Панядзелак, 21 траўня
У Менску адбудзецца паседжаньне Палітычнай рады аб’яднаных дэмакратычных сілаў. На парадку дня – падрыхтоўка да прызначанага на найбліжэйшыя выходныя Кангрэсу дэмсілаў.
“Увесь тыдзень будзе працоўны. Месца сустрэчы зьмяніць нельга, бо сёньня будзем за яго плаціць. Адміністрацыя Дому культуры Менскага аўтазаводу выставіла разьлік. Каля 8 мільёнаў рублёў будзе каштаваць толькі арэнда залі”, – расказаў намесьнік старшыні Аб’яднанай грамадзянскай партыі Ігар Шынкарык.
Аўторак, 22 траўня
Вядомыя беларускія выканаўцы падтрымаюць у гэты дзень акцыю “Музыкі –супраць разбурэньня Горадні”.
“Улада творыць сваё, а гараджанам нічога не тлумачыць, – гаворыць бард Віктар Шалкевіч. – А тое, што яны разваляць, то ніхто ж не адбудуе. Мяркую, знойдзецца што сьпяваць. У мяне ж ёсьць вялікі цыкль “Гарадзенскія песьні”.
Таксама ў аўторак Нясьвіскі райвыканкам мае вярнуцца да вырашэньня лёсу гістарычнага будынку плябаніі – дому, дзе жылі ксяндзы. У райцэнтры не спыняюцца пратэсты вернікаў.
“Канфліктная сытуацыя ўзьнікла ад таго, што яшчэ ў 2005 годзе нам абяцалі вярнуць будынак. Але цяпер улада паставіла пытаньне па-іншаму – выставіла будынак на аўкцыён”, – расказаў нашаму радыё жыхар Нясьвіжу Дзяніс Коўшар.
Серада, 23 траўня
Палата прадстаўнікоў разгледзіць законапраект аб адраснай сацыяльнай дапамозе і ўпарадкаваньні льготаў. Мяркуецца, што грашовая дапамога будзе скасаваная для шэрагу катэгорыяў насельніцтва.
Сытуацыю камэнтуе ініцыятар стварэньня грамадзкай арганізацыі ліквідатараў аварыі на Чарнобыльскай АЭС Аляксандар Ваўчанін:
“Гэта ж у аніякія рамкі ня лезе! Усе пункты зьнікнуць! Давайце ня будзем да нуля зводзіць статус удзельніка ліквідацыі. Я зьвяртаюся да чыноўнікаў: што ж вы робіце?”
Чацьвер, 24 траўня
Прадстаўнікі Швэцыі, Францыі, Аўстрыі, Галяндыі й Нямеччыны возьмуць у Менску ўдзел у мерапрыемствах Дзён Эўропы, якія адбываюцца ў Беларусі. Сёлета яны падпарадкаваныя дэвізу “50 гадоў эўрапейскай інтэграцыі”. Выставы, сэмінары, студэнцкія ток-шоў прымае Менскі міжнародны адукацыйны цэнтар.
“Мы ж эўрапейская краіна і сьпяшаемся ў Эўропу. Таму ўсе мерапрыемствы, што адбываюцца і збліжаюць нас з Эўропай, можна толькі вітаць”, – сказаў нашаму радыё дырэктар адукацыйнага цэнтру Віктар Балакіраў.
Пятніца, 25 траўня
У гэты дзень споўніцца 90 гадоў з дня сьмерці клясыка беларускай літаратуры Максіма Багдановіча. А 18-й гадзіне да помніка паэту прыйдуць сябры Беларускай сацыял-дэмакратычнай партыі (Грамада).
“У гэты дзень, як я ведаю, літаратары прыйдуць. Сябры Саюзу беларускіх пісьменьнікаў, а не саюзу, на чале якога Чаргінец. Прыйдзем да помніка, пакладзем кветкі. Такім будзе ўшанаваньне Максіма Багдановіча, які быў сябрам Беларускай сацыялістычнай грамады”, – сказаў намесьнік старшыні БСДП (Грамада) Анатоль Сідарэвіч.
Субота, 26 траўня
Субота – першы дзень працы Кангрэсу дэмакратычных сілаў.
“Будзе амаль 900 дэлегатаў, – расказвае старшыня аргкамітэту Аляксандар Бухвостаў. – Плянуецца заслухаць выступы Аляксандра Мілінкевіча – старшыні Палітрады; Анатоля Лябедзькі – старшыні Нацыянальнай рады; Сяргея Калякіна – кіраўніка штабу адзінага кандыдата ад дэмсілаў; прадстаўніка Аляксандра Казуліна. Галоўнае ўсё-такі, што мы ўпершыню зацьвердзім дакумэнты, якія складуць аснову дзейнасьці ўсёй апазыцыі”.
