Лінкі ўнівэрсальнага доступу

logo-print

Улады не дазваляюць пратэставаць супраць адмены льготаў


Радыё Свабода Актывісты моладзевых арганізацыяў атрымалі адмову ад чыноўнікаў Менгарвыканкаму на заяўку аб правядзеньні акцыі супраць скасаваньня льготаў 20 траўня на плошчы Бангалор. У адказе чыноўнікі паведамілі, што менавіта ў гэты дзень, у нядзелю а 5-й вечара, на плошчы будзе весьціся прыбіраньне тэрыторыі, а таксама “рамонт паркавай тэхнікі”.

Тым часам у інтэрнэце прадстаўнікі моладзевых арганізацыяў, арганізацыяў прадпрымальнікаў і інвалідаў заклікаюць людзей прыйсьці на плошчу Незалежнасьці 20 траўня а 12-й гадзіне, каб выказаць сваё стаўленьне да заплянаванага скасаваньня льготаў.

Учора Гомельскія ўлады адмовілі актывістам дэмакратычных сілаў у правядзеньні мітынгу супраць адмены льготаў.

Заяўку на пікетаваньне Дому ўраду супраць скасаваньня льготаў падалі ў Менгарвыканкам сакратар ЦК Партыі камуністаў беларускай Алена Скрыган, лідэр жаночай партыі “Надзея” Алена Яськова, першы сакратар ЦК ЛКСМБ Дзьмітры Яненка. Пікет мае прайсьці 1 чэрвеня, у Міжнародны дзень абароны дзяцей.


Гл. таксама: Льготы пачнуць касаваць ужо праз тыдзень
XS
SM
MD
LG