Палітвязень Зьміцер Дашкевіч пілуе дошкі
Пра тое, што Зьмітра Дашкевіча, які адбывае пакараньне ў Шклоўскай калёніі, зноў накіравалі працаваць на лесапільным ўчастку, мы паведамлялі ў мінулым аглядзе. Але тады не было вядома, якую дакладна працу далі палітвязьню. Гэта істотнае пытаньне, паколькі раней Зьміцер цягаў цяжкія бярвеньні і атрымаў захворваньне хрыбта. “Зараз яго перавялі на пілараму. Пілуе дошкі”, – паведаміў пра сябра “хімік” Артур Фінькевіч, які падтрымлівае сувязь са Зьмітром Дашкевічам. Паводле Артура, гэта ўсё ж лягчэйшая праца. Ён спадзяецца, што шкоды здароўю Дашкевіча будзе меней.
Фінькевіч – таксама за жорсткую стратэгію
Да Артура Фінькевіча не пусьцілі наведвальнікаў – амбасадараў Вялікабрытаніі і Славакіі. Дыпляматы былі ў Магілёве і вырашылі сустрэцца з палітвязьнем, але ня мелі дазволу з дэпартамэнту выкананьня пакараньняў. Міліцыянты пра гэта дазналіся, і сустрэчу, якая ўжо пачалася, забаранілі. Што да будучага Кангрэсу дэмакратычных сіл, Фінькевіч падзяляе пазыцыю тых, хто лічыць прапанаваную Кангрэсу стратэгію апазыцыі занадта мяккай.
“Гэта глупства, адмаўляцца ад масавых акцыі пратэсту і рабіць стаўку на эвалюцыйны пераход улады да дэмакратаў. Людзі, якія зрабілі такую прапанову, насамрэч, ня хочуць прыйсьці да гэтай улады, ім, відаць, выгодна быць партыйнымі лідэрамі, уваходзіць у гэты пачэсны прэзыдыюм. Выгадна, каб усё, што адбываецца зараз, заставалася”.
Падобнай думкі прытрымліваюцца і “хімікі” Павал Севярынец ды Мікалай Статкевіч. Павал Севярынец апошнімі днямі знаходзіўся ў адпачынку ў Віцебску і прыкладаў шмат намаганьняў, каб сфармуляваць альтэрнатыўную стратэгію. Мікалай Статкевіч плянуе, што з гэтай стратэгіяй дэлегатаў пазнаёмяць альбо праз відэа, альбо яе зачытаюць прыхільнікі палітвязьняў.
Самога Статкевіча з камэндатуры на час Кангрэсу ня выпусьцяць. Пра гэта яго міліцыянты ўжо папярэдзілі.
“Бацька тэлефанаваў у абласны дэпартамэнт, яму абяцалі, што раз на месяц мяне будуць да яго адпускаць. Апошні раз мяне адпусьцілі да яго на Радаўніцу, на паўтара дні. Месяц мінуў, і мне сказалі, што пакуль ня пройдзе Кангрэс, каб на адпачынак не разьлічваў. Нават не пусьцілі на гэтыя выходныя, хаця гэта ж яшчэ не Кангрэс. Можа, баяцца майго уплыву на падзеі? Ня ведаю”.
Турэмных сяброў Казуліна разьмеркавалі па іншых калёніях
Пра Кацярыну Садоўскую гэтым тыднем не было ніякіх зьвестак, як і пра Андрэя Клімава, якога трымаюць у менскім сьледчым ізалятары. Пра яго ўскосна згадаў Аляксандр Казулін. У калёнію да экс-кандадата на прэзыдэнта прыехалі на спатканьне жонка і дочкі. Ад Казуліна ім стала вядома, што ён так і не атрымаў ліст пра Андрэя Клімава, які яму накіравалі сваякі. Такім чынам сям’я атрымала пацьверджаньне таго, што турэмная цэнзура супроць Казуліна дзейнічае, як дзейнічае і сыстэма штучнага абмежаваньня кантактаў палітвязьня. Дачка Казуліна Юля:
“Вязьні баяцца зь ім кантактаваць, бо іх запалохала адміністрацыя. Тых, хто зь ім актыўна кантактаваў, перавялі ў іншыя калёніі. Таму сапраўды ягоныя кантакты абмежавалі”.
