Прафэсар Станіслаў Багданкевіч ведае пра праекты Міністэрства эканомікі наконт прыватызацыі прадпрыемстваў нафтагазавага комплексу, іншых галін. На яго думку, прыватызацыя магчымая, але выбарачная. І не на падставе цывілізаванага эўрапейскага падыходу, а так, як зараз, да прыкладу, адбываецца з "Белтрансгазам", які вырашылі прадаць "Газпрому" "замест таго, каб зрабіць рэкляму на Захадзе, на Ўсходзе, на Поўдні і такім шляхам празрыста, адкрыта правесьці конкурс і прадаць таму, хто быў бы больш выгодным для Беларусі. Таму я думаю, што праекты такія ёсьць ў рэальнасьці, але на колькі яны будуць зьдзейсьненыя, пытаньне," – кажа Багданкевіч.
Эканаміст Мікіта Бялых, старшыня фэдэральна-палітычнага савету расейскай партыі "Саюз правых сіл", адзначае, што ўзаемадачыненьні Расеі і Беларусі характарызуюцца высокай ступеньню датацыйнасьці эканомікі Беларусі з боку Расеі:
"Безь якіх-небудзь грашовых уліваньняў – магчыма, у выглядзе займаў альбо ў выглядзе прыватызацыі, думаю, што магчымасьці Беларусі па разьліках за газ, па іншых разьліках будуць вельмі і вельмі абмежаваныя. Іншая справа – пытаньне часу і сытуацыі, калі гэта прыватызацыя адбудзецца. Будзе гэта зараз альбо праз год, мне сказаць складана, але я лічу, што ў цэлым разьдзяржаўленьне беларускай эканомікі – працэс непазьбежны".
На думку кіраўніка аналітычнага цэнтру Мізэса эканаміста Яраслава Раманчука, дэклярацыі чыноўнікаў, і нават міністра эканомікі нічога ў Беларусі не азначаюць.
"На сёньняшні дзень няма падставаў гаварыць, што ўрад мае нейкі плян прыватызацыі альбо лібэралізацыі эканомікі. Так, яны ня ведаюць, што рабіць з прадпрыемствамі, якія сёньня робяцца стратнымі ў кантэксьце больш высокіх цэнаў на энэрганосьбіты, і таму, каб іх пачулі наверсе, гавораць, што трэба хаця б стратныя прадпрыемствы прадаваць. Але гэта толькі плач аб дапамозе, дэклярацыі. Я ня веру, што ўрад у гэтай сытуацыі, у гэтым кадравым складзе пойдзе на прыватызацыю і пачне нейкія разумныя рэформы. Гэта мне больш нагадвае прыгатаваньні да "прыхватызацыі", да імітацыі найгоршых прыкладаў расейскай і ўкраінскай "прыхватызацыі".
На думку і Яраслава Раманчука, і Станіслава Багданкевіча, беларускі ўрад не зьбіраецца змагацца з прычынамі, якія працягваюць крызысныя зьявы ў эканоміцы Беларусі, ён проста спрабуе залатаць дзіркі пры дапамозе самага простага спосабу – пазыкаў, крэдытаў.
"Мне здаецца, што сёньня Лукашэнка спрабуе праблемы ў эканоміцы, якія ўзьніклі з-за яе нерэфармаваньня, вырашыць з дапамогай зьнешніх пазыкаў: папрасілі паўтара мільярды даляраў у Расеі, мільярд у аўстрыйскіх банкаў, два мільярды загадана знайсьці камэрцыйным банкам. І такім чынам падтрымліваць тую мадэль адміністрацыйна-камандную, якая існуе", – заявіў Радыё Свабода прафэсар Станіслаў Багданкевіч.
Эканаміст Мікіта Бялых, старшыня фэдэральна-палітычнага савету расейскай партыі "Саюз правых сіл", адзначае, што ўзаемадачыненьні Расеі і Беларусі характарызуюцца высокай ступеньню датацыйнасьці эканомікі Беларусі з боку Расеі:
"Безь якіх-небудзь грашовых уліваньняў – магчыма, у выглядзе займаў альбо ў выглядзе прыватызацыі, думаю, што магчымасьці Беларусі па разьліках за газ, па іншых разьліках будуць вельмі і вельмі абмежаваныя. Іншая справа – пытаньне часу і сытуацыі, калі гэта прыватызацыя адбудзецца. Будзе гэта зараз альбо праз год, мне сказаць складана, але я лічу, што ў цэлым разьдзяржаўленьне беларускай эканомікі – працэс непазьбежны".
На думку кіраўніка аналітычнага цэнтру Мізэса эканаміста Яраслава Раманчука, дэклярацыі чыноўнікаў, і нават міністра эканомікі нічога ў Беларусі не азначаюць.
"На сёньняшні дзень няма падставаў гаварыць, што ўрад мае нейкі плян прыватызацыі альбо лібэралізацыі эканомікі. Так, яны ня ведаюць, што рабіць з прадпрыемствамі, якія сёньня робяцца стратнымі ў кантэксьце больш высокіх цэнаў на энэрганосьбіты, і таму, каб іх пачулі наверсе, гавораць, што трэба хаця б стратныя прадпрыемствы прадаваць. Але гэта толькі плач аб дапамозе, дэклярацыі. Я ня веру, што ўрад у гэтай сытуацыі, у гэтым кадравым складзе пойдзе на прыватызацыю і пачне нейкія разумныя рэформы. Гэта мне больш нагадвае прыгатаваньні да "прыхватызацыі", да імітацыі найгоршых прыкладаў расейскай і ўкраінскай "прыхватызацыі".
На думку і Яраслава Раманчука, і Станіслава Багданкевіча, беларускі ўрад не зьбіраецца змагацца з прычынамі, якія працягваюць крызысныя зьявы ў эканоміцы Беларусі, ён проста спрабуе залатаць дзіркі пры дапамозе самага простага спосабу – пазыкаў, крэдытаў.
"Мне здаецца, што сёньня Лукашэнка спрабуе праблемы ў эканоміцы, якія ўзьніклі з-за яе нерэфармаваньня, вырашыць з дапамогай зьнешніх пазыкаў: папрасілі паўтара мільярды даляраў у Расеі, мільярд у аўстрыйскіх банкаў, два мільярды загадана знайсьці камэрцыйным банкам. І такім чынам падтрымліваць тую мадэль адміністрацыйна-камандную, якая існуе", – заявіў Радыё Свабода прафэсар Станіслаў Багданкевіч.
