“Я вельмі рады вітаць дзядзьку Рыгора ў сядзібе БНФ” (Аплядысмэнты).
Гэтак распачаў імпрэзу старшыня партыі Вінцук Вячорка. Адна зь першых слова ўзяла кіраўніца цэнтру імя Язэпа Драздовіча, арганізатарка пленэру, прысьвечанага Рыгору Барадуліну Ада Райчонак:
“Пленэры мы звычайна прысьвячалі людзям, якіх з намі няма. І вось мастакі вырашылі, што трэба шанаваць людзей пры жыцьці. У нас ёсьць родны наш чалавек, наш родны Рыгорка. Мы яго вельмі любім. Вось мы і вырашылі яго ўшанаваць і ў мінулым годзе правялі пленэр. І ведаеце, гэта быў самы ўдалы пленэр”.
Удзел у адкрыцьці выставы прынялі сьпевакі і музыкі. Сярод іншых слова браў адзін з удзельнікаў пленэру і выставы мастак Аляксей Марачкін:
“Мы ўжо “пленэрымся” мо 13 год. І, канечне, самыя блізкія мясьціны для нашага сэрца і нашай душы гэта Бычкі, дзе нарадзіўся Васіль Быкаў. І побач - Вушаччына - казачная мясьціна, азёры. Дай яму Бог здароўя, нашаму Рыгорку. Давайце павітаем яго яшчэ раз”.
Усяго на выставе разьмешчана каля 40 работ мастакоў з усёй Беларусі. Гэта І графіка, і жывапіс, і габэлен. Тут партрэты Рыгора Барадуліна, ягоная родная хата і краявіды малой радзімы.
Вось што сказаў падчас свайго выступу дзядзька Рыгор:
“Сюды прыйшоў і мне тут добра, мне нічога не баліць: я ізноў у беларускай Беларусі. На пленэры пісаліся вершы: Ізноў я на гады багаты, Пра шляхту думаю радзей, І камары ля роднай заты, Кусаюць неяк сададзей Дзякуй, хто спрычыніўся, мне прыемна бачыць маладыя вочы - нашую надзею. Дзякуй вам за памяць. Пастараюся жыць. Жыве Беларусь".
На завяршэньне сьпявалі беларускія музыкі. А удзельнікі на ўспамін пра адкрыцьцё забіралі прэзэнтаваны буклет пад назваю Мастакі Рыгору Барадуліну “Каб рунела душа”.
Гэтак распачаў імпрэзу старшыня партыі Вінцук Вячорка. Адна зь першых слова ўзяла кіраўніца цэнтру імя Язэпа Драздовіча, арганізатарка пленэру, прысьвечанага Рыгору Барадуліну Ада Райчонак:
“Пленэры мы звычайна прысьвячалі людзям, якіх з намі няма. І вось мастакі вырашылі, што трэба шанаваць людзей пры жыцьці. У нас ёсьць родны наш чалавек, наш родны Рыгорка. Мы яго вельмі любім. Вось мы і вырашылі яго ўшанаваць і ў мінулым годзе правялі пленэр. І ведаеце, гэта быў самы ўдалы пленэр”.
Удзел у адкрыцьці выставы прынялі сьпевакі і музыкі. Сярод іншых слова браў адзін з удзельнікаў пленэру і выставы мастак Аляксей Марачкін:
“Мы ўжо “пленэрымся” мо 13 год. І, канечне, самыя блізкія мясьціны для нашага сэрца і нашай душы гэта Бычкі, дзе нарадзіўся Васіль Быкаў. І побач - Вушаччына - казачная мясьціна, азёры. Дай яму Бог здароўя, нашаму Рыгорку. Давайце павітаем яго яшчэ раз”.
Усяго на выставе разьмешчана каля 40 работ мастакоў з усёй Беларусі. Гэта І графіка, і жывапіс, і габэлен. Тут партрэты Рыгора Барадуліна, ягоная родная хата і краявіды малой радзімы.
Вось што сказаў падчас свайго выступу дзядзька Рыгор:
“Сюды прыйшоў і мне тут добра, мне нічога не баліць: я ізноў у беларускай Беларусі. На пленэры пісаліся вершы: Ізноў я на гады багаты, Пра шляхту думаю радзей, І камары ля роднай заты, Кусаюць неяк сададзей Дзякуй, хто спрычыніўся, мне прыемна бачыць маладыя вочы - нашую надзею. Дзякуй вам за памяць. Пастараюся жыць. Жыве Беларусь".
На завяршэньне сьпявалі беларускія музыкі. А удзельнікі на ўспамін пра адкрыцьцё забіралі прэзэнтаваны буклет пад назваю Мастакі Рыгору Барадуліну “Каб рунела душа”.