Лінкі ўнівэрсальнага доступу

logo-print

В.Шалкевіч выступіў на канцэрце супраць разбурэньня старой Горадні


Сяргей Астраўцоў, Горадня Сёньня ўвечары ў Горадні адбыўся першы канцэрт пад лёзунгам “Музыкі —супраць разбурэньня Горадні”. Сабралася каля 170 слухачоў, перад якімі выступіў Віктар Шалкевіч.

Бард гаворыць, што далучыўся да кампаніі ў абарону Старой Горадні, бо давярае меркаваньням яе ініцыятараў, такіх як доктар гістарычных навук Алесь Краўцэвіч. Свой горад, у якім Віктар жыве 27 гадоў, ён успрымае безь сьляпой любові: разумее яго слабыя і моцныя бакі. Напісаць песьню пра старую архітэктуру ня так проста, гаворыць ён. Вось аднойчы ў яго атрымаўся тэкст пра Горадню, над якой на шпіцах Фарнага касьцёлу — анёлы з трубамі, і над якой падае дождж...

З наступным канцэртам у абарону Старой Горадні мае выступіць Кася Камоцкая, – пра гэта паведаміў Павал Мажэйка.

Што датычыць уладаў, яны пакуль прыпынілі рэканструкцыю гістарычнай забудовы. У радыёперадачах, у афіцыйнай прэсе спрабуюць пераканаць гараджан, што рэканструкцыя адпавядае Генэральнаму пляну разьвіцьця гораду і адбываецца без парушэньняў.

Віктар Шалкевіч выступае на канцэрэце супраць разбурэньня архітэктурнай спадчыны Горадні

Віктар Шалкевіч выступае на канцэрэце супраць разбурэньня архітэктурнай спадчыны Горадні

Віктар Шалкевіч выступае на канцэрэце супраць разбурэньня архітэктурнай спадчыны Горадні
XS
SM
MD
LG