У Менску адбудзецца паседжаньне Палітычнай рады аб’яднаных дэмакратычных сілаў. На парадку дня – падрыхтоўка да прызначанага на найбліжэйшыя выходныя Кангрэсу дэмсілаў.
“Увесь тыдзень будзе працоўны. Месца сустрэчы зьмяніць нельга, бо сёньня будзем за яго плаціць. Адміністрацыя Дому культуры Менскага аўтазаводу выставіла разьлік. Каля 8 мільёнаў рублёў будзе каштаваць толькі арэнда залі”, – расказаў намесьнік старшыні Аб’яднанай грамадзянскай партыі Ігар Шынкарык.
Аўторак, 22 траўня
Вядомыя беларускія выканаўцы падтрымаюць у гэты дзень акцыю “Музыкі –супраць разбурэньня Горадні”.
“Улада творыць сваё, а гараджанам нічога не тлумачыць, – гаворыць бард Віктар Шалкевіч. – А тое, што яны разваляць, то ніхто ж не адбудуе. Мяркую, знойдзецца што сьпяваць. У мяне ж ёсьць вялікі цыкль “Гарадзенскія песьні”.
Таксама ў аўторак Нясьвіскі райвыканкам мае вярнуцца да вырашэньня лёсу гістарычнага будынку плябаніі – дому, дзе жылі ксяндзы. У райцэнтры не спыняюцца пратэсты вернікаў.
“Канфліктная сытуацыя ўзьнікла ад таго, што яшчэ ў 2005 годзе нам абяцалі вярнуць будынак. Але цяпер улада паставіла пытаньне па-іншаму – выставіла будынак на аўкцыён”, – расказаў нашаму радыё жыхар Нясьвіжу Дзяніс Коўшар.
Серада, 23 траўня
Палата прадстаўнікоў разгледзіць законапраект аб адраснай сацыяльнай дапамозе і ўпарадкаваньні льготаў. Мяркуецца, што грашовая дапамога будзе скасаваная для шэрагу катэгорыяў насельніцтва.
Сытуацыю камэнтуе ініцыятар стварэньня грамадзкай арганізацыі ліквідатараў аварыі на Чарнобыльскай АЭС Аляксандар Ваўчанін:
“Гэта ж у аніякія рамкі ня лезе! Усе пункты зьнікнуць! Давайце ня будзем да нуля зводзіць статус удзельніка ліквідацыі. Я зьвяртаюся да чыноўнікаў: што ж вы робіце?”
Чацьвер, 24 траўня
Прадстаўнікі Швэцыі, Францыі, Аўстрыі, Галяндыі й Нямеччыны возьмуць у Менску ўдзел у мерапрыемствах Дзён Эўропы, якія адбываюцца ў Беларусі. Сёлета яны падпарадкаваныя дэвізу “50 гадоў эўрапейскай інтэграцыі”. Выставы, сэмінары, студэнцкія ток-шоў прымае Менскі міжнародны адукацыйны цэнтар.
“Мы ж эўрапейская краіна і сьпяшаемся ў Эўропу. Таму ўсе мерапрыемствы, што адбываюцца і збліжаюць нас з Эўропай, можна толькі вітаць”, – сказаў нашаму радыё дырэктар адукацыйнага цэнтру Віктар Балакіраў.
Пятніца, 25 траўня
У гэты дзень споўніцца 90 гадоў з дня сьмерці клясыка беларускай літаратуры Максіма Багдановіча. А 18-й гадзіне да помніка паэту прыйдуць сябры Беларускай сацыял-дэмакратычнай партыі (Грамада).
“У гэты дзень, як я ведаю, літаратары прыйдуць. Сябры Саюзу беларускіх пісьменьнікаў, а не саюзу, на чале якога Чаргінец. Прыйдзем да помніка, пакладзем кветкі. Такім будзе ўшанаваньне Максіма Багдановіча, які быў сябрам Беларускай сацыялістычнай грамады”, – сказаў намесьнік старшыні БСДП (Грамада) Анатоль Сідарэвіч.
Субота, 26 траўня
Субота – першы дзень працы Кангрэсу дэмакратычных сілаў.
“Будзе амаль 900 дэлегатаў, – расказвае старшыня аргкамітэту Аляксандар Бухвостаў. – Плянуецца заслухаць выступы Аляксандра Мілінкевіча – старшыні Палітрады; Анатоля Лябедзькі – старшыні Нацыянальнай рады; Сяргея Калякіна – кіраўніка штабу адзінага кандыдата ад дэмсілаў; прадстаўніка Аляксандра Казуліна. Галоўнае ўсё-такі, што мы ўпершыню зацьвердзім дакумэнты, якія складуць аснову дзейнасьці ўсёй апазыцыі”.