Я паспрабаваў высьветліць імя прадпрымальніка-мільянэра. Першае тэлефанаваньне – у падатковую інспэкцыю Кастрычніцкага раёну Гародні:
“Мільянэр? Хто -- фізычная асоба ці хто? Вы, калі ласка, патэлефануйце ў іншую інспэкцыю, бо тут нікога няма. Я вам дам нумар, куды затэлефанаваць...”
Набіраю нумар інспэкцыі па падатках і зборах Ленінскага раёну Горадні:
“Нічога не падкажу. Тэлефануйце ў абласную падатковую інспэкцыю. Там усё скажуць...”
“Абласная падатковая інспэкцыя... Не, у нас такіх зьвестак няма, гэта вы крыху не па адрасе. У Міністэрстве, магчыма, будуць такія зьвесткі. У нас такой інфармацыі няма".
Ананімныя мільёны
Пра тое, што ў Беларусі ёсьць людзі, чый прыбытак перавышае адзін мільён даляраў, стала вядома два гады таму.
Тады Камітэт дзяржкантролю агучыў зьвесткі з падатковых інспэкцыяў, згодна зь якімі дзьве сотні беларусаў задэкляравалі за 2004 год прыбыткаў па мільёну даляраў і больш.
Старшыня Беларускага саюзу прадпрымальнікаў Аляксандар Патупа выказвае сваю вэрсію, колькі тэарэтычна можа быць мільянэраў ў Беларусі:
“Блізу 100-150 чалавек можа і маюць у Беларусі такі статус – даляравыя мільянэры. Але часткова гэта ёсьць нейкія паі, уклады, інвэстыцыі ў тыя ці іншыя камэрцыйныя справы”.
Пры гэтым спадар Патупа зазначае: буйныя бізнэсоўцы усё часьцей свае актывы імкнуцца перавесьці ў замежжа.
Сьціплыя мільянэры
Самі дзелавыя людзі адмаўляюцца казаць, колькі яны зарабляюць.
Адзін з менскіх прадпрымальнікаў, гаспадар прадпрыемстве ў вырабе бялізны “Серж” Сяргей Атрошчанка называе заявы афіцыйных асобаў пра тое, што ў Беларусі ёсьць даляравыя мільянэры (цытую) “звычайным піарам уладаў”. Маўляў, каб людзі не баяліся дэкляраваць вялікія сумы.
Сяргей Атрошчанка зазначае: калі бізнэсовец дэкляруе 1 мільён даляраў, гэта значыць, ён сплаціць трыста тысячаў даляраў у выглядзе падаткаў:
“Некаторыя незалежныя экспэрты кажуць, што ў нас мільянэраў – хтосьці кажа блізу сотні, хтосьці кажа блізу тысячы – то бок, усяго мільянэраў, з не задэкляраваным прыбыткам, якія маюць звыш аднаго мільёну даляраў багацьця”.
Беларуска-латыскі мільянэр
Народжаны ў мястэчку Іўе на Гарадзеншчыне Ян Апаленіс яшчэ за савецкімі часамі перабраўся ў Латвію. Цяпер ён уладальнік сеткі гатэляў. І адзін з латыскіх мільянэраў:
“Я хоць і ў сьпісе сотні латыскіх мільянэраў, але заўсёды кажу так: у кішэні ў мяне пуста. Бо так і павінны быць. Грошы ў кішэні ляжаць не павінны, яны ўсе павінны быць у справе. Таму што сёньня трэба арыентавацца на рознабаковы бізнэс. Нават у газэтах усё часьцей пішуць: аказваецца, можна зарабляць мільёны, маючы шматпрофільны бізнэс. Я ў прыватнасьці чаму так раблю: таму што аднаму віду дзейнасьці ўласьцівыя пэрыядычныя крызысы. Таму дзеля таго, каб іх пераадольваць, трэба мець грошы на пераўзбраеньне вытворчасьці новымі тэхналёгіямі і тады выжывеш. Калі ў цябе гэтага няма – упадзеш і напэўна, ніколі больш не падымесься”.
