Орган палітупраўленьня Беларускай вайсковай акругі “Красноармейская правда” ў 1927 годзе на паласе “Чырвоны памежнік” піша: “На заставе не было музычнага інструмэнту. А бяз гэтага на мяжы зусім дрэнна. Нарэшце, вырашылі на ўласныя сродкі набыць грамафон. Сказана — зроблена. І жыцьцё пайшло зусім па-іншаму. Прыходзіш з паста на кардон — тут ужо грамафон іграе. Нягледзячы на стому, часам сам пачынаеш танчыць. Весялей зрабілася”.
“Бацькаўшчына” на гэтым тыдні 1957 году дае слова Станіславу Станкевічу, які ў 40-я ўгодкі з дня сьмерці Максіма Багдановіча адзначае: “Паходжаньне Багдановіча з абруселае інтэлігенцкае сям’і, ягоная доўгая ізаляцыя ад беларускага краю і народу, а так-жа расейскае школьнае выхаваньне стваралі ўсе перадумовы для таго, каб Багдановіч у сваім адчуваньні стаўся Расейцам... Ня гледзячы, аднак, на ўсё гэта, Багдановіч быў глыбокім нацыянальным паэтам і гарачым беларускім патрыётам”.
“Имя” на гэтым тыдні 1997 году паведамляе пра Паўла Севярынца: “Днямі ў жыцьці нашага героя адбылася новая падзея — пры ягоным удзеле 24 траўня прайшла ўстаноўчая канфэрэнцыя новай моладзевай арганізацыі — “Малады фронт”. 40 дэлегатаў з 25 гарадоў Беларусі абралі раду з 14 чалавек... У верасьні гэтыя хлопцы плянуюць правесьці ўжо зьезд “Маладога фронту”. Паводле нашай інфармацыі, менавіта Севярынца многія жадаюць бачыць лідэрам новай моладзевай арганізацыі”.
“Бацькаўшчына” на гэтым тыдні 1957 году дае слова Станіславу Станкевічу, які ў 40-я ўгодкі з дня сьмерці Максіма Багдановіча адзначае: “Паходжаньне Багдановіча з абруселае інтэлігенцкае сям’і, ягоная доўгая ізаляцыя ад беларускага краю і народу, а так-жа расейскае школьнае выхаваньне стваралі ўсе перадумовы для таго, каб Багдановіч у сваім адчуваньні стаўся Расейцам... Ня гледзячы, аднак, на ўсё гэта, Багдановіч быў глыбокім нацыянальным паэтам і гарачым беларускім патрыётам”.
“Имя” на гэтым тыдні 1997 году паведамляе пра Паўла Севярынца: “Днямі ў жыцьці нашага героя адбылася новая падзея — пры ягоным удзеле 24 траўня прайшла ўстаноўчая канфэрэнцыя новай моладзевай арганізацыі — “Малады фронт”. 40 дэлегатаў з 25 гарадоў Беларусі абралі раду з 14 чалавек... У верасьні гэтыя хлопцы плянуюць правесьці ўжо зьезд “Маладога фронту”. Паводле нашай інфармацыі, менавіта Севярынца многія жадаюць бачыць лідэрам новай моладзевай арганізацыі”.
