Лінкі ўнівэрсальнага доступу

Ці дазволяць улады правесьці Кангрэс дэмсілаў у Беларусі?


Радыё Свабода Палац культуры Менскага аўтазаводу адмовіў у памяшканьні для правядзеньня Кангрэсу дэмакратычных сілаў. Адпаведны ліст прыйшоў на імя аднаго з заяўнікаў — старшыні АГП Анатоля Лябедзькі. Кангрэс плянуецца правесьці 26-27 траўня.

У лісьце гаворыцца, што паміж Палацам культуры МАЗу і грамадзкім аб’яднаньнем “Беларуская асацыяцыя дапамогі дзецям-інвалідам і маладым інвалідам” заключана дамова на правядзеньне 26 траўня фэстывалю “Запалі сваю зорку”, прысьвечанага Міжнароднаму дню абароны дзяцей.

Нагадаем, арганізатары падалі заяўкі на памяшканьне для правядзеньня Кангрэсу яшчэ ў Палац рэспублікі і канцэртную залю “Менск”.

Арганізатары кангрэсу маюць намер чакаць адказу ад уладаў да 16 траўня. Калі яго ня будзе, то кангрэс пройдзе за межамі краіны. Чакаецца, што ў ім возьмуць удзел больш за тысячу чалавек.
XS
SM
MD
LG