Абвесткі аб мітынгу баяцца прымаць
Арганізатары спрабуюць даць абвесткі аб мітынгу на буйных рынках і ў гандлёвых цэнтрах Менску. Адзін з заяўнікаў акцыі Аляксандар Макаеў апавёў:
“На “Максімусе” баяцца прымаць. Мы разумеем і гаспадароў рынкаў, бо іх могуць звольніць. У “Малінаўцы” таксама адмаўлялі, але мы патэлефанавалі ў аблвыканкам, і яны тады ўжо далі дазвол нібыта на пяць аб’яў. Неразборліва так прачыталі. Зусім такая аб’ява нэўтральная, і тое баяцца даваць такія тэксты”.
"Дзяржаўныя мэдыі перад нашым мітынгам вядуць вялікую прапаганду"
Афіцыйныя мэдыі паведамляюць пра ўказ прэзыдэнта, падпісаны ў выходны дзень, 9 сакавіка, аб спрошчанай сыстэме падаткаабкладаньня суб’ектаў малога прадпрымальніцтва. Заяўнік мітынгу, юрыст Сяргей Балыкін сказаў:
“Мы дамагліся адной невялічкай перамогі. Трохі спужаўшыся нашага мітынгу, а таксама іншых акцый пратэсту, прэзыдэнт выдаў указ. Але сам гэты ўказ ні ў якім разе ня вырашыць пытаньняў прадпрымальнікаў. Толькі невялічкая колькасьць юрыдычных асобаў атрымае нейкую палёгку ад гэтага ўказу. А вось асноўнай масе прадпрымальнікаў, якія займаюцца гандлем, гэты ўказ ніяк не дапаможа. Дзяржаўныя мэдыі перад нашым мітынгам вядуць вялікую прапаганду, што ў нас усё добра і ўсе пытаньні вырашаюцца”.
"Гэтым мітынгам гэта не скончыцца, пакуль гэты абсурдны ўказ ня будзе адменены”
На мітынгу ў Менску 12 сакавіка прадпрымальнікі будуць найперш патрабаваць адмены прэзыдэнцкага ўказу № 760, які фактычна забараняе выкарыстоўваць наёмную працу. Актывіст руху Ігар Леднік сказаў:
“Будуць гучаць прапановы, што рабіць далей і як выпрацаваць агульныя такія дзеяньні ў межах прадпрымальніцкага руху. Гэта будуць прапановы. Мы лічым, што гэтым мітынгам гэта не скончыцца, пакуль гэты абсурдны ўказ ня будзе адменены”.
Запрошаны і Мілінкевіч
Паводле актывіста Сяргея Балыкіна, прадпрымальнікі мусяць прадэманстраваць, што яны нязгодныя цярпець ціск з боку ўладаў.
“Мы гатовы праяўляць грамадзянскую актыўнасьць у барацьбе. І сам па сабе мітынг, зразумела, ён нічога не вырашае. Але ён зьяўляецца вельмі добрым, моцным аргумэнтам для далейшых перамоваў, для таго, каб улада нас пачула”.
Прыняць удзел у мітынгу запрошаны лідэр аб’яднаных дэмсілаў Аляксандар Мілінкевіч.
Арганізатары спрабуюць даць абвесткі аб мітынгу на буйных рынках і ў гандлёвых цэнтрах Менску. Адзін з заяўнікаў акцыі Аляксандар Макаеў апавёў:
“На “Максімусе” баяцца прымаць. Мы разумеем і гаспадароў рынкаў, бо іх могуць звольніць. У “Малінаўцы” таксама адмаўлялі, але мы патэлефанавалі ў аблвыканкам, і яны тады ўжо далі дазвол нібыта на пяць аб’яў. Неразборліва так прачыталі. Зусім такая аб’ява нэўтральная, і тое баяцца даваць такія тэксты”.
"Дзяржаўныя мэдыі перад нашым мітынгам вядуць вялікую прапаганду"
Афіцыйныя мэдыі паведамляюць пра ўказ прэзыдэнта, падпісаны ў выходны дзень, 9 сакавіка, аб спрошчанай сыстэме падаткаабкладаньня суб’ектаў малога прадпрымальніцтва. Заяўнік мітынгу, юрыст Сяргей Балыкін сказаў:
“Мы дамагліся адной невялічкай перамогі. Трохі спужаўшыся нашага мітынгу, а таксама іншых акцый пратэсту, прэзыдэнт выдаў указ. Але сам гэты ўказ ні ў якім разе ня вырашыць пытаньняў прадпрымальнікаў. Толькі невялічкая колькасьць юрыдычных асобаў атрымае нейкую палёгку ад гэтага ўказу. А вось асноўнай масе прадпрымальнікаў, якія займаюцца гандлем, гэты ўказ ніяк не дапаможа. Дзяржаўныя мэдыі перад нашым мітынгам вядуць вялікую прапаганду, што ў нас усё добра і ўсе пытаньні вырашаюцца”.
"Гэтым мітынгам гэта не скончыцца, пакуль гэты абсурдны ўказ ня будзе адменены”
На мітынгу ў Менску 12 сакавіка прадпрымальнікі будуць найперш патрабаваць адмены прэзыдэнцкага ўказу № 760, які фактычна забараняе выкарыстоўваць наёмную працу. Актывіст руху Ігар Леднік сказаў:
“Будуць гучаць прапановы, што рабіць далей і як выпрацаваць агульныя такія дзеяньні ў межах прадпрымальніцкага руху. Гэта будуць прапановы. Мы лічым, што гэтым мітынгам гэта не скончыцца, пакуль гэты абсурдны ўказ ня будзе адменены”.
Запрошаны і Мілінкевіч
Паводле актывіста Сяргея Балыкіна, прадпрымальнікі мусяць прадэманстраваць, што яны нязгодныя цярпець ціск з боку ўладаў.
“Мы гатовы праяўляць грамадзянскую актыўнасьць у барацьбе. І сам па сабе мітынг, зразумела, ён нічога не вырашае. Але ён зьяўляецца вельмі добрым, моцным аргумэнтам для далейшых перамоваў, для таго, каб улада нас пачула”.
Прыняць удзел у мітынгу запрошаны лідэр аб’яднаных дэмсілаў Аляксандар Мілінкевіч.