На ўрачыстасьцях з нагоды завяршэньня выплатаў прэзыдэнт Нямеччыны Горст Кёлер адзначыў, што “паўтара мільёна ахвяраў нацыянал-сацыялістычнай тыраніі атрымалі хаця б сымбалічную матэрыяльную кампэнсацыю, а таксама публічнае прызнаньне іх ахвярамі нацыянал-сацыялізму”.
Канцлер Нямеччыны Ангела Мэркель падкрэсьліла, што яна б хацела, каб “фэдэральны фонд і надалей садзейнічаў паглыбленьню міжнароднага супрацоўніцтва ў гуманітарнай сфэры”.
Першы намесьнік старшыні Беларускага фонду “Ўзаемаразуменьне і прымірэньне” Канстанцін Прахарэнка паведаміў, што кампэнсацыі выплацілі 120 тысячам былым вязьням у Беларусі. Выплачвалі ад 5 да 15 тысяч нямецкіх марак.
Што да далейшай працы, Канстанцін Прахарэнка распавёў:
“Фонд заснаваны ня толькі дзеля ажыцьцяўленьня кампэнсацыйных выплатаў. Ён працуе і будзе далей працаваць па гуманітарных праектах. Гэта і шпіталі, і аптэкі, і акулярная майстэрня, і чарнобыльскія праекты, і анкалягічныя хворыя, і былыя ваеннапалонныя, і вязьні канцлягераў гета — рознае фінансаваньне і розныя крыніцы”.
Пасьля выплаты кампэнсацыяў у нямецкім фондзе “Памяць, адказнасьць, будучыня” засталося яшчэ каля 400 мільёнаў эўра. Мяркуецца, што сродкі пойдуць на адукацыйныя, гуманітарныя, культурніцкія праекты. Будуць дапамагаць вязьням гета, былым ваеннапалонным.
Беларускі фонд “Узаемаразуменьне і прымірэньне” супрацоўнічае яшчэ з аўстрыйскім і швэйцарскім фондамі. Цяпер у Беларусі дапамога ажыцьцяўляецца праз адзінаццаць гуманітарных праграмаў.
Штогоду людзей, што прайшлі канцлягеры, працавалі ў Нямеччыне, становіцца менш, кажа Канстанцін Прахарэнка:
“120 тысяч атрымалі дапамогу. Але трэцяя частка ўжо, на жаль, памерла. 80 тысяч засталося. Кожны дзень людзі паміраюць. Вось і сёньня сумнае паведамленьне прыйшло...”
Я спыталася: ці былі прэтэнзіі ў былых беларускіх вязьняў наконт сумаў выплатаў, ці ў сем’ях людзей, што не дажылі да выплатаў?
Канстанцін Прахарэнка адказаў так:
“Не. Гэта зацьвярджаецца заканадаўцам. У дадзеным выпадку зацьвярджалася нямецкім законам, там дакладна прапісвалася, каму і колькі. Можна казаць пра справядлівасьць альбо несправядлівасьць, але закон дакладна вызначаў”.
Пісьменьнік Валянцін Тарас узрушаны ўчорашняй праграмай Беларускага тэлебачаньня “Панарама тыдня”, дзе паказалі сюжэт пра вынікі кампэнсацыяў:
“Дык вось, журналіст абураўся менавіта тым, што немцы спынілі выплаты. Ён згадаў і Гёбэльса, і Буша, і Асьвенцім... І неяк забыўся, што скасаваныя льготы для ахвяраў нацызму ў Беларусі і ахвяраў сталінскіх.
Што гэта такое? Я нават ня буду казаць, добра ці кепска, што немцы спынілі выплаты. Гэта немцы. Чаму мы спынілі выплаты ахвярам нацысцкіх лягераў? Тут ёсьць над чым падумаць”.
Радыё Свабода
Гл. таксама:
“Нямецкі ўрад дапамагае ахвярам нацызму ў Беларусі”
Канцлер Нямеччыны Ангела Мэркель падкрэсьліла, што яна б хацела, каб “фэдэральны фонд і надалей садзейнічаў паглыбленьню міжнароднага супрацоўніцтва ў гуманітарнай сфэры”.
Першы намесьнік старшыні Беларускага фонду “Ўзаемаразуменьне і прымірэньне” Канстанцін Прахарэнка паведаміў, што кампэнсацыі выплацілі 120 тысячам былым вязьням у Беларусі. Выплачвалі ад 5 да 15 тысяч нямецкіх марак.
Што да далейшай працы, Канстанцін Прахарэнка распавёў:
“Фонд заснаваны ня толькі дзеля ажыцьцяўленьня кампэнсацыйных выплатаў. Ён працуе і будзе далей працаваць па гуманітарных праектах. Гэта і шпіталі, і аптэкі, і акулярная майстэрня, і чарнобыльскія праекты, і анкалягічныя хворыя, і былыя ваеннапалонныя, і вязьні канцлягераў гета — рознае фінансаваньне і розныя крыніцы”.
Пасьля выплаты кампэнсацыяў у нямецкім фондзе “Памяць, адказнасьць, будучыня” засталося яшчэ каля 400 мільёнаў эўра. Мяркуецца, што сродкі пойдуць на адукацыйныя, гуманітарныя, культурніцкія праекты. Будуць дапамагаць вязьням гета, былым ваеннапалонным.
Беларускі фонд “Узаемаразуменьне і прымірэньне” супрацоўнічае яшчэ з аўстрыйскім і швэйцарскім фондамі. Цяпер у Беларусі дапамога ажыцьцяўляецца праз адзінаццаць гуманітарных праграмаў.
Штогоду людзей, што прайшлі канцлягеры, працавалі ў Нямеччыне, становіцца менш, кажа Канстанцін Прахарэнка:
“120 тысяч атрымалі дапамогу. Але трэцяя частка ўжо, на жаль, памерла. 80 тысяч засталося. Кожны дзень людзі паміраюць. Вось і сёньня сумнае паведамленьне прыйшло...”
Я спыталася: ці былі прэтэнзіі ў былых беларускіх вязьняў наконт сумаў выплатаў, ці ў сем’ях людзей, што не дажылі да выплатаў?
Канстанцін Прахарэнка адказаў так:
“Не. Гэта зацьвярджаецца заканадаўцам. У дадзеным выпадку зацьвярджалася нямецкім законам, там дакладна прапісвалася, каму і колькі. Можна казаць пра справядлівасьць альбо несправядлівасьць, але закон дакладна вызначаў”.
Пісьменьнік Валянцін Тарас узрушаны ўчорашняй праграмай Беларускага тэлебачаньня “Панарама тыдня”, дзе паказалі сюжэт пра вынікі кампэнсацыяў:
“Дык вось, журналіст абураўся менавіта тым, што немцы спынілі выплаты. Ён згадаў і Гёбэльса, і Буша, і Асьвенцім... І неяк забыўся, што скасаваныя льготы для ахвяраў нацызму ў Беларусі і ахвяраў сталінскіх.
Што гэта такое? Я нават ня буду казаць, добра ці кепска, што немцы спынілі выплаты. Гэта немцы. Чаму мы спынілі выплаты ахвярам нацысцкіх лягераў? Тут ёсьць над чым падумаць”.
Радыё Свабода
Гл. таксама:
“Нямецкі ўрад дапамагае ахвярам нацызму ў Беларусі”
