекавечылі ў назвах вуліц. І нават яшчэ ад сябе дадалі. Але цяпер мы Лява Сапегі чакаем вуліцу. Нам абяцалі, ёсьць адпаведная папера.
Гэтаксама трэба было б зрабіць і вуліцу Янкі Брыля, бо ён жыў у Менску і ў жніўні яму было б 90 гадоў. Так што ў якасьці прапановы можаце закінуць ідэю і пра вуліцу Янкі Брыля”.
Галубок і Гарун “прапішуцца” ў Дамброўцы
Яшчэ адзін вялікі мікрараён неўзабаве зьявіцца блізу рынку Ждановічы, недалёка ад Масюкоўшчыны.
Раён будзе называцца Дамброўка, што гэтаксама мае гістарычныя падставы, а яго вуліцы ўшануюць памяць такіх выдатных асобаў, як Уладзіслаў Галубок, Язэп Жыновіч, Усевалад Ігнатоўскі, Алесь Гарун, а таксама род Аладавых.
Паводле Алега Трусава, гістарычных асобаў, імёнамі якіх варта было б замяніць безьліч ужо існых вуліц у гарадох Беларусі, шмат. Перадусім гаворка пра назвы, якія наўпрост асацыююцца з камуністычным мінулым і савецкімі апалягетамі.
Аднак пра некаторыя імёны, якія павінны заняць пачэснае месца ў назвах праспэктаў, пакуль гаварыць дачасна. У прыватнасьці, гэта тычыцца Васіля Быкава, кажа Трусаў:
“Пісалі мы наконт Васіля Быкава. Таксама нам абяцалі разгледзець варыянты, але пакуль няма нічога. Відавочна, што яны цяпер ушаноўваць Быкава папросту пабаяцца.
Зь іншага боку, можа яно і добра: надыдзе час, і пераймянуем які-небудзь вялікі “камунячы” праспэкт. А так будзе нейкая маленькая вуліца, і потым ужо няёмка будзе пераносіць назву, лішнія грошы давядзецца траціць. Так што гістарычны працэс ідзе. Ня так хутка, але ідзе”.
А вось назваў, зьвязаных са Свабодай, у Менску паменее. Дэпутаты Менгарсавету прыслухаліся да ініцыятывы БРСМ і пераназвалі вуліцу Свабоды на тэрыторыі вайсковай часткі ў мікрараёне Ўручча.
Зрэшты, насельнікі прылеглых раёнаў да навіны паставіліся спакойна: аказалася, што жылых будынкаў у зоне Свабоды не было, а вайскоўцы і без таго прызвычаіліся існаваць паводле вайсковых статутаў.
Бальшыня вуліцаў, названых у гонар славутых беларускіх пісьменьнікаў, мастакоў, грамадзкіх дзеячоў, зьявяцца ў новых мікрараёнах Менску.
Напалеон Орда паўстане ў Брылевічах
Згодна з рашэньнем дэпутатаў Менскага гарсавету, вуліцы ў раёне праспэкту Дзяржынскага будуць насіць імёны Напалеона Орды, Яна Чачота, Ежы Гедройця. Адна вуліца будзе называцца Каралінскай.
Сам жылы комплекс атрымае гістарычную назву Брылевічы — паводле аднайменнага фальварку, што месьціўся тут яшчэ ў XVI стагодзьдзі.
Старшыня Таварыства беларускай мовы імя Францішка Скарыны Алег Трусаў кажа, што ліставаньне з гарадзкімі ўладамі аб ушанаваньні нацыянальных герояў Беларусі вядзецца даўно.
Першай перамогай, паводле спадара Трусава, стала беларусізацыя мікрараёну Лошыца, дзе зьявіліся Ігуменскі тракт, вуліцы Лучыны, Драздовіча, Сыракомлі, Каганца, Манюшкі:
“Мы пісалі пра Орду, і ў сёлета нам абяцалі яго ўшанаваць. Наконт Гаруна ня раз пісалі, і гэтак далей. То бо практычна ўсе, пра каго мы пісалі, яны ўвекавечылі ў назвах вуліц. І нават яшчэ ад сябе дадалі. Але цяпер мы Лява Сапегі чакаем вуліцу. Нам абяцалі, ёсьць адпаведная папера.
Гэтаксама трэба было б зрабіць і вуліцу Янкі Брыля, бо ён жыў у Менску і ў жніўні яму было б 90 гадоў. Так што ў якасьці прапановы можаце закінуць ідэю і пра вуліцу Янкі Брыля”.
Галубок і Гарун “прапішуцца” ў Дамброўцы
Яшчэ адзін вялікі мікрараён неўзабаве зьявіцца блізу рынку Ждановічы, недалёка ад Масюкоўшчыны.
Раён будзе называцца Дамброўка, што гэтаксама мае гістарычныя падставы, а яго вуліцы ўшануюць памяць такіх выдатных асобаў, як Уладзіслаў Галубок, Язэп Жыновіч, Усевалад Ігнатоўскі, Алесь Гарун, а таксама род Аладавых.
Паводле Алега Трусава, гістарычных асобаў, імёнамі якіх варта было б замяніць безьліч ужо існых вуліц у гарадох Беларусі, шмат. Перадусім гаворка пра назвы, якія наўпрост асацыююцца з камуністычным мінулым і савецкімі апалягетамі.
Аднак пра некаторыя імёны, якія павінны заняць пачэснае месца ў назвах праспэктаў, пакуль гаварыць дачасна. У прыватнасьці, гэта тычыцца Васіля Быкава, кажа Трусаў:
“Пісалі мы наконт Васіля Быкава. Таксама нам абяцалі разгледзець варыянты, але пакуль няма нічога. Відавочна, што яны цяпер ушаноўваць Быкава папросту пабаяцца.
Зь іншага боку, можа яно і добра: надыдзе час, і пераймянуем які-небудзь вялікі “камунячы” праспэкт. А так будзе нейкая маленькая вуліца, і потым ужо няёмка будзе пераносіць назву, лішнія грошы давядзецца траціць. Так што гістарычны працэс ідзе. Ня так хутка, але ідзе”.
А вось назваў, зьвязаных са Свабодай, у Менску паменее. Дэпутаты Менгарсавету прыслухаліся да ініцыятывы БРСМ і пераназвалі вуліцу Свабоды на тэрыторыі вайсковай часткі ў мікрараёне Ўручча.
Зрэшты, насельнікі прылеглых раёнаў да навіны паставіліся спакойна: аказалася, што жылых будынкаў у зоне Свабоды не было, а вайскоўцы і без таго прызвычаіліся існаваць паводле вайсковых статутаў.
