З прычыны таго, што арганізатары не знайшлі вялікага памяшканьня, канфэрэнцыя праходзіла адначасова ў трох гарадох: Віцебску, Воршы і Полацку. Па ўсіх гэтых рэгіёнах сабраліся 106 дэлегатаў са 135.
Паводле вынікаў галасаваньня, пазыцыі ўдзельнікаў канфэрэнцыі ў рэгіёнах і абласным цэнтры былі розныя. Тыя, хто сабраўся ў Полацку ды Воршы, амаль адзінагалосна падтрымалі сустаршынёўства ў Палітрадзе дэмакратычных сілаў і тое, каб старшыня Палітрады абіраўся не на Кангрэсе, а самой Палітрадай. Адзін бюлетэнь, пададзены да падліку ў Полацку, быў прызнаны несапраўдным – нехта з каныдатаў выказаўся "за" адразу па ўсіх пунктах.
На канфэрэнцыю ў Полацк прыехалі 18 дэлегатаў, у Воршу – 15 дэлегатаў. Пэўная частка прадстаўнікоў на Кангрэс ад гэтых рэгіёнаў усё ж прыехала ў абласны цэнтр, дзе сабралася асноўная група прыхільнікаў Аляксандра Мілінкевіча. Сярод іх – жыхарка Полацку, вядомая паэтка Лера Сом.
"Я прыехала ў Віцебск, бо тут сабралася частка людзей, якія найбольш блізкія мне па перакананьнях і поглядах. У Полацку сабраліся ў асноўным сябры камуністычнай партыі, зь якімі ў нас заўсёды ёсьць праблемы ў супрацоўніцтве. Галасавала я па-рознаму, але ў мяне абсалютна дакладная пазыцыя адносна таго, што павінен быць адзіны лідэр. Я ня бачу такога варыянту, каб кааліцыйнае кіраўніцтва ў нашых умовах было дзейснае".
У Віцебску, дзе сабралася найбольшая колькасьць дэлегатаў ад вобласьці, меркаваньні ўдзельнікаў канфэрэнцыі істотна адрозьніваліся.
Вось такім чынам сваю асабістую пазыцыю агучыў старшыня віцебскай філіі Сацыял-дэмакратычнай партыі "Грамада" Анатоль Гнеўка.
Гнеўка: "Мая пазыцыя адназначная, як і пазыцыя ўсёй нашай партыі. У першую чаргу мусіць быць адзіная кааліцыя і адзінства ўнутры самой кааліцыі. Тады ў кааліцыі будзе і адзіны лідар. А цяпер, на гэтым этапе, каб кангрэс плённа працаваў, мусяць быць сустаршыні, абраныя на Палітрадзе. Тое, што Мілінкевіч развальвае кааліцыю дэмакратычных сіл – гэта адназначна! Усё, што яшчэ дадаць!"
Прысутны на канфэрэнцыі у Віцебску старшыня Партыі АГП Анатоль Лябедзька адзначыў, што абмеркаваньне пытаньняў парадку дня і галасаваньне праходзіла тут у дужа нэрвовай абстаноўцы.
"Трэба сказаць, што такой напружанай атмасфэры я ня бачыў нідзе: ні ў Гародні, ніў Бярэсьці, ні ў Менску, ні ў менскай вобласьці. Гэта азначае, што ёсьць праблема ўзаемаадносін паміж кіраўнікамі віцебскай кааліцыі дэмсілаў. Тут калі адзін зь іх выступае, то другога проста калоціць! І вось гэтую праблему трэба вырашаць!"
Напрыканцы сустрэчы спадар Лябедзька прапанаваў усім кіраўнікам партыйных структур адмыслова прыехаць у Віцебск, каб абмеркаваць сытуацыю ў гэтым рэгіёне ды нейкім чынам паспрыяць таму, каб прадстаўнікі мясцовых дэмсілаў працавалі ў большай згодзе.
Працуе прэзыдыюм канфэрэнцыі
Удзельнікі канфэрэнцыі
Паводле вынікаў галасаваньня, пазыцыі ўдзельнікаў канфэрэнцыі ў рэгіёнах і абласным цэнтры былі розныя. Тыя, хто сабраўся ў Полацку ды Воршы, амаль адзінагалосна падтрымалі сустаршынёўства ў Палітрадзе дэмакратычных сілаў і тое, каб старшыня Палітрады абіраўся не на Кангрэсе, а самой Палітрадай. Адзін бюлетэнь, пададзены да падліку ў Полацку, быў прызнаны несапраўдным – нехта з каныдатаў выказаўся "за" адразу па ўсіх пунктах.
На канфэрэнцыю ў Полацк прыехалі 18 дэлегатаў, у Воршу – 15 дэлегатаў. Пэўная частка прадстаўнікоў на Кангрэс ад гэтых рэгіёнаў усё ж прыехала ў абласны цэнтр, дзе сабралася асноўная група прыхільнікаў Аляксандра Мілінкевіча. Сярод іх – жыхарка Полацку, вядомая паэтка Лера Сом.
"Я прыехала ў Віцебск, бо тут сабралася частка людзей, якія найбольш блізкія мне па перакананьнях і поглядах. У Полацку сабраліся ў асноўным сябры камуністычнай партыі, зь якімі ў нас заўсёды ёсьць праблемы ў супрацоўніцтве. Галасавала я па-рознаму, але ў мяне абсалютна дакладная пазыцыя адносна таго, што павінен быць адзіны лідэр. Я ня бачу такога варыянту, каб кааліцыйнае кіраўніцтва ў нашых умовах было дзейснае".У Віцебску, дзе сабралася найбольшая колькасьць дэлегатаў ад вобласьці, меркаваньні ўдзельнікаў канфэрэнцыі істотна адрозьніваліся.
Вось такім чынам сваю асабістую пазыцыю агучыў старшыня віцебскай філіі Сацыял-дэмакратычнай партыі "Грамада" Анатоль Гнеўка.
Гнеўка: "Мая пазыцыя адназначная, як і пазыцыя ўсёй нашай партыі. У першую чаргу мусіць быць адзіная кааліцыя і адзінства ўнутры самой кааліцыі. Тады ў кааліцыі будзе і адзіны лідар. А цяпер, на гэтым этапе, каб кангрэс плённа працаваў, мусяць быць сустаршыні, абраныя на Палітрадзе. Тое, што Мілінкевіч развальвае кааліцыю дэмакратычных сіл – гэта адназначна! Усё, што яшчэ дадаць!"Прысутны на канфэрэнцыі у Віцебску старшыня Партыі АГП Анатоль Лябедзька адзначыў, што абмеркаваньне пытаньняў парадку дня і галасаваньне праходзіла тут у дужа нэрвовай абстаноўцы.
"Трэба сказаць, што такой напружанай атмасфэры я ня бачыў нідзе: ні ў Гародні, ніў Бярэсьці, ні ў Менску, ні ў менскай вобласьці. Гэта азначае, што ёсьць праблема ўзаемаадносін паміж кіраўнікамі віцебскай кааліцыі дэмсілаў. Тут калі адзін зь іх выступае, то другога проста калоціць! І вось гэтую праблему трэба вырашаць!"Напрыканцы сустрэчы спадар Лябедзька прапанаваў усім кіраўнікам партыйных структур адмыслова прыехаць у Віцебск, каб абмеркаваць сытуацыю ў гэтым рэгіёне ды нейкім чынам паспрыяць таму, каб прадстаўнікі мясцовых дэмсілаў працавалі ў большай згодзе.
Працуе прэзыдыюм канфэрэнцыі
Удзельнікі канфэрэнцыі
