На нядаўна зацьверджаным гербе гораду – смачны зялёны яблык на фоне трохкутніка. Яблычныя сады ў гэтых мясьцінах спрадвеку. Складаней з трохкутнікам, што сымбалізуе ажыўленыя аўтатрасы ды чыгунку, якія абступаюць Фаніпаль. Хоць для аўтара герба, намесьніка старшыні гарвыканкаму Івана Дзяніса праблем з хворай гарадзкой экалёгіяй нібыта не існуе.
“У дварох шматпавярховых дамоў яблыкі растуць, – гаворыць Іван Дзяніс. – Квітучыя сады! Рэдкі горад, каб знайсьці сады ў дварах. У нас жылы раён асобна, прамзона – асобна. Так што камфортна для гораду і для людзей у пляне экалёгіі...”
Аднак гэткую аптымістычную выснову падзяляюць ня ўсе. Нядаўна два дзясяткі фаніпальскіх гімназістаў правялі экалягічны экспэрымэнт, які засьведчыў зусім іншыя вынікі.
Ініцыятарка экспэрымэнту – настаўніца геаграфіі, загадчыца краязнаўчага музэю Галіна Шчаковіч.
“Тут праходзіць гарадзкі шлях, магістраль Берасьце – Масква і трэцяя дарога, што ідзе да прамысловай зоны, дзе знаходзяцца нафтабаза, многія прадпрыемствы, – расказвае Галіна Шчаковіч. – Мы зь дзецьмі палічылі, колькі машын праходзіць праз 5 – 10 і нават праз адну хвіліну. Каля школы за адну хвіліну – да 11 машын, асабліва раніцай, калі ідзем на ўрокі. Праз магістраль да 400 машын за 5 – 10 хвілін. А праз 500 мэтраў у нас заводзкая чыгунка, а таксама шаша Берасьце – Баранавічы – Менск – Масква. За суткі праходзіць да 40 электрычак і грузавых цягнікоў. Вось вам і экалёгія!”
Тым больш прамысловая зона фактычна знаходзіцца ў рысе невялікага гораду, найбліжэйшая ж лесапаласа толькі за пяць кілямэтраў ад яго. Вынікі акцыі могуць стаць падмуркам для будучых заканадаўчых ініцыятываў, кажа адзіны апазыцыйны дэпутат гарсавету, сябра ПКБ Канстанцін Селядцоў.
“Калі гэта перавышэньне санітарных нормаў, – гаворыць Канстанцін Селядцоў, – дык праз дарогу берасьцейскую робяць абарончыя экраны, што здымаюць шумы. Вынікі моладзевага экалягічнага экспэрымэнту мы на сэсіі гарсавету будзем вывучаць і будзем выносіць прапановы ўладам для паляпшэньня экалягічнай сытуацыі ў Фаніпалі”.
“У дварох шматпавярховых дамоў яблыкі растуць, – гаворыць Іван Дзяніс. – Квітучыя сады! Рэдкі горад, каб знайсьці сады ў дварах. У нас жылы раён асобна, прамзона – асобна. Так што камфортна для гораду і для людзей у пляне экалёгіі...”
Аднак гэткую аптымістычную выснову падзяляюць ня ўсе. Нядаўна два дзясяткі фаніпальскіх гімназістаў правялі экалягічны экспэрымэнт, які засьведчыў зусім іншыя вынікі.
Ініцыятарка экспэрымэнту – настаўніца геаграфіі, загадчыца краязнаўчага музэю Галіна Шчаковіч.
“Тут праходзіць гарадзкі шлях, магістраль Берасьце – Масква і трэцяя дарога, што ідзе да прамысловай зоны, дзе знаходзяцца нафтабаза, многія прадпрыемствы, – расказвае Галіна Шчаковіч. – Мы зь дзецьмі палічылі, колькі машын праходзіць праз 5 – 10 і нават праз адну хвіліну. Каля школы за адну хвіліну – да 11 машын, асабліва раніцай, калі ідзем на ўрокі. Праз магістраль да 400 машын за 5 – 10 хвілін. А праз 500 мэтраў у нас заводзкая чыгунка, а таксама шаша Берасьце – Баранавічы – Менск – Масква. За суткі праходзіць да 40 электрычак і грузавых цягнікоў. Вось вам і экалёгія!”
Тым больш прамысловая зона фактычна знаходзіцца ў рысе невялікага гораду, найбліжэйшая ж лесапаласа толькі за пяць кілямэтраў ад яго. Вынікі акцыі могуць стаць падмуркам для будучых заканадаўчых ініцыятываў, кажа адзіны апазыцыйны дэпутат гарсавету, сябра ПКБ Канстанцін Селядцоў.
“Калі гэта перавышэньне санітарных нормаў, – гаворыць Канстанцін Селядцоў, – дык праз дарогу берасьцейскую робяць абарончыя экраны, што здымаюць шумы. Вынікі моладзевага экалягічнага экспэрымэнту мы на сэсіі гарсавету будзем вывучаць і будзем выносіць прапановы ўладам для паляпшэньня экалягічнай сытуацыі ў Фаніпалі”.