Лінкі ўнівэрсальнага доступу

Лічба дня: 269 530 чалавек на ўліку беларускіх нарколягаў


Радыё Свабода 269 530 чалавек, якія маюць алькагольную ці наркатычную залежнасьць, знаходзяцца ў Беларусі на ўліку ў нарколягаў. Гэтыя дадзеныя агучыў сёньня галоўны нарколяг міністэрства аховы здароўя Ўладзімер Максімчук.

Ён таксама паведаміў пра павелічэньне колькасьці алькаголікаў сярод жанчын і непаўнагадовых. Разам з тым, паводле спадара Максімчука, скарацілася колькасьць алькагольных псыхозаў, летась іх было менш за 4600.

Сёньня ж начальнік упраўленьня прафіляктыкі міліцыі грамадзкай бясьпекі МУС Беларусі Мікалай Дрозд паведаміў, што сёлета ў лячэбна-працоўных прафілякторыях было ізалявана 1488 алькаголікаў, у два разы болей, чым за першы квартал мінулага году.

Паводле дадзеных Мікалая Дразда, за апошнія 20 гадоў колькасьць жанчын, хворых на хранічны алькагалізм, павялічылася з 4 тысяч да 26 тысяч.
XS
SM
MD
LG