У пошуках сродкаў райвыканкам разаслаў усім індывідуальным прадпрымальнікам Жабінкаўскага раёну адмысловыя дамовы наконт прадстаўленьня зь іх боку бязвыплатнай (спонсарскай) дапамогі. Прадпрымальнікаў зьдзівіў той факт, што ў самой дамове нічога не гаворыцца пра “Дажынкі”: мэта дапамогі выкладзена ў дакумэнце такім чынам, што сабраныя грошы трэба перавесьці на рахунак мясцовай “вэртыкалі”, каб тая выкарыстала іх “для набыцьця тратуарнай пліткі на добраўпарадкаваньне гораду”. Аднак у вусных размовах супрацоўнікі райвыканкаму цьвердзяць, што сабраныя сродкі патрэбныя менавіта для правядзеньня “Дажынак”.
Паводле дамовы, кожны індывідуальны прадпрымальнік мусіць пералічыць ад аднаго да двух мільёнаў рублёў (у залежнасьці ад таго, якой групай тавараў ён гандлюе). На пытаньне прадпрымальнікаў, што будзе, калі яны адмовяцца быць спонсарамі “Дажынак”, адзін з прадстаўнікоў райвыканкаму адказаў, што тады і стаўленьне ўладаў да гандляроў зьменіцца.
Паводле дамовы, кожны індывідуальны прадпрымальнік мусіць пералічыць ад аднаго да двух мільёнаў рублёў (у залежнасьці ад таго, якой групай тавараў ён гандлюе). На пытаньне прадпрымальнікаў, што будзе, калі яны адмовяцца быць спонсарамі “Дажынак”, адзін з прадстаўнікоў райвыканкаму адказаў, што тады і стаўленьне ўладаў да гандляроў зьменіцца.
