“Так, сапраўды, позіркі многіх скіраваныя ў бок Менску. Відавочна, што ў выніку спрэчак з Расеяй і ў мэтах захаваньня ўлады Лукашэнка будзе шукаць каапэрацыі з Эўразьвязам. Нягледзячы на дэклярацыі афіцыйнага Менску, ня трэба мець нейкіх ілюзіяў адносна рэжыму. Беларускія ўлады ў сэнсе дэмакратызацыі і рэфармаваньня дагэтуль так і не зрабілі нейкіх рэальных крокаў”, – кажа Марылюіза Бэк.
Яна перакананая, што дыялёг зь Менскам павінен весьціся пры ўмове вызваленьня палітычных вязьняў. У сваім звароце да эўрапейскіх міністраў, зьмешчаным у буйнейшым нямецкім Інтэрнэт-выданьні Netzeitung, Марылюіза Бэк заклікае стварыць пры эўрапейскіх структурах адмысловую пасаду ўпаўнаважанага ў справах Беларусі. Гэта, на яе думку, сымбалізавала б значэньне Беларусі для аб’яднанай Эўропы.
Паводле дэпутаткі Бундэстагу, акрамя вядзеньня дыялёгу зь Менскам на дзяржаўным узроўні, Эўразьвяз павінен рабіць адпаведныя крокі дзеля дэмакратызацыі Беларусі ў аднабаковым парадку. Размова ідзе пра рэалізацыю не падкантрольных беларускім уладам праектаў, накіраваных на падтрымку грамадзянскай супольнасьці. Гэта розныя вучнёўскія, студэнцкія, навуковыя і культурніцкія абмены, а таксама праграмы Эўрапейскага радыё- і тэлебачаньня для Беларусі. Зь гледзішча Марылюізы Бэк, прызначанае раней Брусэлем фінансаваньне ў два мільёны эўра на год, яўна недастатковае для зьняцьця інфармацыйнай блякады.
Паводле дэпутаткі Бундэстагу, Нямеччына як цяперашняя краіна – старшыня Эўразьвязу, а таксама іншыя сябры гэтай арганізацыі павінны праявіць больш зацікаўленасьці, каб Беларусь стала сапраўдным дэмакратычным суседам. Спадарыня Бэк чарговым разам скрытыкавала сёлетняе падвышэньне коштаў на шэнгенскую візу для беларусаў і назвала суму ў 60 эўра “недаступнай для большасьці грамадзянаў гэтай краіны”.
На пытаньне, наколькі ўдалося нямецкім зялёным – галоўным лябістам гэтай тэмы – прасунуць візавае пытаньне сярод дэпутатаў Бундэстагу і Эўрапарлямэнту адказвае супрацоўнік бюро Марылюізы Бэк: “Пакуль у Эўразьвязе няма нейкай агульнай пазыцыі ў гэтым пытаньні. Мы спадзяёмся, што, магчыма, ужо ў гэтым месяцы будзе нейкае разьвіцьцё. У нямецкім парлямэнце цяпер ідуць дыскусіі ў кулюарах, аднак канкрэтных спраў пакуль няма”.
Гл. таксама За шэнгенскую візу беларусы плацяць болей за ўкраінцаў і расейцаў
Дэпутатам нямецкага Бундэстагу не далі беларускіх візаў
Яна перакананая, што дыялёг зь Менскам павінен весьціся пры ўмове вызваленьня палітычных вязьняў. У сваім звароце да эўрапейскіх міністраў, зьмешчаным у буйнейшым нямецкім Інтэрнэт-выданьні Netzeitung, Марылюіза Бэк заклікае стварыць пры эўрапейскіх структурах адмысловую пасаду ўпаўнаважанага ў справах Беларусі. Гэта, на яе думку, сымбалізавала б значэньне Беларусі для аб’яднанай Эўропы.
Паводле дэпутаткі Бундэстагу, акрамя вядзеньня дыялёгу зь Менскам на дзяржаўным узроўні, Эўразьвяз павінен рабіць адпаведныя крокі дзеля дэмакратызацыі Беларусі ў аднабаковым парадку. Размова ідзе пра рэалізацыю не падкантрольных беларускім уладам праектаў, накіраваных на падтрымку грамадзянскай супольнасьці. Гэта розныя вучнёўскія, студэнцкія, навуковыя і культурніцкія абмены, а таксама праграмы Эўрапейскага радыё- і тэлебачаньня для Беларусі. Зь гледзішча Марылюізы Бэк, прызначанае раней Брусэлем фінансаваньне ў два мільёны эўра на год, яўна недастатковае для зьняцьця інфармацыйнай блякады.
Паводле дэпутаткі Бундэстагу, Нямеччына як цяперашняя краіна – старшыня Эўразьвязу, а таксама іншыя сябры гэтай арганізацыі павінны праявіць больш зацікаўленасьці, каб Беларусь стала сапраўдным дэмакратычным суседам. Спадарыня Бэк чарговым разам скрытыкавала сёлетняе падвышэньне коштаў на шэнгенскую візу для беларусаў і назвала суму ў 60 эўра “недаступнай для большасьці грамадзянаў гэтай краіны”.
На пытаньне, наколькі ўдалося нямецкім зялёным – галоўным лябістам гэтай тэмы – прасунуць візавае пытаньне сярод дэпутатаў Бундэстагу і Эўрапарлямэнту адказвае супрацоўнік бюро Марылюізы Бэк: “Пакуль у Эўразьвязе няма нейкай агульнай пазыцыі ў гэтым пытаньні. Мы спадзяёмся, што, магчыма, ужо ў гэтым месяцы будзе нейкае разьвіцьцё. У нямецкім парлямэнце цяпер ідуць дыскусіі ў кулюарах, аднак канкрэтных спраў пакуль няма”.
Гл. таксама За шэнгенскую візу беларусы плацяць болей за ўкраінцаў і расейцаў
Дэпутатам нямецкага Бундэстагу не далі беларускіх візаў
