Дэпутаты, якія ўчора амаль аднагалосна выказаліся за пазбаўленьне льготаў больш як пяці мільёнаў беларускіх грамадзянаў, пытаньня пра свае дэпутацкія льготы не абмяркоўвалі.
Дэпутат Н.Аўдзеева: “Ніякіх ільготаў у дэпутатаў няма”
Намесьніца старшыні камісіі ў адукацыі, культуры Палаты прадстаўнікоў Натальля Аўдзеева кажа, што насамрэч ніякіх палёгкаў дэпутаты ня маюць:
“Што тычыцца самога законапраекту, безумоўна, ён можа мець розны рэзананс. Канечне, шырокі й розны паводле адценьня — альбо нэгатыўны, альбо станоўчы, хто як. Але, павінна сказаць, ніякіх ільготаў у дэпутатаў няма. Службовае жыльлё мы маем паводле дамовы. Аплачваем усе камунальныя паслугі, як і ўсе.
Кватэры за намі не застаюцца, таму што працуем гэтаксама паводле дамоваў. Што тычыцца якогасьці спэцхарчаваньня, аплаты праезду ці яшчэ чагосьці, нічога мы гэтага ня мелі, ня маем і спакойна да гэтага ставімся”.
Дэпутаты Палаты прадстаўнікоў (за выключэньнем старшыняў палатаў і іх намесьнікаў) паводле ўзроўню заробку, мэдычнага, санаторна-курортнага і сацыяльна-бытавога забесьпячэньня прыраўноўваюцца да міністраў.
Апроч таго, кожны месяц ім кампэнсуюцца выдаткі, зьвязаныя з парлямэнцкай дзейнасьцю, якія не абкладаюцца падаходным падаткам. Ім гарантаваны штогадовы аплачваны адпачынак — 36 каляндарных дзён.
Дэпутат мае права карыстацца паветраным, чыгуначным, аўтамабільным, водным транспартам і ўсімі відамі гарадзкога і прыгараднага транспарту коштам бюджэтных сродкаў, а таксама мае права пазачаргова набываць праязныя дакумэнты і браніраваць квіткі.
Пасьля прад’яўленьня пасьведчаньня дэпутата білетныя касы абавязаныя па-за чаргой выдаць яму квіток. Дэпутату, які карыстаецца асабістым транспартам у межах сваіх паўнамоцтваў, выплачваецца грашовая кампэнсацыя.
Дэпутаты таксама маюць права на пазачарговую ўстаноўку кватэрнага тэлефона. Дэпутаты-мужчыны вызваляюцца ад прызыву на вайсковую службу і вайсковыя зборы. Гэтаксама дэпутату выдаецца дыпляматычны пашпарт.
Экс-дэпутат У. Парфяновіч: “У дэпутатаў — істотныя льготы”
Былы дэпутат Палаты прадстаўнікоў Уладзімер Парфяновіч перакананы, што ў дэпутатаў павінна быць толькі адна льгота:
“Адна льгота можа быць у дэпутата — зарплата. Таму яны перадусім павінны былі адмовіцца ад таго, што маюць, апроч заробку. І ўжо пасьля гэтага прымаць закон. Тады словы прынамсі не разыходзіліся б са справай”.
Карэспандэнт: “З вашага досьведу, льготы ў дэпутатаў істотныя?”
“Дастаткова істотныя гэтыя льготы, яны ёсьць. Але тут можна сказаць і інакш. Відавочна, мала ў людзей яшчэ забіраюць. Павінны, мабыць, забраць усё, пакінуць толькі майткі. А можа і майткі сьцягнуць — вось тады можа штосьці зьменіцца ў мазгах нашых людзей”.
Фармальна дэпутаты, якія працуюць на прафэсійнай аснове, ня могуць сумяшчаць дэпутацтва зь іншай дзейнасьцю, якая аплачваецца. Выключэньне — выкладчыцкая, навуковая ды некаторая іншая творчасьць.