Пра тое, што Зьмітра Дашкевіча, які адбывае пакараньне ў Шклоўскай калёніі, зноў накіравалі працаваць на лесапільным ўчастку, мы паведамлялі ў мінулым аглядзе. Але тады не было вядома, якую дакладна працу далі палітвязьню. Гэта істотнае пытаньне, паколькі раней Зьміцер цягаў цяжкія бярвеньні і атрымаў захворваньне хрыбта. “Зараз яго перавялі на пілараму. Пілуе дошкі”, – паведаміў пра сябра “хімік” Артур Фінькевіч, які падтрымлівае сувязь са Зьмітром Дашкевічам. Паводле Артура, гэта ўсё ж лягчэйшая праца. Ён спадзяецца, што шкоды здароўю Дашкевіча будзе меней.
Фінькевіч – таксама за жорсткую стратэгію
Да Артура Фінькевіча не пусьцілі наведвальнікаў – амбасадараў Вялікабрытаніі і Славакіі. Дыпляматы былі ў Магілёве і вырашылі сустрэцца з палітвязьнем, але ня мелі дазволу з дэпартамэнту выкананьня пакараньняў. Міліцыянты пра гэта дазналіся, і сустрэчу, якая ўжо пачалася, забаранілі. Што да будучага Кангрэсу дэмакратычных сіл, Фінькевіч падзяляе пазыцыю тых, хто лічыць прапанаваную Кангрэсу стратэгію апазыцыі занадта мяккай.
“Гэта глупства, адмаўляцца ад масавых акцыі пратэсту і рабіць стаўку на эвалюцыйны пераход улады да дэмакратаў. Людзі, якія зрабілі такую прапанову, насамрэч, ня хочуць прыйсьці да гэтай улады, ім, відаць, выгодна быць партыйнымі лідэрамі, уваходзіць у гэты пачэсны прэзыдыюм. Выгадна, каб усё, што адбываецца зараз, заставалася”.
Падобнай думкі прытрымліваюцца і “хімікі” Павал Севярынец ды Мікалай Статкевіч. Павал Севярынец апошнімі днямі знаходзіўся ў адпачынку ў Віцебску і прыкладаў шмат намаганьняў, каб сфармуляваць альтэрнатыўную стратэгію. Мікалай Статкевіч плянуе, што з гэтай стратэгіяй дэлегатаў пазнаёмяць альбо праз відэа, альбо яе зачытаюць прыхільнікі палітвязьняў.
Самога Статкевіча з камэндатуры на час Кангрэсу ня выпусьцяць. Пра гэта яго міліцыянты ўжо папярэдзілі.
“Бацька тэлефанаваў у абласны дэпартамэнт, яму абяцалі, што раз на месяц мяне будуць да яго адпускаць. Апошні раз мяне адпусьцілі да яго на Радаўніцу, на паўтара дні. Месяц мінуў, і мне сказалі, што пакуль ня пройдзе Кангрэс, каб на адпачынак не разьлічваў. Нават не пусьцілі на гэтыя выходныя, хаця гэта ж яшчэ не Кангрэс. Можа, баяцца майго уплыву на падзеі? Ня ведаю”.
Турэмных сяброў Казуліна разьмеркавалі па іншых калёніях
Пра Кацярыну Садоўскую гэтым тыднем не было ніякіх зьвестак, як і пра Андрэя Клімава, якога трымаюць у менскім сьледчым ізалятары. Пра яго ўскосна згадаў Аляксандр Казулін. У калёнію да экс-кандадата на прэзыдэнта прыехалі на спатканьне жонка і дочкі. Ад Казуліна ім стала вядома, што ён так і не атрымаў ліст пра Андрэя Клімава, які яму накіравалі сваякі. Такім чынам сям’я атрымала пацьверджаньне таго, што турэмная цэнзура супроць Казуліна дзейнічае, як дзейнічае і сыстэма штучнага абмежаваньня кантактаў палітвязьня. Дачка Казуліна Юля:
“Вязьні баяцца зь ім кантактаваць, бо іх запалохала адміністрацыя. Тых, хто зь ім актыўна кантактаваў, перавялі ў іншыя калёніі. Таму сапраўды ягоныя кантакты абмежавалі”.