Марыюш Машкевіч кажа, што Польшча ня мае падставаў пачынаць дыялёг з афіцыйным Менскам да часу, пакуль беларускія ўлады ня пойдуць на дэмакратызацыю краіны і ня спыняць перасьледу актывістаў Саюзу палякаў Беларусі.
Машкевіч: "Каб казаць пра нейкі адкрыты дыялёг паміж афіцыйнымі ўстановамі Польшчы і Беларусі, павінны быць выразныя сыгналы з аднаго і з другога боку. Як вядома, зь беларускага боку, па-за выказваньнямі для журналістаў, беларускія ўлады выражаюць нейкае неакрэсьленае жаданьне кантактаў з Эўразьвязам. Прычым невядома, у чым насамрэч справа. Я лічу, што першым крокам павінна быць рэакцыя беларускіх уладаў прынамсі на ўзроўні МЗС на пакет прапановаў Эўразьвязу".
Паводле галоўнага дарадцы прэм''ера Польшчы, ён нічога ня ведае пра сустрэчы высокапастаўленых дыпляматаў краінаў Эўразьвязу зь беларускімі ўладамі – пра гэта заявіў на мінулым тыдні дэпутат Сэйму Яўген Чыквін. Марыюш Машкевіч кажа, што ня варта надаваць вялікай увагі і сустрэчы пасла Беларусі ў Польшчы з дарадцам польскага прэзыдэнта спадаром Краўчыкам.
Машкевіч: "Наколькі я ведаю, размова тычылася культурнага абмену танцавальнымі ансамблямі".
Прыхільнікі польска-беларускага дыялёгу заяўляюць пра тое, што Польшча павінна як мага хутчэй накіраваць свайго амбасадара ў Беларусь, бо, нягледзячы на парушэньні правоў чалавека беларускімі ўладамі, у Менску ёсьць, напрыклад, пасол ЗША.
Машкевіч: "ЗША вядуць крыху іншую замежную палітыку. Гэтая дзяржава ня мусіць так прынцыпова ставіць некаторыя справы, бо ЗША маюць іншую пазыцыю ў сьвеце. Тое, што ЗША маюць свайго пасла ў Беларусі, абсалютна не азначае, што Вашынгтон задаволены сытуацыяй з правамі чалавека ў Беларусі. Хутчэй наадварот.
Мы маем іншую сытуацыю – мы суседзі. Але два гады таму беларускія ўлады сілай адхілілі законна абранае кіраўніцтва Саюзу палякаў, таму нашыя дачыненьні павінны быць на нізкім узроўні да часу, пакуль беларускія ўлады ня стануць больш прыхільнымі да польскай меншасьці, не прызнаюць законнага кіраўніцтва саюзу. Мы чакаем пазытыўных крокаў Менску, і тады спадар Генрык Літвін паедзе ў Менск. Я лічу, што гэта вельмі добры кандыдат для таго, каб падняць нашыя дачыненьні на адпаведны ўзровень".
Былы амбасадар лічыць, што беларуская апазыцыя павінна застацца партнэрам для перамоваў, калі такія перамовы зь Беларусьсю пачнуцца.
Машкевіч: "Мы вядзем даволі шырокія перамовы з апазыцыяй, асабліва што тычыцца праграм дапамогі грамадзянскай супольнасьці. Апазыцыя – гэта наш партнэр, у сэнсе грамадзкім, натуральна, а не палітычным, бо апазыцыя не кіруе дзяржавай. Але гэта важна з пункту гледжаньня пабудовы добрых дачыненьняў паміж нашымі народамі, разьвіцьця грамадзянскай актыўнасьці, мэдыяў. Мы хочам запрашаць у Польшчу як мага больш беларусаў, каб яны знаёміліся з нашым досьведам і рыхтаваліся да будучай, спадзяюся, актыўнасьці ў межах Эўразьвязу".
