У першыя дні пікетаваньне будынку генконсульства Эстоніі праводзілася актыўна, там зьбіралася некалькі дзясяткаў пікетоўцаў.
Сёньня а 12-й гадзіне каля будынку было бязьлюдна — ці то праз дождж, ці то стаміліся прадстаўнікі Камуністычнай партыі Беларусі й Беларускага рэспубліканскага саюзу моладзі, якія падавалі заяўку на пікетаваньне.
Консульства 8 траўня таксама не працавала.
Сакратар генконсульства Эстоніі ў Беларусі сказала ў інтэрвію Радыё Свабода, што пра пікетаваньне дыпмісіі беларускія ўлады ім не паведамілі. Супрацоўнікі консульства выпадкова дазналіся пра дазвол Менгарвыканкаму.
Пікетоўцы перашкаджаюць працы дыпмісіі, кажа сакратарка:
Сакратарка: “Мы з чацьвярга, усе гэтыя дні, дакумэнтаў на візы не прымалі. Пабачым, што будзе заўтра, пастараемся пачаць прымаць дакумэнты”.
Карэспандэнтка: “А чаму? Яны перашкаджаюць уваходзіць людзям, ці што?”
Сакратарка: “Так, яны перашкаджаюць нам выходзіць”.
Карэспандэнтка: “А вашы прадстаўнікі вялі зь пікетоўцамі перамовы?”
Сакратарка: “Не, не. Мы толькі ноту даслалі ў МЗС. Як мы выпадкова даведаліся, Менгарвыканкам даў дазвол на пікеты да 10 траўня, і таму пакуль з прыёмам дакумэнтаў на адкрыцьцё візаў беларускім грамадзянам складана”.
Загадчык ідэалягічнага аддзелу Беларускага рэспубліканскага саюзу моладзі Іван Сінічкін сьцьвярджае, што моладзь да генконсульства прыходзіць з уласнай ініцыятывы:
Сінічкін: “Тыя, хто неабыякавы, туды і прыходзяць. У мяне дзядуля ваяваў, і глядзець на тое, што адбывалася ў Таліне, спакойна немагчыма. Мы ж ня можам выехаць у Талін і супрацьстаяць неяк там — таму законныя прадстаўнікі Эстоніі тут павінны ведаць, што перакройваць гісторыю цяпер недапушчальна”.
Наведнікі генконсульства, якія маюць расейскае грамадзянства, да таго, што генконсульства не працуе, паставіліся з паразуменьнем. Што да талінскіх падзеяў з помнікам савецкаму салдату, яны выказалі такое меркаваньне:
Спадар: “Спроба самасьцьвердзіцца ў эстонскага кіраўніцтва — вось такім ня самым высакародным чынам, якая, і гэта відавочна, супярэчыць нормам маралі”.
Спадарыня: “Гісторыю перакройваць нельга. Дрэнна, добра — але гэта было. І цяпер ваяваць з помнікамі й пахаваньнямі якіх бы ні было салдатаў, якія ахвяравалі сваім жыцьцём, — гэта амаральна”.
Маладыя беларусы выказвалі такія меркаваньні:
Дзяўчына: “Я падтрымліваю людзей, якія выказваюць пратэст”.
Спадар: “Непрыгожая атрымалася сытуацыя напярэдадні сьвятаў. І ў цэлым у кантэксьце дачыненьняў краінаў Балтыі й Расеі, і дачыненьняў краінаў заходніх і Расеі”.
Юнак: “Я палітыкай не цікаўлюся, у мяне шмат сваіх праблемаў”.
Спадар: “Я лічу, што нельга так рабіць, помнік — памяць пра подзьвіг савецкіх салдатаў. Нельга такога рабіць”.
Спадар: “Калі глядзець на сытуацыю вачыма эстонскага народу, калі яму так гэта не падабаецца, можа, яны і маюць рацыю, калі помнік зносяць”.
