Лінкі ўнівэрсальнага доступу

logo-print

Віцебск: Зьмітра Лісіенку судзяць за графіці “Свабоду Шчукіну!”


Радыё Свабода, Віцебск У Кастрычніцкім райсудзе Віцебску разгляд гэтай справы пачала судзьдзя Ірына Смалякова. Паводле артыкулу 17.1 адміністрацыйнага кодэксу, актывісту пагражае грашовы штраф альбо арышт.

У судзе Зьміцер Лісіенка сваю віну не прызнаў. Ён цьвердзіць, што быў затрыманы беспадстаўна. Судзьдзя вырашыла выклікаць сьведкаў-міліцыянтаў, якія праводзілі затрыманьне і перанесла разгляд справы на 19 чэрвеня.

Уначы 9 чэрвеня Зьміцер Лісіенка быў затрыманы каля абласной управы Міністэрства ўнутраных справаў, на будынку якой зьявіўся надпіс “Свабоду Шчукіну!”.
XS
SM
MD
LG