Гл.таксама: Чаму Польшча дагэтуль ня мае амбасадара ў Беларусі? Машкевіч: "Называць нерэальнымі падставовыя рэчы?.."
Машкевіч: "Каб казаць пра нейкі адкрыты дыялёг паміж афіцыйнымі ўстановамі Польшчы і Беларусі, павінны быць выразныя сыгналы з аднаго і з другога боку. Як вядома, зь беларускага боку, па-за выказваньнямі для журналістаў, беларускія ўлады выражаюць нейкае неакрэсьленае жаданьне кантактаў з Эўразьвязам. Прычым невядома, у чым насамрэч справа. Я лічу, што першым крокам павінна быць рэакцыя беларускіх уладаў прынамсі на ўзроўні МЗС на пакет прапановаў Эўразьвязу".
Паводле галоўнага дарадцы прэм''ера Польшчы, ён нічога ня ведае пра сустрэчы высокапастаўленых дыпляматаў краінаў Эўразьвязу зь беларускімі ўладамі – пра гэта заявіў на мінулым тыдні дэпутат Сэйму Яўген Чыквін. Марыюш Машкевіч кажа, што ня варта надаваць вялікай увагі і сустрэчы пасла Беларусі ў Польшчы з дарадцам польскага прэзыдэнта спадаром Краўчыкам.
Машкевіч: "Наколькі я ведаю, размова тычылася культурнага абмену танцавальнымі ансамблямі".
Прыхільнікі польска-беларускага дыялёгу заяўляюць пра тое, што Польшча павінна як мага хутчэй накіраваць свайго амбасадара ў Беларусь, бо, нягледзячы на парушэньні правоў чалавека беларускімі ўладамі, у Менску ёсьць, напрыклад, пасол ЗША.
Машкевіч: "ЗША вядуць крыху іншую замежную палітыку. Гэтая дзяржава ня мусіць так прынцыпова ставіць некаторыя справы, бо ЗША маюць іншую пазыцыю ў сьвеце. Тое, што ЗША маюць свайго пасла ў Беларусі, абсалютна не азначае, што Вашынгтон задаволены сытуацыяй з правамі чалавека ў Беларусі. Хутчэй наадварот.
Мы маем іншую сытуацыю – мы суседзі. Але два гады таму беларускія ўлады сілай адхілілі законна абранае кіраўніцтва Саюзу палякаў, таму нашыя дачыненьні павінны быць на нізкім узроўні да часу, пакуль беларускія ўлады ня стануць больш прыхільнымі да польскай меншасьці, не прызнаюць законнага кіраўніцтва саюзу. Мы чакаем пазытыўных крокаў Менску, і тады спадар Генрык Літвін паедзе ў Менск. Я лічу, што гэта вельмі добры кандыдат для таго, каб падняць нашыя дачыненьні на адпаведны ўзровень".
Былы амбасадар лічыць, што беларуская апазыцыя павінна застацца партнэрам для перамоваў, калі такія перамовы зь Беларусьсю пачнуцца.
Машкевіч: "Мы вядзем даволі шырокія перамовы з апазыцыяй, асабліва што тычыцца праграм дапамогі грамадзянскай супольнасьці. Апазыцыя – гэта наш партнэр, у сэнсе грамадзкім, натуральна, а не палітычным, бо апазыцыя не кіруе дзяржавай. Але гэта важна з пункту гледжаньня пабудовы добрых дачыненьняў паміж нашымі народамі, разьвіцьця грамадзянскай актыўнасьці, мэдыяў. Мы хочам запрашаць у Польшчу як мага больш беларусаў, каб яны знаёміліся з нашым досьведам і рыхтаваліся да будучай, спадзяюся, актыўнасьці ў межах Эўразьвязу".
Гл.таксама: Чаму Польшча дагэтуль ня мае амбасадара ў Беларусі? Машкевіч: "Называць нерэальнымі падставовыя рэчы?.."