Гл. таксама: Гомель: БРСМ ладзіць мітынгі школьнікаў супраць пераносу помніка ў Таліне
Эстонскае консульства ў Менску не працуе
Генэральнае консульства Эстоніі ў Менску працуе ў звычайным рэжыме
Сёньня а 12-й гадзіне каля будынку было бязьлюдна — ці то праз дождж, ці то стаміліся прадстаўнікі Камуністычнай партыі Беларусі й Беларускага рэспубліканскага саюзу моладзі, якія падавалі заяўку на пікетаваньне.
Консульства 8 траўня таксама не працавала.
Сакратар генконсульства Эстоніі ў Беларусі сказала ў інтэрвію Радыё Свабода, што пра пікетаваньне дыпмісіі беларускія ўлады ім не паведамілі. Супрацоўнікі консульства выпадкова дазналіся пра дазвол Менгарвыканкаму.
Пікетоўцы перашкаджаюць працы дыпмісіі, кажа сакратарка:
Сакратарка: “Мы з чацьвярга, усе гэтыя дні, дакумэнтаў на візы не прымалі. Пабачым, што будзе заўтра, пастараемся пачаць прымаць дакумэнты”.
Карэспандэнтка: “А чаму? Яны перашкаджаюць уваходзіць людзям, ці што?”
Сакратарка: “Так, яны перашкаджаюць нам выходзіць”.
Карэспандэнтка: “А вашы прадстаўнікі вялі зь пікетоўцамі перамовы?”
Сакратарка: “Не, не. Мы толькі ноту даслалі ў МЗС. Як мы выпадкова даведаліся, Менгарвыканкам даў дазвол на пікеты да 10 траўня, і таму пакуль з прыёмам дакумэнтаў на адкрыцьцё візаў беларускім грамадзянам складана”.
Загадчык ідэалягічнага аддзелу Беларускага рэспубліканскага саюзу моладзі Іван Сінічкін сьцьвярджае, што моладзь да генконсульства прыходзіць з уласнай ініцыятывы:
Сінічкін: “Тыя, хто неабыякавы, туды і прыходзяць. У мяне дзядуля ваяваў, і глядзець на тое, што адбывалася ў Таліне, спакойна немагчыма. Мы ж ня можам выехаць у Талін і супрацьстаяць неяк там — таму законныя прадстаўнікі Эстоніі тут павінны ведаць, што перакройваць гісторыю цяпер недапушчальна”.
Наведнікі генконсульства, якія маюць расейскае грамадзянства, да таго, што генконсульства не працуе, паставіліся з паразуменьнем. Што да талінскіх падзеяў з помнікам савецкаму салдату, яны выказалі такое меркаваньне:
Спадар: “Спроба самасьцьвердзіцца ў эстонскага кіраўніцтва — вось такім ня самым высакародным чынам, якая, і гэта відавочна, супярэчыць нормам маралі”.
Спадарыня: “Гісторыю перакройваць нельга. Дрэнна, добра — але гэта было. І цяпер ваяваць з помнікамі й пахаваньнямі якіх бы ні было салдатаў, якія ахвяравалі сваім жыцьцём, — гэта амаральна”.
Маладыя беларусы выказвалі такія меркаваньні:
Дзяўчына: “Я падтрымліваю людзей, якія выказваюць пратэст”.
Спадар: “Непрыгожая атрымалася сытуацыя напярэдадні сьвятаў. І ў цэлым у кантэксьце дачыненьняў краінаў Балтыі й Расеі, і дачыненьняў краінаў заходніх і Расеі”.
Юнак: “Я палітыкай не цікаўлюся, у мяне шмат сваіх праблемаў”.
Спадар: “Я лічу, што нельга так рабіць, помнік — памяць пра подзьвіг савецкіх салдатаў. Нельга такога рабіць”.
Спадар: “Калі глядзець на сытуацыю вачыма эстонскага народу, калі яму так гэта не падабаецца, можа, яны і маюць рацыю, калі помнік зносяць”.
Гл. таксама: Гомель: БРСМ ладзіць мітынгі школьнікаў супраць пераносу помніка ў Таліне
Эстонскае консульства ў Менску не працуе
Генэральнае консульства Эстоніі ў Менску працуе ў звычайным рэжыме