Учора намесьніца кіраўніка адміністрацыі прэзыдэнта Натальля Пяткевіч заявіла, што “спэкуляцыі на тэме льготаў чыноўнікаў” беспадстаўныя. Яна сказала, што яшчэ ў 1994 годзе, пасьля ўводу інстытуту прэзыдэнцтва, спэцабслугоўваньне ды іншыя праявы былі скасаваныя. І цяпер, паводле Пяткевіч, у Беларусі чыноўнікі “ня маюць ніякіх асаблівых ільготаў”. Палата прадстаўнікоў прыняла закон аб адмене льготаў , 23.05.2007 Каго канкрэтьна пазбавілі льготаў? , 23.05.2007
Дэпутат Н.Аўдзеева: “Ніякіх ільготаў у дэпутатаў няма”
Намесьніца старшыні камісіі ў адукацыі, культуры Палаты прадстаўнікоў Натальля Аўдзеева кажа, што насамрэч ніякіх палёгкаў дэпутаты ня маюць:
“Што тычыцца самога законапраекту, безумоўна, ён можа мець розны рэзананс. Канечне, шырокі й розны паводле адценьня — альбо нэгатыўны, альбо станоўчы, хто як. Але, павінна сказаць, ніякіх ільготаў у дэпутатаў няма. Службовае жыльлё мы маем паводле дамовы. Аплачваем усе камунальныя паслугі, як і ўсе.
Кватэры за намі не застаюцца, таму што працуем гэтаксама паводле дамоваў. Што тычыцца якогасьці спэцхарчаваньня, аплаты праезду ці яшчэ чагосьці, нічога мы гэтага ня мелі, ня маем і спакойна да гэтага ставімся”.
Дэпутаты Палаты прадстаўнікоў (за выключэньнем старшыняў палатаў і іх намесьнікаў) паводле ўзроўню заробку, мэдычнага, санаторна-курортнага і сацыяльна-бытавога забесьпячэньня прыраўноўваюцца да міністраў.
Апроч таго, кожны месяц ім кампэнсуюцца выдаткі, зьвязаныя з парлямэнцкай дзейнасьцю, якія не абкладаюцца падаходным падаткам. Ім гарантаваны штогадовы аплачваны адпачынак — 36 каляндарных дзён.
Дэпутат мае права карыстацца паветраным, чыгуначным, аўтамабільным, водным транспартам і ўсімі відамі гарадзкога і прыгараднага транспарту коштам бюджэтных сродкаў, а таксама мае права пазачаргова набываць праязныя дакумэнты і браніраваць квіткі.
Пасьля прад’яўленьня пасьведчаньня дэпутата білетныя касы абавязаныя па-за чаргой выдаць яму квіток. Дэпутату, які карыстаецца асабістым транспартам у межах сваіх паўнамоцтваў, выплачваецца грашовая кампэнсацыя.
Дэпутаты таксама маюць права на пазачарговую ўстаноўку кватэрнага тэлефона. Дэпутаты-мужчыны вызваляюцца ад прызыву на вайсковую службу і вайсковыя зборы. Гэтаксама дэпутату выдаецца дыпляматычны пашпарт.
Экс-дэпутат У. Парфяновіч: “У дэпутатаў — істотныя льготы”
Былы дэпутат Палаты прадстаўнікоў Уладзімер Парфяновіч перакананы, што ў дэпутатаў павінна быць толькі адна льгота:
“Адна льгота можа быць у дэпутата — зарплата. Таму яны перадусім павінны былі адмовіцца ад таго, што маюць, апроч заробку. І ўжо пасьля гэтага прымаць закон. Тады словы прынамсі не разыходзіліся б са справай”.
Карэспандэнт: “З вашага досьведу, льготы ў дэпутатаў істотныя?”
“Дастаткова істотныя гэтыя льготы, яны ёсьць. Але тут можна сказаць і інакш. Відавочна, мала ў людзей яшчэ забіраюць. Павінны, мабыць, забраць усё, пакінуць толькі майткі. А можа і майткі сьцягнуць — вось тады можа штосьці зьменіцца ў мазгах нашых людзей”.
Фармальна дэпутаты, якія працуюць на прафэсійнай аснове, ня могуць сумяшчаць дэпутацтва зь іншай дзейнасьцю, якая аплачваецца. Выключэньне — выкладчыцкая, навуковая ды некаторая іншая творчасьць.
Учора намесьніца кіраўніка адміністрацыі прэзыдэнта Натальля Пяткевіч заявіла, што “спэкуляцыі на тэме льготаў чыноўнікаў” беспадстаўныя. Яна сказала, што яшчэ ў 1994 годзе, пасьля ўводу інстытуту прэзыдэнцтва, спэцабслугоўваньне ды іншыя праявы былі скасаваныя. І цяпер, паводле Пяткевіч, у Беларусі чыноўнікі “ня маюць ніякіх асаблівых ільготаў”. Палата прадстаўнікоў прыняла закон аб адмене льготаў , 23.05.2007 Каго канкрэтьна пазбавілі льготаў? , 23.05.2007
