Лінкі ўнівэрсальнага доступу

<B>Чэрвень з Васілём Быкавым: “Беларусь бязглузда адасобілася ад нармальных эканамічных працэсаў...” </B>


Радыё Свабода, Прага Васіль Быкаў быў ня толькі ўважлівым слухачом, але і сталым аўтарам Свабоды. Ягоныя творы, інтэрвію, успаміны захоўваюцца ў нашым аўдыёархіве. Увесь чэрвень –месяц нараджэньня і сьмерці пісьменьніка – штодня на хвалях Свабоды будзе гучаць Быкаў.

“Прыклад Фрэнсыса Фукуямы вельмі паказальны. Хаця сама праца "Канец гісторыі" увогуле цікавая, як і ягоная пазыцыя адносна антыкамуністычных працэсаў у сьвеце. Ён правільна зразумеў найперш антыкамуністычны кірунак сучаснага постсавецкага нацыяналізму, за што ад сваіх апанэнтаў, як вядома, атрымаў азначэньне "апошняга адваката нацыяналізму". Але ягоная спроба прадказаць канец гісторыі -- найперш у сацыяльна-культурніцкім сэнсе, вельмі хутка аказалася памылковая, што да гонару аўтара і было ім прызнана. Гісторыя працягваецца, і гэта правільна, бо ў каторы раз сьведчыць пра элемэнтарныя ісьціны: у наш час нічога прадказаць немагчыма. Мабыць, прышласьць, як і гісторыя, няўлоўная, непрадказальная, мабыць з тае прычыны, што, так бы мовіць, мэтафізычна парадаксальная. Што ж да Беларусі, дык у ёй ўсё зацыклілася на палітычным аспэкце, які зьмярцьвіў усякі эканамічны зрух. Беларусь бязглузда адасобілася ад нармальных эканамічных працэсаў, апынулася ў нейкай посткамуністычнай рэзэрвацыі, бы тая Куба ці Паўночная Карэя”.



Ад панядзелка да пятніцы ў нашым эфіры – кароткая цытата для роздуму і для памяці. Кожную суботу і нядзелю – тэматычныя аўдыёанталёгіі.
XS
SM
MD
LG