Ад паловы дзявятай раніцы да другой гадзіны дня ўдзельнікі форуму абмяркоўвалі стратэгію дзеяньняў палітычнай апазыцыі Беларусі.
Ад імя рабочай групы стратэгію прадставіў палітоляг Вацлаў Арэшка. Галоўная яе мэта — правядзеньне ў Беларусі свабодных выбараў.
Палітоляг Аляксей Кароль, адзін з аўтараў гэтага дакумэнту, падкрэсьлівае, што ў стратэгіі не пазначана, калі дакладна пройдуць такія выбары:
“У самой назьве напісана, што гэта стратэгія да першых свабодных выбараў — прычым без абазначэньня даты. Ёсьць каляндар на 2008 год, калі павінны прайсьці чарговыя выбары ў Палату прадстаўнікоў. Але стратэгія складзеная з разьлікам на тое, што можа быць рознае”.
На пытаньне, у чым сутнасьць стратэгіі, спадар Кароль адказвае так:
“Гэта паварот у стратэгіі, якая раней была скіраваная ўсё ж пераважна на актыўныя вулічныя акцыі, да эвалюцыйнага працэсу. І называецца гэта — мірны шлях мадэрнізацыі грамадзкіх, эканамічных і сацыяльных стасункаў”.
Цікаўлюся ў суразмоўцы, ці выступаў хто-небудзь з удзельнікаў форуму супраць такога падыходу?
Палітоляг адказвае:
“Не — выступаў за тое, каб не падтрымаць стратэгію, не было. Былі пэўныя прапановы адносна акцэнтаў. Але сам паварот прыняты”.
Сярод удзельнікаў дыскусіі былі Аляксандар Мілінкевіч, Алег Воўчак, Мечыслаў Грыб ды іншыя.
У другой палове дня працуюць розныя сэкцыі. Старшыня Нацыянальнага выканаўчага камітэту аб’яднаных дэмсілаў Анатоль Лябедзька адзначае:
“Фактычна ідзе чарговае чытаньне “Малой канстытуцыі”, эканамічнай плятформы і стратэгіі. Калі гэта было прынята на палітрадзе, дык гэта стала хоць, можа, і невялічкім, але крокам наперад.
Пасьля канфэрэнцыі з больш шырокім складам удзельнікаў мы зробім яшчэ адзін крок наперад. А потым пачнуцца праца ў рэгіёнах і агульнанацыянальная дыскусія, каб прыцягнуць да абмеркаваньня гэтых дакумэнтаў як мага шырэйшае кола нашых звычайных грамадзянаў”.
Ад імя рабочай групы стратэгію прадставіў палітоляг Вацлаў Арэшка. Галоўная яе мэта — правядзеньне ў Беларусі свабодных выбараў.
Палітоляг Аляксей Кароль, адзін з аўтараў гэтага дакумэнту, падкрэсьлівае, што ў стратэгіі не пазначана, калі дакладна пройдуць такія выбары:
“У самой назьве напісана, што гэта стратэгія да першых свабодных выбараў — прычым без абазначэньня даты. Ёсьць каляндар на 2008 год, калі павінны прайсьці чарговыя выбары ў Палату прадстаўнікоў. Але стратэгія складзеная з разьлікам на тое, што можа быць рознае”.
На пытаньне, у чым сутнасьць стратэгіі, спадар Кароль адказвае так:
“Гэта паварот у стратэгіі, якая раней была скіраваная ўсё ж пераважна на актыўныя вулічныя акцыі, да эвалюцыйнага працэсу. І называецца гэта — мірны шлях мадэрнізацыі грамадзкіх, эканамічных і сацыяльных стасункаў”.
Цікаўлюся ў суразмоўцы, ці выступаў хто-небудзь з удзельнікаў форуму супраць такога падыходу?
Палітоляг адказвае:
“Не — выступаў за тое, каб не падтрымаць стратэгію, не было. Былі пэўныя прапановы адносна акцэнтаў. Але сам паварот прыняты”.
Сярод удзельнікаў дыскусіі былі Аляксандар Мілінкевіч, Алег Воўчак, Мечыслаў Грыб ды іншыя.
У другой палове дня працуюць розныя сэкцыі. Старшыня Нацыянальнага выканаўчага камітэту аб’яднаных дэмсілаў Анатоль Лябедзька адзначае:
“Фактычна ідзе чарговае чытаньне “Малой канстытуцыі”, эканамічнай плятформы і стратэгіі. Калі гэта было прынята на палітрадзе, дык гэта стала хоць, можа, і невялічкім, але крокам наперад.
Пасьля канфэрэнцыі з больш шырокім складам удзельнікаў мы зробім яшчэ адзін крок наперад. А потым пачнуцца праца ў рэгіёнах і агульнанацыянальная дыскусія, каб прыцягнуць да абмеркаваньня гэтых дакумэнтаў як мага шырэйшае кола нашых звычайных грамадзянаў”.