“Мільянэр? Хто -- фізычная асоба ці хто? Вы, калі ласка, патэлефануйце ў іншую інспэкцыю, бо тут нікога няма. Я вам дам нумар, куды затэлефанаваць...”
Набіраю нумар інспэкцыі па падатках і зборах Ленінскага раёну Горадні:
“Нічога не падкажу. Тэлефануйце ў абласную падатковую інспэкцыю. Там усё скажуць...”
“Абласная падатковая інспэкцыя... Не, у нас такіх зьвестак няма, гэта вы крыху не па адрасе. У Міністэрстве, магчыма, будуць такія зьвесткі. У нас такой інфармацыі няма".
Ананімныя мільёны
Пра тое, што ў Беларусі ёсьць людзі, чый прыбытак перавышае адзін мільён даляраў, стала вядома два гады таму.
Тады Камітэт дзяржкантролю агучыў зьвесткі з падатковых інспэкцыяў, згодна зь якімі дзьве сотні беларусаў задэкляравалі за 2004 год прыбыткаў па мільёну даляраў і больш.
Старшыня Беларускага саюзу прадпрымальнікаў Аляксандар Патупа выказвае сваю вэрсію, колькі тэарэтычна можа быць мільянэраў ў Беларусі:
“Блізу 100-150 чалавек можа і маюць у Беларусі такі статус – даляравыя мільянэры. Але часткова гэта ёсьць нейкія паі, уклады, інвэстыцыі ў тыя ці іншыя камэрцыйныя справы”.
Пры гэтым спадар Патупа зазначае: буйныя бізнэсоўцы усё часьцей свае актывы імкнуцца перавесьці ў замежжа.
Сьціплыя мільянэры
Самі дзелавыя людзі адмаўляюцца казаць, колькі яны зарабляюць.
Адзін з менскіх прадпрымальнікаў, гаспадар прадпрыемстве ў вырабе бялізны “Серж” Сяргей Атрошчанка называе заявы афіцыйных асобаў пра тое, што ў Беларусі ёсьць даляравыя мільянэры (цытую) “звычайным піарам уладаў”. Маўляў, каб людзі не баяліся дэкляраваць вялікія сумы.
Сяргей Атрошчанка зазначае: калі бізнэсовец дэкляруе 1 мільён даляраў, гэта значыць, ён сплаціць трыста тысячаў даляраў у выглядзе падаткаў:
“Некаторыя незалежныя экспэрты кажуць, што ў нас мільянэраў – хтосьці кажа блізу сотні, хтосьці кажа блізу тысячы – то бок, усяго мільянэраў, з не задэкляраваным прыбыткам, якія маюць звыш аднаго мільёну даляраў багацьця”.
Беларуска-латыскі мільянэр
Народжаны ў мястэчку Іўе на Гарадзеншчыне Ян Апаленіс яшчэ за савецкімі часамі перабраўся ў Латвію. Цяпер ён уладальнік сеткі гатэляў. І адзін з латыскіх мільянэраў:
“Я хоць і ў сьпісе сотні латыскіх мільянэраў, але заўсёды кажу так: у кішэні ў мяне пуста. Бо так і павінны быць. Грошы ў кішэні ляжаць не павінны, яны ўсе павінны быць у справе. Таму што сёньня трэба арыентавацца на рознабаковы бізнэс. Нават у газэтах усё часьцей пішуць: аказваецца, можна зарабляць мільёны, маючы шматпрофільны бізнэс. Я ў прыватнасьці чаму так раблю: таму што аднаму віду дзейнасьці ўласьцівыя пэрыядычныя крызысы. Таму дзеля таго, каб іх пераадольваць, трэба мець грошы на пераўзбраеньне вытворчасьці новымі тэхналёгіямі і тады выжывеш. Калі ў цябе гэтага няма – упадзеш і напэўна, ніколі больш не падымесься”.