Лінкі ўнівэрсальнага доступу

Барысаў: затрыманы актывіст Ігар Леднік


Алег Грузьдзіловіч, Менск Актывіст прадпрымальніцкага руху быў затрыманы ўвечары 24 сакавіка побач з домам.

Да Ігара Ледніка, які вяртаўся разам з 15-ці гадовым сынам Аляксандрам дамоў, падышоў невядомы і пачаў сварку. Адразу ж зьявіліся міліцыянты, якія затрымалі актывіста і адвезьлі яго ў міліцэйскі пастарунак.

Паводле сваякоў Ігара Ледніка, зараз актывіст знаходзіцца ў Барысаўскім сьледчым ізалятары. На яго складзены пратакол, нібыта за дробнае хуліганства.

25 сакавіка сваякам дазволілі перадаць Ігару Ледніку перадачу. Суд над актывістам мусіць адбыцца ў панядзелак, 26 сакавіка.
XS
SM
MD
LG