Лісак: “Я размаўляў у Бундэстагу зь людзьмі, якія займаюцца замежнай палітыкай ад хрысьціянскіх дэмакратаў, а таксама з галоўнымі дарадцамі спадарыні канцлеркі Ангелы Мэркель у справах усходняй палітыкі. Мяне вельмі ўзрадавала і, мушу сказаць, крыху зьдзівіла, што ў Бэрліне вельмі добра разумеюць сытуацыю ў Беларусі і маюць на яе такі самы погляд, як і ў Варшаве. Гэта ня так, што, маўляў, палякі такія радыкалы і да канца падтрыміваюць апазыцыю. Немцы, насуперак таму, што часам кажуць, ня маюць больш мяккай пазыцыі ў дачыненьні да Менску і таксама цьвёрда дамагаюцца выкананьня Лукашэнкам уступных умоваў Эўразьвязу, калі Менск хоча размаўляць зь Нямеччынай, якая кіруе цяпер Эўразьвязам”.
