Лінкі ўнівэрсальнага доступу

Барыс Гарэцкі атрымаў пазоў у суд


Радыё Свабода Прэсавы сакратар Маладога фронту Барыс Гарэцкі атрымаў пазоў у суд Савецкага раёну на 8 траўня.

Паводле актывісткі Маладога фронту Насты Палажанкі, чакаецца, што ў судзе будзе прызначана дата судовага паседжаньня. Крымінальную справу супраць сяброў арганізацыі будзе весьці іншы судзьдзя – Аніскевіч. Паводле Н.Палажанкі, папярэдні судзьдзя адмовіўся весьці гэту справу.

У крымінальнай справе па артыкуле 193-1 (дзейнасьць ад імя незарэгістраванай арганізацыі) абвінавачваюцца пяцёра чалавек – Наста Палажанка, Зьміцер Хведарук, Алег Корбан, Аляксей Янушэўскі і Барыс Гарэцкі.

Паводле праваабарончага цэнтру “Вясна”, крымінальны перасьлед маладзёнаў распачаў капітан УКДБ па Менску Дзьмітрый Сьвістун, пад кіраўніцтвам якога адбылося затрыманьне Цэнтральнай рады Маладога фронту 4 лютага. Па ягоным загадзе тады Зьміцер Хведарук і Алег Корбан былі зьмешчаныя ў СІЗА.

Пасьля гэтага справа была перададзеная ў Менскую пракуратуру, дзе сьледчы Сяргей Грахоўскі дапытаў боль за сто сьведкаў, прымушаючы людзей даваць паказаньні супраць сваіх сяброў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG