Лінкі ўнівэрсальнага доступу

Беларускія чыноўнікі пра санкцыі з боку ЗША<b/>


Радыё Свабода Некаторыя з беларускіх чыноўнікаў, на якіх Злучаныя Штаты распаўсюдзілі індывідуальныя санкцыі, выказалі сваё стаўленьне да гэтага рашэньня ў інтэрвію Інтэрфаксу.

“Я думаў, што міністэрства фінансаў ЗША і кіраўніцтва гэтай краіны цікавіць толькі Іран, Ірак і Аўганістан. Ад увагі да маёй асобы стала цёпла на душы,” – сказаў кіраўнік менскага АМОНу Юры Падабед. Ён катэгарычна адмаўляе наяўнасьць у яго маёмасьці і фінансавых рахункаў у ЗША. Ю. Падабед выказаў гатоўнасьць аддаць ягоную маёмасьць, калі яна знойдзецца ў ЗША “асабіста міністру фінансаў ЗША і прэзыдэнту Джорджу Бушу”. “Я мяркую, што гэта пойдзе ім на карысьць,” – сказаў кіраўнік менскага АМОНу.



Кіраўнік ўправы грамадзкіх арганізацыяў міністэрства юстыцыі Алег Сьліжэўскі назваў рашэньне амэрыканскіх ўладаў “абсурдным” і дадаў, што ні наколькі ім не занепакоены.

Раней супраць шэрагу беларускіх чыноўнікаў былі ўведзеныя фінансавыя санкцыі Эўразьвязу. У сьпіс патрапілі Аляксандар Лукашэнка і 35 іншых вышэйшых беларускіх чыноўнікаў, адказных за парушэньні міжнародных выбарчых стандартаў і ўціск грамадзянскай супольнасьці, ды перасьлед апазыцыі пад час прэзыдэнцкіх выбараў 19 сакавіка 2006 году.

Згодна з гэтым рашэньнем былі замарожаныя ўсе выяўленыя рахункі і маёмасьць у краінах Эўразьвязу, зьвязаныя наўпрост ці ўскосна з наступнымі беларускімі чыноўнікамі:

1. Аляксандар Лукашэнка, прэзыдэнт Беларусі; 2. Генадзь Нявыглас, кіраўнік адміністрацыі прэзыдэнта; 3. Натальля Пяткевіч, намесьнік кіраўніка адміністрацыі прэзыдэнта; 4. Анатоль Рубінаў, намесьнік кіраўніка адміністрацыі прэзыдэнта, адказны за ідэалёгію; 5. Алег Праляскоўскі, памочнік прэзыдэнта і кіраўнік ідэалягічнай управы адміністацыі прэзыдэнта; 6. Аляксандар Радзькоў, міністар адукацыі; 7. Уладзімер Русакевіч, міністар інфармацыі; 8. Віктар Галаванаў, міністар юстыцыі; 9. Аляксандар Зімоўскі, старшыня Белдзяржтэлерадыёкампаніі; 10. Уладзімер Канаплёў, старшыня Палаты прадстаўнікоў; 11. Мікалай Чаргінец, кіраўнік камісіі Савету Рэспублікі; 12. Сяргей Касьцян, кіраўнік камісіі Палаты прадстаўнікоў; 13. Міхаіл Орда, дэпутат Палаты прадстаўнікоў, лідэр БРСМ; 14. Мікалай Лазавік, сакратар Цэнтравыбаркаму; 15. Пётр Міклашэвіч, генэральны пракурор; 16. Алег Сьліжэўскі, кіраўнік аддзелу грамадзкіх аб’яднаньняў і партыяў Мін''юсту; 17. Аляксандар Харытон, кансультант гэтага аддзелу Мін''юсту; 18. Яўген Сьмірноў, першы намесьнік старшыні Вышэйшага гаспадарчага суду; 19. Надзея Равуцкая, судзьдзя Маскоўскага раённага суду Менску; 20. Мікалай Трубнікаў, судзьдзя Партызанскага раённага суду Менску; 21. Мікалай Купрыянаў, намесьнік генэральнага пракурора; 22. Сьцяпан Сухарэнка, старшыня КДБ; 23. Васіль Дземянцей, першы намесьнік старшыні КДБ; 24. Леанід Козік, старшыня Фэдэрацыі прафсаюзаў; 25. Аляксандар Каляда, старшыня Берасьцейскай абласной выбарчай камісіі; 26. Уладзімер Міхасёў, старшыня Гомельскай абласной выбарчай камісіі; 27. Леанід Лучына, старшыня Гарадзенскай абласной выбарчай камісіі; 28. Ігар Карпенка, старшыня Менскай гарадзкой выбарчай камісіі; 29. Уладзімер Курловіч, старшыня Менскай абласной выбарчай камісіі; 30. Мікалай Мяцеліца, старшыня Магілёўскай абласной выбарчай камісіі; 31. Міхаіл Пішчулёнак, старшыня Віцебскай абласной выбарчай камісіі; 32. Віктар Шэйман, старшыня Рады Бясьпекі; 33. Дзьмітры Паўлічэнка, камандзір брыгады спэцназу; 34. Уладзімер Навумаў, міністар унутраных справаў; 35. Лідзія Ярмошына, старшыня Цэнтравыбаркаму; 36. Юры Падабед, камандзір палка міліцыі спэцыяльнага прызначэньня.
XS
SM
MD
LG