Дамову падпісалі міністар адукацыі Беларусі Аляксандар Радзькоў і генэральны дырэктар Міністэрства замежных справаў Італіі ў пытаньнях італьянцаў за мяжой і міграцыйнай палітыцы Адрыяна Бэнэдэці.
Міністар адукацыі Беларусі падкрэсьліў, што цяпер дзеці, якія выяжджаюць на аздараўленьне ў Італію, набудуць там “афіцыйны статус грамадзяніна Беларусі”. Раней жа ў іх быў у Італіі статус “безнаглядных”.
Паводле словаў намесьніцы міністра адукацыі Тацяны Кавалёвай, дамова дакладна вызначыла абавязкі абодвух бакоў, адказнасьць італьянскіх дабрачынных асацыяцыяў і сем’яў за парушэньне дамовы.
Гэтак зрабілі, каб статус дзіцяці за мяжой не трактаваўся суб’ектыўна, падкрэсьлівае Тацяна Кавалёва:
“Любыя пытаньні, зьвязаныя зь беларускім дзіцем, павінны разглядацца пры абавязковай прысутнасьці й пасярэдніцтве беларускага боку. Раней былі факты, калі нават пытаньні зь лячэньнем дзіцяці вырашаліся нават без паведамленьня ня толькі амбасадзе, але і суправаджальнай асобе.
Але гэта не азначае, што дадзеная дамова звальвае на італьянскі бок дадатковыя абавязаньні. Шэраг абавязкаў прапісаны і для беларускага боку: своечасовае афармленьне дакумэнтаў, кантроль за падборам суправаджальных асобаў, патрабаваньні да гэтых асобаў”.
Штогод на аздараўленьне ў Італію выяжджаюць 25 тысяч беларускіх дзяцей. Цягам апошніх дваццаці гадоў у Італіі пабывала больш за 200 тысяч дзетак.
Летась, пасьля выпадку зь Вікай Мароз, якую хацела ўдачарыць італьянская сям’я Джута — Барначын, узьніклі праблемы з выездам беларускіх дзетак у гэтую краіну. На калядныя вакацыі афіцыйныя ўлады не дазволілі дзецям выяжджаць.
Міхаіл Казлоўскі, кіраўнік Беларускага дабрачыннага аб’яднаньня “У будучыню з надзеяй”, якое штогод накіроўвае каля пяцісот дзяцей на аздараўленьне ў Італію, кажа:
“Галоўны вынік падпісаньня гэтага пагадненьня ў тым, што праграма аздараўленьня дзяцей у Італіі адновіцца. А тое, што зьмены ў статусе дзіцяці будуць, я думаю, гэта да лепшага. Бо італьянскія законы крыху адрозьніваюцца ад законаў іншых эўрапейскіх краінаў, і часьцяком сем’і, у якіх дзеці адпачывалі, затрымлівалі дзетак. Магчыма, ня будзе больш такіх выпадкаў”.
Тацяна Кавалёва паведаміла таксама, што беларускі бок будзе ініцыяваць падпісаньне двухбаковых дамоваў і зь іншымі краінамі, куды выяжджаюць аздаравіцца беларускія дзеці.
Гл.таксама:
Ад італьянскіх сем''яў патрабуюць гарантыі неўсынаўленьня
У Кагалета адбыліся дэманстрацыі ў падтрымку Вікі Мароз
Масіма Сантора: “Віка мусіць вярнуцца на радзіму” (абноўлены)
Што думаюць менчукі пра лёс Вікі Мароз?
Летась замежнікі ўсынавілі толькі двух беларускіх дзяцей
Міністар адукацыі Беларусі падкрэсьліў, што цяпер дзеці, якія выяжджаюць на аздараўленьне ў Італію, набудуць там “афіцыйны статус грамадзяніна Беларусі”. Раней жа ў іх быў у Італіі статус “безнаглядных”.
Паводле словаў намесьніцы міністра адукацыі Тацяны Кавалёвай, дамова дакладна вызначыла абавязкі абодвух бакоў, адказнасьць італьянскіх дабрачынных асацыяцыяў і сем’яў за парушэньне дамовы.
Гэтак зрабілі, каб статус дзіцяці за мяжой не трактаваўся суб’ектыўна, падкрэсьлівае Тацяна Кавалёва:
“Любыя пытаньні, зьвязаныя зь беларускім дзіцем, павінны разглядацца пры абавязковай прысутнасьці й пасярэдніцтве беларускага боку. Раней былі факты, калі нават пытаньні зь лячэньнем дзіцяці вырашаліся нават без паведамленьня ня толькі амбасадзе, але і суправаджальнай асобе.
Але гэта не азначае, што дадзеная дамова звальвае на італьянскі бок дадатковыя абавязаньні. Шэраг абавязкаў прапісаны і для беларускага боку: своечасовае афармленьне дакумэнтаў, кантроль за падборам суправаджальных асобаў, патрабаваньні да гэтых асобаў”.
Штогод на аздараўленьне ў Італію выяжджаюць 25 тысяч беларускіх дзяцей. Цягам апошніх дваццаці гадоў у Італіі пабывала больш за 200 тысяч дзетак.
Летась, пасьля выпадку зь Вікай Мароз, якую хацела ўдачарыць італьянская сям’я Джута — Барначын, узьніклі праблемы з выездам беларускіх дзетак у гэтую краіну. На калядныя вакацыі афіцыйныя ўлады не дазволілі дзецям выяжджаць.
Міхаіл Казлоўскі, кіраўнік Беларускага дабрачыннага аб’яднаньня “У будучыню з надзеяй”, якое штогод накіроўвае каля пяцісот дзяцей на аздараўленьне ў Італію, кажа:
“Галоўны вынік падпісаньня гэтага пагадненьня ў тым, што праграма аздараўленьня дзяцей у Італіі адновіцца. А тое, што зьмены ў статусе дзіцяці будуць, я думаю, гэта да лепшага. Бо італьянскія законы крыху адрозьніваюцца ад законаў іншых эўрапейскіх краінаў, і часьцяком сем’і, у якіх дзеці адпачывалі, затрымлівалі дзетак. Магчыма, ня будзе больш такіх выпадкаў”.
Тацяна Кавалёва паведаміла таксама, што беларускі бок будзе ініцыяваць падпісаньне двухбаковых дамоваў і зь іншымі краінамі, куды выяжджаюць аздаравіцца беларускія дзеці.
Гл.таксама:
Ад італьянскіх сем''яў патрабуюць гарантыі неўсынаўленьня
У Кагалета адбыліся дэманстрацыі ў падтрымку Вікі Мароз
Масіма Сантора: “Віка мусіць вярнуцца на радзіму” (абноўлены)
Што думаюць менчукі пра лёс Вікі Мароз?
Летась замежнікі ўсынавілі толькі двух беларускіх дзяцей